Blog

  • Pavarësisht angazhimit të kompanive private, kontejnerët në Prishtinë vazhdojnë të jenë të stërmbushur

    Pavarësisht angazhimit të kompanive private, kontejnerët në Prishtinë vazhdojnë të jenë të stërmbushur

    Kryetari i Prishtinës, Përparim Rama, ka deklaruar para disa ditëve se Komuna po vazhdon punën për pastrimin e kryeqytetit, pavarësisht, siç tha ai, pengesave dhe bllokimeve nga niveli qendror.

    Duke folur para mediave, Rama tha se 74 milionë euro të dedikuara për blerjen e kamionëve dhe kontejnerëve, me qëllim të zgjidhjes së problemit të mbeturinave në kryeqytet dhe në rajon, janë bllokuar.

    Megjithatë, pavarësisht shtimit të kamionëve privatë për grumbullimin e mbeturinave nga Komuna e Prishtinës, kryeqyteti po vazhdon të përballet me kontejnerë të stërmbushur dhe mbeturina të shpërndara në hapësira publike.

    Pamjet e realizuara këtë të premte në terren dëshmojnë se problemi me menaxhimin e mbeturinave ende nuk është zgjidhur, pavarësisht masave të ndërmarra për përmirësimin e gjendjes.

    Për këtë situatë ka folur edhe një banor i Prishtinës, Shenoll Rashiti, i cili ka shprehur pakënaqësinë e tij për gjendjen dhe paqartësitë rreth përgjegjësisë institucionale.

    “Përparim Rama ia gjuan Hekuran Muratit, Hekuran Murati ia gjuan Përparim Ramës. Domethënë, s’di njeri kah me ia mbajt, ama kush është përgjegjësi këtu nuk e di saktë. Por, si kryetar komune, duhet të jetë Përparim Rama, domethënë duhet ta zgjidhë problemin. Besoj mund të jem gabim”, ka deklaruar Rashiti.

    Ndërkohë, mbetet të shihet se kur Komuna e Prishtinës do të arrijë të gjejë një zgjidhje të qëndrueshme për problemin e mbeturinave, i cili po vazhdon të shqetësojë qytetarët.

    Telegrafi do të vazhdojë të përcjellë zhvillimet lidhur me këtë çështje. /Telegrafi/

  • Arsyeja pse Flick po e pengon transferimin e yllit të Man Utd te Barcelona

    Arsyeja pse Flick po e pengon transferimin e yllit të Man Utd te Barcelona

    Barcelona vazhdon të jetë në kërkim të një mbrojtësi qendre për ta përforcuar repartin defensiv, por duket se Lisandro Martinez nuk është profili që kërkojnë drejtuesit e klubit katalunas.

    Mbrojtësi argjentinas 28-vjeçar i Manchester Unitedit po humbet gjasat për t’u transferuar te Barcelona në vitin 2027.

    Sipas agjentit Pedro Bravo, i cili ka folur në emisionin El Chiringuito, Deco e ka refuzuar mundësinë e transferimit të tij, pasi profili i futbollistit nuk i bind as drejtuesit sportivë dhe as trajnerin Hansi Flick.

    Bravo ka zbuluar se ia kishte propozuar personalisht Martinezit Decos gjatë një bisede telefonike, por përgjigjja e drejtorit sportiv kishte qenë negative.

    Sipas tij, edhe Flick ndan të njëjtin mendim. Megjithatë, ky informacion mbetet deklaratë e agjentit, pasi asnjëri prej tyre nuk e ka konfirmuar publikisht një refuzim të tillë.

    Një nga arsyet që e bënte argjentinasin interesant për Barcelonën ishte situata e tij kontraktuale. Marrëveshja me Manchester Unitedin përfundon më 30 qershor 2027, ndërsa klubi anglez ka mundësinë ta zgjasë atë deri në vitin 2028.

    Sipas Transfermarkt, vlera e tij aktuale në treg është 45 milionë euro. Nëse nuk rinovon kontratën, ai mund të largohet si lojtar i lirë verën e ardhshme. Për shërbimet e tij interesim ka shfaqur edhe Atletico Madridi.

    Ndërkohë, Deco po shqyrton alternativa të tjera për mbrojtjen. Në listën e Barcelonës përmenden Alessandro Bastoni i Interit dhe Nico Schlotterbeck i Borussia Dortmundit, dy mbrojtës me këmbë të majtë që përshtaten me kërkesat e lojës së klubit katalunas.

    Për momentin, Martinez nuk duket të jetë në planet e Barcelonës, pavarësisht mundësisë që të bëhet i disponueshëm pa kosto transferimi. Argjentinasi fillimisht duhet të zgjidhë të ardhmen e tij në Manchester, ndërsa klubi katalunas vazhdon kërkimin për përforcime në qendër të mbrojtjes. /Telegrafi/

  • Three people arrested in Durres, one allegedly robbed the taxi driver, two others caught drugs in port

    Three people have been arrested by police in Durres, within two separate operations conducted for the prevention and crackdown of criminal activities.

    In a code-named operation, response has been arrested by a 34-year-old suspect in the robbery of a taxi driver who had previously threatened with cut-offs in the district. 14 of Durres.

    According to police, the suspect with the initial J. S. She took 30-year-old taxi driver with the initials A this morning. Q., cell phone, a lot of money and the key to the vehicle.

    After reporting the case, police officials of the Durres Commissionership, in co-operation with Albanian forces, have undertaken search on the ground, able to locate and arrest the suspect in a short time.

    Meanwhile, two young men, suspected of transporting cannabis seeds and narcotics, have been arrested in the next operation, codenamed “Yellow Line” conducted at the Durres Port.

    Those arrested are D. Mr., 27, and E. K., 24, both residents in Tirana.

    During the search of a van, run by the 27-year-old, where 24-year-old was a passenger, police have discovered a considerable quantity of suspected narcotic seeds of the type of cannabis, a suspected amount of the same type of narcotics, as well as a lot of money.

    In the quality of the evidence, suspected narcotics, money, van, and two mobile phones have been seized.

    Police have indicated that two operations have been conducted within the framework of the fight against criminal activities in the city of Durres.

    The signal where the truth speaks before the news!

    /Gazeta Sinjali/

    Source Layer: Signal

  • Tre persona arrestohen në Durrës, njëri dyshohet se grabiti taksistin, dy të tjerë kapen me drogë në port

    Tre persona arrestohen në Durrës, njëri dyshohet se grabiti taksistin, dy të tjerë kapen me drogë në port

    Tre persona arrestohen në Durrës, njëri dyshohet se grabiti taksistin, dy të tjerë kapen me drogë në port

    Tre persona janë arrestuar nga Policia në Durrës, në kuadër të dy operacioneve të ndara, të zhvilluara për parandalimin dhe goditjen e veprimtarive kriminale.

    Në operacionin e koduar “Reagimi”, është arrestuar një 34-vjeçar, i dyshuar për grabitjen e një taksisti, të cilin paraprakisht e kishte kërcënuar me mjet prerës në lagjen nr. 14 të Durrësit.

    Sipas Policisë, i dyshuari me inicialet Xh. S. mëngjesin e sotëm i ka marrë taksistit 30-vjeçar, me inicialet A. Q., telefonin celular, një shumë parash dhe çelësin e automjetit.

    Pas raportimit të rastit, zyrtarët policorë të Komisariatit të Durrësit, në bashkëpunim me forcat “Shqiponja”, kanë ndërmarrë kontrolle në terren, duke arritur ta lokalizojnë dhe arrestojnë të dyshuarin në një kohë të shkurtër.

    Ndërkaq, në operacionin tjetër të koduar “Yellow Line”, të zhvilluar në Portin e Durrësit, janë arrestuar dy të rinj, të dyshuar për transportimin e farave të kanabisit dhe lëndëve narkotike.

    Të arrestuarit janë D. Z., 27 vjeç, dhe E. K., 24 vjeç, të dy banues në Tiranë.

    Gjatë kontrollit të një furgoni, të drejtuar nga 27-vjeçari, ku 24-vjeçari ishte pasagjer, Policia ka zbuluar një sasi të konsiderueshme farash të dyshuara narkotike të llojit kanabis, një sasi lënde të dyshuar narkotike të të njëjtit lloj, si dhe një shumë parash.

    Në cilësinë e provës materiale janë sekuestruar lëndët e dyshuara narkotike, paratë, furgoni dhe dy telefona celularë.

    Policia ka bërë të ditur se dy operacionet janë zhvilluar në kuadër të luftës kundër veprimtarive kriminale në qytetin e Durrësit.

    Sinjali – aty ku e vërteta flet para lajmit!

    /GazetaSinjali/

    Burimi: Sinjali

  • Sali Berisha on serious charges: Rama and Balluk want Erion Veliaj dead

    Democratic Party Chairman Sali Berisha has accused Edi Rama and Belinda Balluk of obstructing the necessary medical intervention for Erion Veliaj, who has been on foot.

    In a public response, Berisha calls this inhuman stance and accuses prosecutors of silence. It calls on international institutions, including the OSCE, the UN and the Red Cross, to urgently intervene to ensure Veliaj’s medical treatment.

    Full response:

    The inhuman stance of the famous Rama-Lubia double!

    Lubia and her tall peacock, Edwin Balluk, restore the worst and most inhuman standards of the worst dictatorship in attitude towards prisoners Erion Veliaj.

    Dear friends, Prisoner Erion Veliaj’s lawyer, and recently he himself, with a letter to Lubi Balluk, accuse Lubia and Rama of not allowing the necessary intervention in the broken leg as punishment for rejecting their orders to hand over Tirana’s Basquina to their Benjamin, Arber Hajdari. With this inhuman attitude toward a cervixed prisoner, the famous duo Lubi and Edwin Balluk testify that they want Erion Veliaj dead as soon as possible.

    I strongly condemn this attitude of the blackest, animal standards, the bastards of the hodget blockmen, but also the absolutely inhuman attitude of prosecutors of the case, who silence this state crime. I call on the Antitorture Committee, the Commissioners for Human Rights near the KiE, the OSCE, the UN and the International Red Cross to intervene urgently to ensure the legal treatment of prisoners Erion Veliaj, whose life is at high risk from Lubi and Edwin Balluk.

    Source Layer: Insander

  • Sali Berisha me akuza të rënda: Rama dhe Balluku e duan të vdekur Erion Veliajn

    Sali Berisha me akuza të rënda: Rama dhe Balluku e duan të vdekur Erion Veliajn

    Sali Berisha me akuza të rënda: Rama dhe Balluku e duan të vdekur Erion Veliajn

    Kryetari i Partisë Demokratike, Sali Berisha, ka akuzuar Edi Ramën dhe Belinda Ballukun se po pengojnë ndërhyrjen e nevojshme mjekësore për Erion Veliajn, i cili ka frakturë në këmbë.

    Në një reagim publik, Berisha e cilëson këtë qëndrim çnjerëzor dhe akuzon prokurorët për heshtje. Ai u bën thirrje institucioneve ndërkombëtare, përfshirë OSBE-në, OKB-në dhe Kryqin e Kuq, të ndërhyjnë urgjentisht për të garantuar trajtimin mjekësor të Veliajt.

    Reagimi i plotë:

    Qëndrim çnjerëzor i dyshes famëzezë Rama-Lubia!

    Lubia dhe Palloshi i saj i gjatë Edvin Balluku rikthejnë standardet më të zeza e më çnjerëzore të diktaturës më të egër në qëndrimin ndaj të burgosurit Erion Veliaj.

    Të dashur miq, avokati i të burgosurit Erion Veliaj dhe së fundmi edhe vetë ai, me një letër drejtuar Lubi Ballukut, akuzojnë Lubinë dhe Ramën se nuk i lejojnë ndërhyrjen e domosdoshme në këmbën e thyer, si ndëshkim për kundërshtimin e urdhrave të tyre për t’ia dorëzuar Bashkinë e Tiranës benjaminit të tyre, Arbër Hajdari. Me këtë qëndrim çnjerëzor ndaj një të burgosuri me frakturë të kërcirit, dyshja famëzezë Lubi dhe Edvin Balluku dëshmojnë se e duan të vdekur sa më parë Erion Veliajn.

    Dënoj me forcën më të madhe këtë qëndrim të standardeve më të zeza, shtazore, të bastardëve të bllokmenëve hoxhistë, por edhe qëndrimin absolutisht çnjerëzor të prokurorëve të çështjes, të cilët heshtin para këtij krimi shtetëror. U bëj thirrje Komitetit Antitorturë, Komisionerëve për të Drejtat e Njeriut pranë KiE-së, OSBE-së, OKB-së dhe Kryqit të Kuq Ndërkombëtar të ndërhyjnë urgjentisht për të garantuar trajtimin ligjor të të burgosurit Erion Veliaj, jeta e të cilit është në rrezik të lartë nga dyshja shtazore Lubi dhe Edvin Balluku.

    Burimi: Insajderi

  • Jennifer Lawrence zbulon aktorin që e puthi më keq në ekran: Chris Pratt renditet i fundit

    Jennifer Lawrence zbulon aktorin që e puthi më keq në ekran: Chris Pratt renditet i fundit

    Jennifer Lawrence ka zbuluar se cili prej aktorëve me të cilët ka shkëmbyer puthje në ekran ka qenë më i dobëti, duke vendosur Chris Pratt në fund të listës.

    Gjatë një interviste në emisionin Watch What Happens Live With Andy Cohen, aktorja 36-vjeçare u sfidua të rendiste puthjet e saj në ekran, nga më e mira te më e keqja.

    Në listë ishin Liam Hemsworth, Bradley Cooper, Josh Hutcherson, Chris Pratt dhe Timothée Chalamet, shkruan DailyMail.

    Lawrence e nisi renditjen duke zgjedhur Josh Hutcherson si puthjen më të mirë. Më pas renditi Hemsworth, Cooper dhe Chalamet, ndërsa Chris Pratt përfundoi në vendin e fundit.

    Hutcherson, i cili ishte i pranishëm në studio, reagoi me buzëqeshje dhe ngriti grushtin i emocionuar.

    Lawrence dhe Pratt kanë luajtur së bashku në filmin Passengers (2016). Më herët, aktorja kishte treguar se xhirimi i skenave intime me të kishte qenë një përvojë e sikletshme për të, veçanërisht sepse Pratt ishte i martuar në atë kohë.

    Ajo kishte pranuar se ishte dehur para xhirimeve për të përballuar tensionin.

    Megjithatë, Lawrence kishte sqaruar se sikleti nuk lidhej me vetë aktorin, të cilin e përshkroi si shumë të dashur, por me praninë e gjithë ekipit gjatë xhirimit.

    Ndërkohë, ajo dhe Hutcherson kanë interpretuar Katniss Everdeen dhe Peeta Mellark në serinë Hunger Games, ndërsa janë rikthyer në rolet e tyre për filmin e ri, i cili mbërrin në kinema më 20 nëntor. /Telegrafi/

  • AL Trade Center shënon aktivitetin e dhurimit të gjakut në Drenas dhe Fushë Kosovë

    AL Trade Center shënon aktivitetin e dhurimit të gjakut në Drenas dhe Fushë Kosovë

    AL Trade Center ka realizuar një aktivitet humanitar në Drenas dhe Fushë Kosovë, duke kontribuar përmes dhurimit vullnetar të gjakut në mbështetje të personave që kanë nevojë.

    Aktiviteti u mbajt më 18 nëntor në Drenas dhe më 19 nëntor në Fushë Kosovë, ku ekipi i AL Trade Center dhuroi gjak në bashkëpunim me Qendrën Kombëtare të Kosovës për Transfuzionin e Gjakut.

    Kjo iniciativë është pjesë e angazhimit të vazhdueshëm të AL Trade Center, e cila organizon dhurimin e gjakut çdo gjashtë muaj, duke dëshmuar përkushtimin ndaj humanizmit, solidaritetit dhe përgjegjësisë shoqërore.

    Përmes këtij aktiviteti, AL Trade Center ka dhënë një tjetër kontribut për komunitetin, duke përcjellë mesazhin se dhurimi i gjakut është një veprim i thjeshtë që mund të bëjë diferencën në jetën e dikujt.

  • Muhamet Hasani pas lirimit nga akuzat: “Kërkova vetëm drejtësi dhe sot e mora atë!”

    Muhamet Hasani pas lirimit nga akuzat: “Kërkova vetëm drejtësi dhe sot e mora atë!”

    Muhamet Hasani ka bërë të ditur se është liruar nga akuza me vendim të Gjykatës Themelore në Prishtinë, pas një procesi gjyqësor që, sipas tij, ka qenë i gjatë dhe emocionalisht i vështirë.

    Përmes një reagimi publik, Hasani ka shprehur kënaqësinë për vendimin e gjykatës, duke theksuar se gjatë gjithë kësaj kohe ka besuar në pafajësinë e tij dhe në drejtësinë e vendit.

    Ai ka treguar se ishte përballur me akuza në një rast të rëndë kriminal, ku persona të përfshirë në veprimtari kriminale dyshohet se kishin kamufluar lëndë narkotike në mallrat që transportoheshin nga Turqia.

    Sipas Hasanit, fakti që ishte pronar i një kompanie të transportit të mallrave e kishte vënë atë përballë akuzave, ndonëse, siç pretendon ai, nuk kishte pasur asnjë përfshirje në veprimtarinë kriminale, shkruan Hasani ne Facebook.

    “Pronësia e një kompanie nuk është krim! Të ofrosh shërbime transporti nuk të bën trafikant! Dhe askush nuk duhet të përgjigjet penalisht për veprimet e të tjerëve pa u provuar fajësia e tij”, ka shkruar Hasani.

    Ai ka bërë të ditur se, ndërsa vetë është liruar nga akuza, personat e tjerë të përfshirë në rast janë shpallur fajtorë dhe janë dënuar nga gjykata.

    Në reagimin e tij, Hasani ka përshkruar edhe vështirësitë personale dhe familjare gjatë periudhës së përballjes me drejtësinë, duke thënë se akuzat kishin rënduar mbi të dhe familjen e tij, si dhe kishin dëmtuar reputacionin e ndërtuar ndër vite.

    Ai ka falënderuar gjyqtarët që shqyrtuan çështjen, familjen, miqtë dhe mbrojtjen e tij ligjore, të cilët, sipas tij, i qëndruan pranë gjatë gjithë procesit.

    Hasani ka kujtuar edhe fjalët që ua kishte drejtuar gjyqtarëve në përfundim të procesit gjyqësor:

    “Nga ju pres vetëm drejtësi dhe asgjë tjetër!”

    Pas vendimit lirues, ai ka thënë se kërkesa e tij e vetme tashmë është përmbushur.

    Në fund të reagimit, Hasani ka bërë thirrje që askush të mos paragjykohet dhe të mos gjykohet publikisht pa u vërtetuar e vërteta, duke theksuar se pas çdo personi të përmendur në lajme qëndron edhe një familje që përjeton pasojat e akuzave.

    “Unë isha i njëjti njeri dje, jam i njëjti sot dhe do të mbetem i njëjti nesër. Akuzat nuk e ndryshojnë të vërtetën, ashtu siç heshtja nuk është pranim i fajësisë”, ka përfunduar Hasani reagimin e tij.

    “Heshta unë, që të fliste drejtësia. Sot drejtësia foli”, është mesazhi me të cilin Muhamet Hasani e ka përmbyllur reagimin pas lirimit nga akuza. /Indeksonline/

  • 217 ditë në det, pothuajse zero kontakt me botën – nëndetësja bërthamore britanike thyen rekord

    217 ditë në det, pothuajse zero kontakt me botën – nëndetësja bërthamore britanike thyen rekord

    Nëndetësja bërthamore britanike HMS Vengeance ka vendosur një rekord të ri, duke përfunduar një mision prej 217 ditësh, gjatë të cilit ekuipazhi kishte pothuajse zero kontakt me botën e jashtme.

    Megjithatë, ky rekord ka ngritur shqetësime për gjendjen e flotës bërthamore të Marinës Mbretërore Britanike.

    HMS Vengeance është kthyer në Skoci pas më shumë se shtatë muajsh në det, duke tejkaluar rekordin e mëparshëm prej 205 ditësh, të vendosur në prill nga nëndetësja HMS Vanguard.

    Sipas ekspertëve, zgjatja e vazhdueshme e misioneve nuk është domosdoshmërisht tregues i fuqisë ushtarake, por lidhet me vonesat në mirëmbajtjen e nëndetëseve të vjetruara dhe presionin psikologjik mbi personelin.

    Eksperti i nëndetëseve bërthamore, David Cullen, ka deklaruar për The Guardian se nëndetëset e klasës Vanguard fillimisht ishin projektuar për misione që zgjasnin rreth tre muaj.

    Megjithatë, sot disa prej tyre qëndrojnë në det më shumë se dyfishin e kësaj periudhe, duke detyruar ekuipazhet prej rreth 140 personash të jetojnë për muaj të tërë në hapësira të kufizuara.

    Një nga sfidat më të mëdha është izolimi nga familjarët.

    Për arsye sigurie, nëndetëset që mbajnë raketa bërthamore operojnë kryesisht nën ujë dhe ruajnë heshtjen radiofonike për të shmangur zbulimin e pozicionit.

    Detarët mund të marrin një mesazh familjar në javë, me maksimum 120 fjalë, por nuk lejohen t’u përgjigjen.

    Mesazhet kontrollohen nga autoritetet ushtarake dhe disa informacione mund të censurohen.

    Ndryshe, HMS Vengeance e lëshuar në ujë në vitin 1998, është një nga katër nëndetëset britanike të klasës Vanguard.

    Ajo është rreth 150 metra e gjatë dhe është projektuar për të transportuar raketa balistike Trident, të afta të mbajnë koka bërthamore.

    Këto nëndetëse përbëjnë një element kyç të strategjisë britanike të parandalimit bërthamor, sipas së cilës të paktën një nëndetëse e armatosur me armë bërthamore duhet të jetë vazhdimisht në patrullim.

    Ndërkohë, vonesat në zëvendësimin e flotës kanë bërë që nëndetëset Vanguard, të projektuara fillimisht për rreth 25 vjet shërbim, të pritet të përdoren për afro 40 vjet.

    Nëndetësja e parë e gjeneratës së re, HMS Dreadnought, pritet të hyjë në shërbim rreth vitit 2032.

    Rekordi i HMS Vengeance ka rikthyer kështu debatin mbi qëndrueshmërinë e flotës bërthamore britanike dhe kushtet e vështira me të cilat përballen ekuipazhet gjatë misioneve të gjata. /Telegrafi/