Blog

  • Aktakuzë ndaj një gruaje në Ferizaj për mashtrim me prona, dyshohet se shkaktoi 320 mijë euro dëm

    Aktakuzë ndaj një gruaje në Ferizaj për mashtrim me prona, dyshohet se shkaktoi 320 mijë euro dëm

    Prokuroria Themelore në Ferizaj ka ngritur aktakuzë ndaj një shtetaseje të Maqedonisë së Veriut, e dyshuar për veprat penale “Mashtrimi” dhe “Legalizimi i përmbajtjes së rreme”, lidhur me shitjen e pronave duke përdorur autorizime të falsifikuara.

    Burimi: Dukagjini

  • ​Në Llapushnik do të vendosen bustet e Skënderbeut, Adem Jasharit dhe Pjetër Bogdanit

    ​Në Llapushnik do të vendosen bustet e Skënderbeut, Adem Jasharit dhe Pjetër Bogdanit

    ​Në Llapushnik do të vendosen bustet e Skënderbeut, Adem Jasharit dhe Pjetër Bogdanit

    Në Llapushnik të Drenasit, më 22 nëntor 2026, do të mbahet një akademi përkujtimore me rastin e vendosjes së busteve të 3 figurave të rëndësishme të historisë kombëtare shqiptare: Pjetër Bogdanit, Gjergj Kastriotit – Skënderbeut dhe Adem Jasharit.

    Ceremonia do të nisë në orën 14:00 dhe do të përfshijë një program kulturor, artistik dhe përkujtimor, me pjesëmarrjen e përfaqësuesve institucionalë, historianëve, artistëve dhe familjes Jashari, shkruan KP.

    Sipas programit të publikuar nga organizatorët, të pranishmëve do t’u drejtohen me fjalë përshëndetëse kryetari i Komunës së Drenasit, Ramiz Lladrovci, vikeri ipeshkvor në Llapushnik, Don Anton Ukaj, si dhe përfaqësues nga familja Jashari.

    Në kuadër të akademisë, kumtesa do të mbajnë historiani Paulin Zefi, shkrimtari Ndue Ukaj dhe profesori Blerim Latifi, të cilët do të trajtojnë rëndësinë historike dhe kombëtare të figurave që do të përjetësohen përmes busteve.

    Programi parasheh edhe një pjesë teatrale nga aktori Xhevat Limani, si dhe interpretime muzikore nga tenori Shkodran Tolaj, sopranoja Besiana Qani Mehmeti dhe pianistja Magdalena Sedaj.

    Akademia do të moderohet nga gazetari Nikollë D. Ukaj.

    Pjesa qendrore e aktivitetit do të jetë zbulimi solemn i busteve të Pjetër Bogdanit, Gjergj Kastriotit – Skënderbeut dhe Adem Jasharit, ceremoni që do të shoqërohet me një program muzikor nga tenori Shkodran Tolaj.

  • Vizita e Jakup Krasniqit në Kosovë, Kurti: Situatë jashtëzakonisht e dhimbshme

    Vizita e Jakup Krasniqit në Kosovë, Kurti: Situatë jashtëzakonisht e dhimbshme

    Vizita e Jakup Krasniqit në Kosovë, Kurti: Situatë jashtëzakonisht e dhimbshme

    Kryeministri i vendit, Albin Kurti ka folur për vizitën e Jakup Krasniqit në Kosovë.

    Në një deklarim për media para nisjes së seancës së Kuvendit, Kurti ka thënë se situata është jashtëzakonisht e dhimbshme, duke shtuar se në këto momente bashkëndjejnë me dhimbjen dhe vuajtjen e familjes së Krasniqit.

    “Është jashtëzakonisht e dhimbshme situata e rëndë në familjen e ish-kryekuvendarit, Jakup Krasniqi dhe në këto momente të vështira natyrisht që të gjithë bashkëndjejmë me vuajtjen edhe dhimbjen dhe urojmë që gjithçka të shkojë sa më mirë që është e mundur në një situatë kur ai u dënua me 25 vjet burg me gjithë ato pasaktësi historike e faktike padyshim që të gjithë jemi pranë familjës Krasniqi”, ka thënë Kurti.

  • Nis Forumi Ekonomik Brezovica 2026, në fokus integrimi rajonal dhe mundësitë për investime

    Nis Forumi Ekonomik Brezovica 2026, në fokus integrimi rajonal dhe mundësitë për investime

    Nis Forumi Ekonomik Brezovica 2026, në fokus integrimi rajonal dhe mundësitë për investime

    Në Brezovicë po mbahet Forumi Ekonomik Brezovica 2026, edicioni i dytë, i cili këtë vit ka në fokus integrimin ekonomik rajonal, kapitalin njerëzor dhe zhvillimin e qëndrueshëm të bizneseve.

    Forumi i organizuar nga Oda Ekonomike e Kosovës, ka mbledhur pjesëmarrës nga vende të ndryshme të botës, përfshirë përfaqësues të institucioneve, bizneseve dhe diasporës, të cilët e shohin Kosovën si një vend me potencial për investime.

    Sipas agjendës së publikuar, gjatë forumit do të trajtohen tema që ndërlidhen me bashkëpunimin me diasporën, mundësive për investime lokale dhe zgjidhjen e mosmarrëveshjeve në biznes.

    Në program është paraparë gjithashtu prezantimi i platformës B2B, e cila synon lidhjen e bizneseve vendore me sipërmarrësit dhe investitorët nga diaspora, si dhe diskutim mbi rolin e komunave në krijimin e mundësive të reja për investime.

    Forumi Ekonomik Brezovica 2026 po mbahet më 18 dhe 19 nëntor, në Hotel Brezovica, me synimin e nxitjes së bashkëpunimit ekonomik dhe promovimit të mundësive për zhvillim të biznesit në Kosovë. /Klankosova.tv

  • "Kishte provokime", Shaqiri i rikthehet gjestit të shqiponjës që e bëri pas golit ndaj Serbisë

    “Kishte provokime”, Shaqiri i rikthehet gjestit të shqiponjës që e bëri pas golit ndaj Serbisë

    "Kishte provokime", Shaqiri i rikthehet gjestit të shqiponjës që e bëri pas golit ndaj Serbisë

    Ish-futbollisti shqiptar i Zvicrës, Xherdan Shaqiri, është rikthyer te një prej momenteve më të përfolura të Kampionatit Botëror të vitit 2018 në Rusi, kur festoi me gjestin e shqiponjës pas golit të shënuar ndaj Serbisë.

    Ai ka zbuluar edhe ndikimin që kjo ngjarje pati te përfaqësuesja e Zvicrës.

    Në një intervistë për mediumin zviceran RSI.ch, Shaqiri ka folur për emocionet, provokimet dhe polemikat që e shoqëruan atë ndeshje, ku bashkë me të, gjestin e shqiponjës e bënë edhe Granit Xhaka dhe Stephan Lichtsteiner.

    “Para ndeshjes ishte shkruar shumë në media dhe kishte pasur shumë provokime, si para ashtu edhe gjatë takimit. Në fund, për mua ishte e rëndësishme që ta fitonim ndeshjen në aspektin sportiv dhe të tregonim vlerat tona në fushë. Donim të tregonim se ishim aty për sport, jo për politikë, edhe pse në fund pati edhe dimension politik. Emocionet u përfshinë sepse ishte shkruar dhe provokuar shumë. Mendoj se edhe mediat e tepruan pak me gjithë atë që ndodhi. Shumë njerëz në Zvicër nuk e kuptuan situatën.”, ka thënë Shaqiri.

    Sipas tij, polemikat rreth gjestit të shqiponjës ua morën energjinë dhe ndikuan në përqendrimin e futbollistëve para përballjes me Suedinë, në fazën e 1/8 së finales.

    “Mendoj se mediat zvicerane ndikuan gjithashtu. U shkrua shumë dhe na u desh të shpjegonim vazhdimisht pse e kishim bërë atë gjest. Kjo na mori shumë energji dhe ndikoi në përqendrim. Nuk ishte e lehtë”, ka theksuar Shaqiri.

    Zvicra u eliminua nga Suedia, duke humbur 1:0 në ndeshjen e zhvilluar më 3 korrik 2018, ndërsa gjesti i shqiponjës i Shaqirit dhe Xhakës ndaj Serbisë mbetet një nga momentet më të diskutuara të atij Botërori.

    Shaqiri vazhdon të jetë aktiv në futbollin profesionist ku luan për skuadrën Basel, derisa është pensionuar nga kombëtarja e Zvicrës. /Klankosova.tv

  • Sulmohen fizikisht dy policë në Mitrovicën e Veriut, arrestohen katër persona

    Sulmohen fizikisht dy policë në Mitrovicën e Veriut, arrestohen katër persona

    Katër persona janë arrestuar në Mitrovicën e Veriut, nën dyshimin se kanë sulmuar fizikisht dy zyrtarë policorë.

    Sipas raportit të Policisë së Kosovës, rasti ka ndodhur më 18 nëntor 2026, rreth orës 01:15.

    Si pasojë e sulmit, dy zyrtarët policorë kanë pësuar lëndime të rënda trupore dhe janë dërguar për trajtim mjekësor.

    Pas arrestimit të katër të dyshuarve, policia ka kryer bastisje në shtëpitë dhe banesat e tyre, ku ka konfiskuar disa armë gjuetie dhe pistoleta, të gjitha me leje valide.

    Me vendim të prokurorit, të dyshuarit janë dërguar në mbajtje.

    Siç thuhet nw raport rasti është iniciuar si “Sulm ndaj personit zyrtar”. /Telegrafi/

  • Jeta ime dhe e të afërmve të mi është në rrezik nga Enver Hoxha

    Jeta ime dhe e të afërmve të mi është në rrezik nga Enver Hoxha

    Nga: Muntaz Kokalari[1] (1895-1944)

    Zonjë e nderuar Makbule.

    Erdha dhe s’të gjeta, mbesa juaj më tha se ndodheni në Elbasan bashkë me Feim Beun.

    Po përjetojmë ditë të vështira. Erdha t’ju përshëndes se kam vendosur me brengë në zemër, të largohem nga Shqipëria ime e bukur, nga familja e dashur, që tani ka aq shumë nevojë për mua. Këtë vendim e mora mbasi më njoftuan disa nga miqtë e mi të besuar, se jeta ime dhe e të afërmve të mi është në rrezik nga bashtua i Gjirokastrës, Enver Hoxha. Ai ka urdhëruar djajtë e kuq kundër nesh. Kjo kuptohet: Thjesht për motive personale, se ne kemi qenë kundërshtarë të okupatorit Nazi-Fashist dhe kemi punuar thjeshtë për të mirë e përparimin e Kombit.

    Siç e kemi biseduar edhe herë të tjera, fatkeqësi e Kombit tonë dhe e Shqipërisë së gjorë, që ka rënë në duart e një njeriu të përbindshëm, tinëzar, hakmarrës, inatçi, dinak, megaloman, egoist, që i do njerëzit nën vete, kumarxhi, gënjeshtar edhe kur qe jashtë për studime nuk dha asnjë provim, mbeti pas kabareve, kazinove etj. Fëlliqi botën me borxhe.

    Ne intelektualët gjirokastrit ia dimë të gjitha dhe sa i vlen lëkura, prandaj kërkon të na asgjësojë. Po kam besim se këtij batakçiu, bashkë me djajtë e kuq, shpejtë ka për t’i dalë boja. Këtë radhë besoj se do të na ndihmojë Evropa dhe Amerika dhe mbas shkatërrimit të tij, me të do të tallën dhe gurët e sokakëve.

    Më fal që u zgjata më këtë çështje se nxora pak dufin.

    Megjithatë, përpjekjet e vazhdueshme, nuk ta mbarova dot hipotekimin e shtëpisë, gjë të cilën ju e kishit me shumë merak, sepse në këto rrethana ngatërresash, nuk funksionojnë zyrat prej kohësh, e për më keq ato kanë rënë në duart e djajve të kuq. Jam bashkë me mikun tim dhe tuajin të besës, zotin Hamid Llagami. Mbetëm dakord që një kopje të Note Transkriptimit të shtëpisë së përgatitur për hipotekën, e kemi lënë bosh vendin e hipotekimit që ta plotësojë kur t’i krijohet mundësia zotit Hamid, dhe në fund të faqes kam firmosur e vulosur unë mbi boshllëkun e bardhë pa caktuar datën. Hamitit i kam lënë të gjitha materialet e orenditë me gjithë pajimet e zyrës time noteriale. Për çdo problem që do të lindë me mungesën time, t’i drejtohesh pa asnjë ndrojtje sikur të jem unë.

    Me këtë letër po të dërgoj dhe një Note Transkriptim të shtëpisë origjinale, firmosur e vulosur nga unë, ta kesh për çdo eventualitet se ka fuqi ligjore. Do të të lutem shumë të më mbani afër familjen, se ju jeni grua e zonjë, e me aftësi të rrallë, zemër të madhe, dhe ke forca të përballosh këtë rrebesh të egër.

    Të fala shumë mikut tim të dashur, Feim beut. E përqafoj duke ju lutur Zotit të na ndihmojë e të shihemi në Shqipërinë e lirë dhe pa djaj të kuq.

    Me respekt të thellë, i juaji, Muntaz Kokalari

    Tiranë më 9 nëntor 1944. /Muzeu Kokalari/

    Lexo po ashtu:
    – Raporti i spiunëve për shëtitjet e “rrezikshme” të Musine Kokalarit, pranë repartit ushtarak!
    – Fjalët e fundit të opozitës së parë të pushkatuar nga komunistët shqiptarë: Rroftë Shqipëria me Kosovën
    – Musine Kokalari: Ky qe fati im, më i hidhur se vdekja
    – U ndava nga ambienti kulturor, duke jetuar me njerëz me fytyrë njeriu, po më keq se kafsha!
    – Fati tragjik i autorit të veprës “Kosova, djepi i shqiptarizmit”: Enveri e akuzoi se hodhi gurë kundër Jugosllavisë motër

    ______________

    [1] Letër e Muntaz Kokalarit, drejtuar zonjës Makbule Xomo Vrioni, gruas së Feim Leskovikut, bijës së Ymer Vrionit, me të cilën ka pasur miqësi familjare. Në fund letra ka nënshkrimin e Muntaz Kokalarit dhe vulën noteriale. Vetëm tre ditë pas dërgimit të kësaj letre, forcat e “Mbrojtjes së popullit” (pararendëse e Sigurimit të Shtetit), u paraqitën në banesën Kokalari dhe morën “për një sqarim” Muntazin dhe të vëllain Vesim. Trupat e tyre u gjendën pas shumë ditësh në bodrumet e Hotelit “Bristol” së bashku me intelektualë të tjerë të njohur, të shpuar nga plumbat dhe gjysmë të dekompozuar. Së bashku me ta u ekzekutua edhe kushëriri Surja Kokalari. Mëngjesin e ditës tjetër, më 13 nëntor 1944 morën edhe motrën e tyre Musine, të cilën e liruan pasi e mbajtën 15 ditë në hetuesi.

  • Vdekje e dyshimtë në Zubin Potok, një person gjendet pa shenja jete në spital

    Vdekje e dyshimtë në Zubin Potok, një person gjendet pa shenja jete në spital

    Një person është gjetur në gjendje të rëndë shëndetësore në shtëpinë e tij në Zubin Potok, ku jetonte i vetëm. Ai ka ndërruar jetë pasi është transportuar në spital.

    Sipas raportit të Policisë së Kosovës, rasti është raportuar më 18 nëntor 2026, rreth orës 20:20.

    Në vendin e ngjarjes kanë dalë njësitë policore dhe autoambulanca, të cilët e kanë transportuar viktimën drejt spitalit.

    Megjithatë, me të arritur në spital, mjekët kanë konstatuar se ai kishte arritur pa shenja jete.

    Me vendim të prokurorit, trupi i pajetë është dërguar në Institutin e Mjekësisë Ligjore (IML) për obduksion, me qëllim të përcaktimit të shkakut të vdekjes.

    Policia e ka iniciuar rastin si “Vdekje e dyshimtë”. /Telegrafi/

  • Diagnosing Revolution, AI Aims to Unearth Crime Before First Signs

    A new research project in the United Kingdom aims to use artificial intelligence to detect the first stages and help prevent it through an article BBC.

    The project, called é BRAINIAC Hubú, will be run by the University of Exeter and will have an initial financing of 10 million pounds from the Council for Engineering and Fiscial Sciences Research. Another 10 million pounds will be provided by companies, charities and British National Health Service ( NHS).

    Researchers aim to create a system that combines certain types of tests and health data, such as brain scans, genetic analysis, blood indexes, and memory and concentration tests. Through artificial intelligence, this information will be analysed together to create a clearer mirror of brain health and to detect early symptoms of the disease.

    The project will last six years, while the first clinics are expected to open in 2029. At first, the service will be provided for patients sent for NHS control.

    The goal, the discovery of degeneracy before the show of symptoms

    The initiative will co-operate 11 universities and 10 health centres in Britain. Through them, researchers aim to find faster and more accurate ways to diagnose, prevent, and treat the problem.

    One of the main objectives is to halve the time patients need to obtain a diagnosis as well as identify those who are in danger of developing the disease before displaying their first signs.

    Project director David Llewellyn, professor at Exeter University, described the early diagnosis as the biggest challenge.

    The technologies we develop in these clinics will help us recognize the early signs of the disease before symptoms appear. People will also receive personal counsel and plans to reduce their risk and maintain their brain health as long as possibleHe said.

    According to data from the University of Exeter, some 982 thousand people in the United Kingdom live on deminities. By 2040, this figure is projected to reach 1.4 million, while annual costs for coping with the disease can exceed 90 billion pounds.

    Meanwhile, British research and innovation organisations have made up of 80 million pounds available for the development of technologies that will help diagnose people with suspicion of demity. The goal is to obtain a diagnosis within 18 weeks of reference to control by 2029.

    The BRUINAC project also aims to cut 30 to 50% of the time of checks and diagnostics, as well as to identify more than 40% of people with early signs of danger before symptoms appear.

    The project’s deputy director, Chris Fox, professor of clinical psychiatry, stressed that existing treatments are more useful when the disease is discovered on time.

    ) BRAINAC will provide NHS with the means to detect the disease earlier and control a greater number of people. These technologies will be developed in collaboration with patients and doctors, in order to be used in daily clinics and not just in theory, He said it.

    Also participating in the project will be universities known as Cambridge, Oxford, Newcastle, Swansea and Imperial College London, as well as organizations that support people and their family, including the UK and Alzheimer’s Society.

    BRUINAC is one of five new research centers to be funded in Britain. According to the head of the Council for Engineering and Fiscial Sciences Research, Charlotte Deane, these projects are intended to bring scientific advances that directly improve people’s lives and help prevent disease.

    The signal where the truth speaks before the news!

    /Gazeta Sinjali/

    Source Layer: Signal

  • Revolucion në diagnostikim, AI synon të zbulojë demencën përpara shenjave të para

    Revolucion në diagnostikim, AI synon të zbulojë demencën përpara shenjave të para

    Revolucion në diagnostikim, AI synon të zbulojë demencën përpara shenjave të para

    Një projekt i ri kërkimor në Mbretërinë e Bashkuar synon të përdorë inteligjencën artificiale për të zbuluar demencën në fazat e para dhe për të ndihmuar në parandalimin e saj bën të ditur përmes një artikulli BBC.

    Projekti, i quajtur “BRAINIAC Hub”, do të drejtohet nga Universiteti i Exeter-it dhe do të ketë një financim fillestar prej 10 milionë paundësh nga Këshilli për Kërkimet në Inxhinieri dhe Shkencat Fizike. Një shumë tjetër prej 10 milionë paundësh do të sigurohet nga kompani, organizata bamirëse dhe Shërbimi Shëndetësor Kombëtar britanik (NHS).

    Studiuesit synojnë të krijojnë një sistem që bashkon disa lloje ekzaminimesh dhe të dhënash shëndetësore, si skanimet e trurit, analizat gjenetike, treguesit në gjak dhe testet e kujtesës e të përqendrimit. Përmes inteligjencës artificiale, këto të dhëna do të analizohen së bashku për të krijuar një pasqyrë më të qartë të shëndetit të trurit dhe për të dalluar shenjat e para të sëmundjes.

    Projekti do të zgjasë gjashtë vite, ndërsa klinikat e para pritet të hapen në vitin 2029. Në fillim, shërbimi do të ofrohet për pacientët që dërgohen për kontroll nga NHS.

    Synimi, zbulimi i demencës përpara shfaqjes së simptomave

    Në këtë nismë do të bashkëpunojnë 11 universitete dhe 10 qendra shëndetësore në Britani. Përmes tyre, studiuesit synojnë të gjejnë mënyra më të shpejta dhe më të sakta për të diagnostikuar, parandaluar dhe trajtuar demencën.

    Një nga objektivat kryesorë është përgjysmimi i kohës që u nevojitet pacientëve për të marrë një diagnozë, si dhe identifikimi i personave që kanë rrezik të zhvillojnë sëmundjen përpara se të shfaqin shenjat e para.

    Drejtori i projektit, David Llewellyn, profesor në Universitetin e Exeter-it, e cilësoi diagnostikimin e hershëm si sfidën më të madhe.

    “Teknologjitë që do të zhvillojmë në këto klinika do të na ndihmojnë të dallojmë shenjat e para të sëmundjes përpara se të shfaqen simptomat. Gjithashtu, njerëzit do të marrin këshilla dhe plane të personalizuara për të ulur rrezikun dhe për të ruajtur sa më gjatë shëndetin e trurit”, deklaroi ai.

    Sipas të dhënave të Universitetit të Exeter-it, rreth 982 mijë persona në Mbretërinë e Bashkuar jetojnë me demencë. Deri në vitin 2040, kjo shifër parashikohet të arrijë në 1.4 milionë, ndërsa shpenzimet vjetore për përballimin e sëmundjes mund të kalojnë 90 miliardë paundë.

    Ndërkohë, organizata britanike për kërkimin dhe inovacionin ka vënë në dispozicion deri në 80 milionë paundë për zhvillimin e teknologjive që do të ndihmojnë në diagnostikimin e personave me dyshime për demencë. Synimi është që deri në vitin 2029, 92% e tyre të marrin një diagnozë brenda 18 javësh nga referimi për kontroll.

    Projekti BRAINIAC synon gjithashtu të shkurtojë me 30 deri në 50% kohën e kontrolleve dhe diagnostikimit, si dhe të identifikojë më shumë se 40% të personave që kanë shenja të hershme rreziku, përpara se të shfaqen simptomat.

    Zëvendësdrejtori i projektit, Chris Fox, profesor i psikiatrisë klinike, theksoi se trajtimet ekzistuese janë më të dobishme kur sëmundja zbulohet në kohë.

    “BRAINIAC do t’i japë NHS-së mjetet për të zbuluar sëmundjen më herët dhe për të kontrolluar një numër më të madh njerëzish. Këto teknologji do të zhvillohen në bashkëpunim me pacientët dhe mjekët, në mënyrë që të jenë të përdorshme në klinikat e përditshme dhe jo vetëm në teori”, u shpreh ai.

    Në projekt do të marrin pjesë edhe universitete të njohura si Cambridge, Oxford, Newcastle, Swansea dhe Imperial College London, si dhe organizata që mbështesin personat me demencë dhe familjarët e tyre, përfshirë Dementia UK dhe Alzheimer’s Society.

    BRAINIAC është një nga pesë qendrat e reja kërkimore që do të financohen në Britani. Sipas drejtueses së Këshillit për Kërkimet në Inxhinieri dhe Shkencat Fizike, Charlotte Deane, këto projekte synojnë të sjellin përparime shkencore që përmirësojnë drejtpërdrejt jetën e njerëzve dhe ndihmojnë në parandalimin e sëmundjeve.

    Sinjali – aty ku e vërteta flet para lajmit!

    /GazetaSinjali/

    Burimi: Sinjali