Blog

  • Ora në arkivolin e vajzës dhe pretendimi për hakmarrje - Çka konstatoi gjykata për familjen Mehmetaj

    Ora në arkivolin e vajzës dhe pretendimi për hakmarrje – Çka konstatoi gjykata për familjen Mehmetaj

    Ora në arkivolin e vajzës dhe pretendimi për hakmarrje - Çka konstatoi gjykata për familjen Mehmetaj

    Në aktgjykimin prej 170 faqesh për lirimin e tre anëtarëve të familjes Mehmetaj për sulmin ndaj autobusit në Gllogjan, gjykata ka shqyrtuar të gjitha pretendimet e Prokurorisë për motivin e mundshëm të të akuzuarve.

    Aty përmendet lidhja e viktimës Gani Gjokaj me vajzën e familjes së të akuzuarve, vendosjen e një ore në arkivolin e saj dhe pretendimin se Halil Mehmetaj kishte nxitur djemtë e tij për hakmarrje.

    Në vlerësimin e gjykatës, këto rrethana nuk u mbështetën me prova të mjaftueshme për të vërtetuar fajësinë e Kastriotit, Kreshnikut dhe Halil Mehmetajt.

    Në vendimin e siguruar nga Klan Kosova, thuhet se në këtë çështje penale nuk është arritur të vërtetohet asnjeri nga elementet objektive të veprës penale, përkatësisht nuk ka prova qe e vërtetojnë ekzistimin e lidhjes kauzale në mes të ndonjë veprimi të të pandehurve me pasojën e shkaktuar.

    Ora e vendosur në arkivolin e vajzës

    Njëra nga çështjet e trajtuara në aktgjykim është pretendimi i Prokurorisë se Halil Mehmetaj, në ceremoninë e varrimit të vajzës, kishte vendosur një orë dore në arkivolin e saj si simbol të hakmarrjes. Sipas Prokurorisë, ky veprim ishte shoqëruar me një betim për hakmarrje, duke lënë të kuptohej se koha po kalonte deri në marrjen e hakut.

    Halili nuk e kishte mohuar se e kishte vendosur orën në arkivol, por kishte deklaruar se nuk kishte pasur domethënie të hakmarrjes.

    Imami i cili kishte marrë pjesë në varrim, kishte dëshmuar se e kishte parë Halilin duke e vendosur orën dhe kishte dëgjuar prej tij fjalët: “Këtë orë ma ke dhuru për ditëlindje dhe po ta kthej prapë”.

    Sipas imamit, ai kishte qëndruar pranë Halilit gjatë gjithë kohës dhe nuk kishte dëgjuar ndonjë betim për hakmarrje.

    Ndërkaq, dëshmitari B.Hamzaj kishte dhënë një interpretim tjetër të këtij veprimi. Ai kishte thënë se, sipas traditës, vendosja e orës në arkivol nënkuptonte se do të merrej hak ndaj personit që e kishte shkaktuar vdekjen, por kishte pranuar se nuk e kishte dëgjuar personalisht Halilin duke thënë diçka të tillë.

    Gjykata kishte vlerësuar se dëshmia e imamit ishte më bindëse, pasi ai kishte treguar atë që kishte dëgjuar vetë, ndërsa Hamzaj kishte dhënë vetëm interpretimin e tij për simbolikën e veprimit.

    Për këtë arsye, gjykata kishte konstatuar se nuk ishte vërtetuar që vendosja e orës kishte simbolizuar një betim për hakmarrje.

    “… erdhi në përfundim se nuk është vërtetuar se vendosja e orës nga i pandehuri Halil është bërë për të simbolizuar betimin për hakmarrje.”

    Prokuroria ishte mbështetur edhe në dëshminë e B. Hamzaj lidhur me ndryshimin e sjelljes së Halil Mehmetajt pas vetëvrasjes së vajzës dhe, veçanërisht, pas sulmit ndaj autobusit.

    Hamzaj kishte deklaruar se Halili ishte tërhequr, kishte shmangur kontaktet me familjet Mustafaj dhe Hamzaj dhe kishte komunikuar më pak me ta. Ai kishte përmendur edhe faktin se Halili dhe djemtë e tij nuk kishin shkuar në spitalin e Pejës për t’u kujdesur për fëmijët e lënduar, ndonëse, sipas tij, nga secila familje e Gllogjanit kishte shkuar nga një person.

    Dëshmitari e kishte interpretuar këtë sjellje si përpjekje për t’u fshehur nga përgjegjësia.

    Por gjykata kishte vlerësuar se këto ishin interpretime personale të dëshmitarit për sjelljen dhe rrethanat, e jo prova që mund të dëshmonin fajësinë e të akuzuarve.

    “… kemi të bëjmë më një interpretim sjelljesh dhe rrethanash të bëra nga dëshmitari B. Hamzaj, të cilat edhe pse për të mund të jenë tregues i rëndësishëm, gjykata nuk mund t’i përdor si bazë për konstatimin e fajësisë, as si të vetme e as në ndërlidhje me ndonjë rrethanë tjetër të njohur.”

    “Nuk u dëshmua se Halili i nxiti djemtë për hakmarrje”

    Një nga pretendimet kryesore të Prokurorisë ishte se Halil Mehmetaj kishte fajësuar Gani Gjokajn për vetëvrasjen e vajzës, në prani të djemve të tij, dhe se në këtë mënyrë i kishte nxitur ata të kryenin veprën penale.

    Megjithatë, gjykata kishte konstatuar se nuk kishte prova që tregonin se kur dhe në çfarë mënyre Halili kishte ndikuar te djemtë e tij, apo se kur ua kishte formësuar bindjen për të kryer veprën penale.

    “… nuk ka asnjë provë të vetme qe vërteton se në cilin rast dhe në çfarë mënyrë ka ndikuar i pandehuri Halil tek djemtë e tij për kryerjen e veprës penale, kur ka qenë koha kur ka ndikuar apo e ka formësuar bindjen të ta.”

    Gjykata kishte theksuar se për të vërtetuar nxitjen nuk mjafton vetëm pretendimi se një person ka pasur motiv.

    Duhet të dëshmohet veprimi konkret i personit që dyshohet se ka nxitur, qëndrimi i personit të nxitur ndaj veprës penale dhe mënyra se si është ushtruar ndikimi.

    Sipas gjykatës, Prokuroria e kishte përshkruar pretendimin për nxitje në mënyrë abstrakte, pa treguar se kur dhe në çfarë forme Halili i kishte shtyrë djemtë e tij drejt kryerjes së veprës.

    “… nga ana e prokurorisë është përshkruara vetëm në mënyrë abstrakte se i pandehuri Halil i ka shtyrë të pandehurit Kastriot dhe Kreshnik, por nuk është treguar se kur dhe në çfarë forme, andaj për gjykatën ky pretendim i prokurorisë mbetet fakt i pavërtetuar.”

    Gjykata kishte vlerësuar se, pavarësisht ekzistimit të rrethanave që mund të flisnin për një motiv të mundshëm, mungesa e provave konkrete e linte këtë pretendim në nivel supozimi.

    “Pra kjo teori e prokurorisë në mungesë të provave, më gjithë ekzistimin rrethanave të tjera që flasin për një motiv të mundshëm, mbetet vetëm supozim…”

    Çfarë kishte deklaruar Halil Mehmetaj?

    Në deklarimin e tij, Halil Mehmetaj kishte thënë se familja ishte prekur thellë nga vdekja e të bijës, më 14 qershor 2020, por se ai nuk kishte dyshuar që ndonjë person tjetër kishte ndikuar në vetëvrasjen e saj.

    Ai kishte deklaruar se kishte pasur besim te institucionet e drejtësisë dhe se nuk kishte kërkuar hakmarrje, e as nuk i kishte nxitur djemtë e tij të vepronin kundër ndokujt.

    Sa i përket orës së vendosur në arkivol, Halili kishte shpjeguar se e kishte bërë këtë nga dashuria dhe lidhja e veçantë që kishte pasur me vajzën. Ai kishte treguar se ata kishin pasur të njëjtën datë të ditëlindjes dhe se H. e pëlqente atë orë. Për këtë arsye, kishte mohuar se veprimi kishte ndonjë simbolikë të lidhur me traditën shqiptare të hakmarrjes.

    Halili kishte mohuar se e kishte njohur personalisht Gani Gjokajn apo se kishte pasur kontakte me të. Po ashtu, kishte mohuar që ai ose ndonjë anëtar i familjes së tij ta kishte kërcënuar Ganiun apo t’i kishte dalë përpara autobusit.

    Ai kishte mohuar edhe pretendimin se e kishte udhëzuar Kastriotin të kontaktonte shoqet e vajzës për të zbuluar arsyet e vetëvrasjes së saj. Megjithatë, kishte thënë se e konsideronte të kuptueshme që familjarët të kërkonin shpjegime nga shoqet e saj për atë që kishte ndodhur.

    Në përfundim, gjykata kishte vlerësuar se këto akuza nuk ishin mbështetur me prova që do të vërtetonin përgjegjësinë penale të të akuzuarve. /Klankosova.tv

  • Çka thotë raporti që parasheh rritjen e Islamit në krahasim me krishterimin - arsye kryesore lindshmëria

    Çka thotë raporti që parasheh rritjen e Islamit në krahasim me krishterimin – arsye kryesore lindshmëria

    Çka thotë raporti që parasheh rritjen e Islamit në krahasim me krishterimin - arsye kryesore lindshmëria

    Krishterimi është grupi fetar më i përhapur në botë, ndërsa Islami renditet i dyti. Megjithatë, kjo pritet të ndryshojë deri në vitin 2035, sipas Qendrës Kërkimore Pew.

    Sipas llogaritjeve dhe statistikave të publikuara nga Pew, numri i myslimanëve pritet të rritet për 80 për qind, ndërsa ai i të krishterëve për 30 për qind. Në përgjithësi, popullsia globale parashikohet të rritet për 29 për qind.

    Arsyeja kryesore e rritjes së numrit të myslimanëve në nivel global është lindshmëria. Myslimanët kanë më shumë fëmijë në krahasim me grupet e tjera fetare. Megjithatë, edhe të krishterët pritet të kontribuojnë në rritjen e përgjithshme të popullsisë botërore.

    Sipas të dhënave të Pew, norma e lindshmërisë për periudhën 2020–2025 ishte 3.1 fëmijë për një grua myslimane, ndërsa për një grua të krishtere ishte 2.5. Për të gjitha gratë në nivel global, mesatarja ishte 1.6 fëmijë për grua.

    Të dy grupet fetare, myslimanët dhe të krishterët, pritet të përfitojnë më shumë ndjekës nga lindjet dhe të kenë më pak humbje si pasojë e vdekjeve.

    Parashikimet e qendrës kërkimore tregojnë se numri i myslimanëve gjatë periudhës 2020–2070 do të rritet për 1.6 miliard, ndërsa ai i të krishterëve për 729 milionë.

    Ndërrimi i fesë gjithashtu do të jetë një faktor që do të ndikojë në ndryshimin e numrit të besimtarëve të këtyre dy feve, por me efekt më të vogël sesa ndryshimi natyror i popullsisë botërore.

    Bazuar në trendet e mëparshme, myslimanët pritet të kenë më pak humbje të besimtarëve sesa të krishterët. Gjatë periudhës së parashikimit të përmendur nga Pew, diferenca mes personave që do t’i bashkohen besimit islam dhe atyre që do ta braktisin atë pritet të rezultojë në humbjen e 8 milionë besimtarëve. Për krishterimin, parashikohet një humbje neto prej 105 milionë besimtarësh.

    Shumica e njerëzve që pritet ta braktisin krishterimin parashikohet të mos i përkasin më asnjë feje, duke u identifikuar si ateistë ose agnostikë.

    Sa i përket ndërrimit të fesë mes Islamit dhe Krishterimit, myslimanët që pritet të konvertohen në të krishterë do të jenë më shumë në numër (9.2 milionë), krahasuar me të krishterët që do të konvertohen në myslimanë (9 milionë). Me fjalë të tjera, rritja e parashikuar e Islamit nuk vjen si rrjedhojë e konvertimeve, por kryesisht e shtimit natyror të popullsisë.

    Vendet që pritet të përjetojnë rritje të numrit të myslimanëve gjatë kësaj periudhe janë kryesisht ato ku Islami tashmë është feja dominuese, gjithsej 52 shtete. I njëjti trend pritet të vërehet edhe në botën e krishterë, ku bëjnë pjesë 102 shtete. /Klankosova.tv

  • Tre persona dënohen me nga 7 vjet burgim për trafikim të narkotikëve në Prishtinë, dy të tjerë lirohen nga akuza

    Tre persona dënohen me nga 7 vjet burgim për trafikim të narkotikëve në Prishtinë, dy të tjerë lirohen nga akuza

    Gjykata Themelore në Prishtinë, Departamenti Special, ka shpallur aktgjykimin ndaj pesë të akuzuarve për vepra penale që lidhen me blerjen, posedimin, shpërndarjen dhe shitjen e paautorizuar të narkotikëve, si dhe mbajtjen e paautorizuar të armëve.

    Sipas njoftimit të gjykatës, të akuzuarit L.T. dhe I.M. janë shpallur fajtorë dhe janë dënuar me nga shtatë vjet burgim dhe nga 10 mijë euro gjobë, për veprën penale të blerjes, posedimit, shpërndarjes dhe shitjes së paautorizuar të narkotikëve.

    Ndërkaq, i akuzuari O.V. është dënuar me shtatë vjet burgim dhe 11 mijë euro gjobë, pasi është shpallur fajtor për veprën penale të narkotikëve, si dhe për mbajtjen në pronësi, kontroll ose posedim të paautorizuar të armëve.

    Për më shumë lexoni të plotë aktgjykimin e Gjykatës Themelore në Prishtinë:

    Gjykata Themelore në Prishtinë, Departamenti Special, ka shpallur aktgjykimin në çështjen penale ndaj të akuzuarve L.T., O.V. dhe I.M., të cilët akuzohen se si anëtarë të grupit kanë kryer veprën penale Blerja, posedimi, shpërndarja dhe shitja e paautorizuar e narkotikëve, substancave psikotrope ose analoge nga neni 267 par.2 lidhur me nenin 275 par.1 nënpar.1.1 dhe 1.9 të Kodit Penal të Republikës së Kosovës, kundër të akuzuarve M.H. dhe Sh.D. lidhur me veprën penale Ndihmë në kryerjen e veprës penale Blerja, posedimi, shpërndarja dhe shitja e paautorizuar e narkotikëve, substancave psikotrope ose analoge nga neni 267 par.2 lidhur me nenin 275 par.1 nënpar.1.1 dhe 1.9 lidhur me nenin 33 të Kodit Penal të Republikës së Kosovës, ndaj të akuzuarit L.T. për veprën penale Mbajtja në pronësi, Kontroll ose posedim të paautorizuar të armëve nga neni 366 par.1 të KPRK-së dhe ndaj të akuzuarit O.V. për veprën penale Mbajtja në pronësi, Kontroll ose posedim të paautorizuar të armëve nga neni 366 par.1 të Kodit Penal të Republikës së Kosovës.

    Të akuzuarit L.T. dhe I.M. janë shpallur fajtor dhe janë dënuar me dënim me burgim në kohëzgjatje prej 7 (shtatë) vitesh për secilin dhe dënim me gjobë në shumën prej 10.000 (dhjetëmijë) euro për secilin, pasi kanë kryer veprën penale Blerja, posedimi, shpërndarja dhe shitja e paautorizuar e narkotikëve, substancave psikotrope ose analoge, nga neni 267, paragrafi 2, lidhur me nenin 275, paragrafi 1, nënparagrafët 1.1 dhe 1.9 të KPRK-së. Të akuzuari janë të obliguar që dënimin me gjobë ta paguajnë në afat prej 3 muajsh pas plotfuqishmërisë se këtij aktgjykimi. Në rast të mos pagesës gjykata dënimin me gjobë mund ta zëvendësoj me dënim me burgim. Të akuzuarit L.T. i është refuzuar aktakuza lidhur me veprën penale Mbajtja në pronësi, kontroll ose posedim të paautorizuar të armëve, nga neni 366, paragrafi 1, të KPRK, për shkak se prokurori i shtetit është tërhequr nga ndjekja penale gjatë shqyrtimit gjyqësor.

    I akuzuari O.V. është shpallur fajtor dhe është dënuar me dënim me burgim në kohëzgjatje prej 7 (shtatë) vitesh dhe dënim unik me gjobë në shumën prej 11.000 (njëmbëdhjetëmijë) euro pasi ka kryer veprën penale Blerja, posedimi, shpërndarja dhe shitja e paautorizuar e narkotikëve, substancave psikotrope ose analoge, nga neni 267, paragrafi 2, lidhur me nenin 275, paragrafi 1, nënparagrafët 1.1 dhe 1.9 të KPRK-së dhe veprën penale Mbajtja në pronësi, kontroll ose posedim të paautorizuar të armëve, nga neni 366, paragrafi 1, i KPRK-së. I akuzuari O.V. është i obliguar që dënimin me gjobë ta paguaj në afat prej 3 muajsh pas plotfuqishmërisë se këtij aktgjykimi.

    Në dënimin e shqiptuar me burgim, të akuzuarve ju llogaritet edhe koha e kaluar në masën e paraburgimit.

    Të akuzuarit M.H. dhe Sh.D. janë liruar nga akuza sepse nuk është provuar se kanë kryer veprën penale Blerja, posedimi, shpërndarja dhe shitja e paautorizuar e narkotikëve, substancave psikotrope ose analoge, nga neni 267, paragrafi 2, lidhur me nenin 275, paragrafi 1, nënparagrafët 1.1 dhe 1.9, lidhur me nenin 33 të KPRK-së.

    Obligohen të akuzuarit L.T, I.M. dhe O.V. që në emër të paushallit gjyqësor, dhe secili veç e veç, të paguajnë shumën prej 300 (treqind) euro, ndërsa në emër të kompensimit të viktimave të krimit të paguajnë, secili veç e veç, shumën prej 100 (njëqind)€, në afat prej 15 ditësh nga dita e plotfuqishmërisë së këtij aktgjykimi.

    Kundër këtij aktgjykimi, palët e pakënaqura kanë të drejtë ankese në Gjykatën e Apelit të Kosovë, përmes Gjykatës Themelore në Prishtinë. /Telegrafi/


  • ISHP: Është arritur pragu epidemiologjik i gripit, kryesojnë Tetova dhe Shkupi

    ISHP: Është arritur pragu epidemiologjik i gripit, kryesojnë Tetova dhe Shkupi

    Gripi po merr hov në Maqedoni. Vetëm brenda një jave, janë raportuar 154 raste me grip dhe sëmundje të ngjashme me gripin, krahasuar me 112 javën e kaluar. Numri më i lartë i rasteve është në Tetovë, Shkup dhe Kumanovë, sipas të dhënave të fundit nga Instituti i Shëndetit Publik (ISHP).

    Krahasuar me të njëjtën javë të vitit të kaluar, kur u regjistruan 117 raste, numri është 31.6 përqind më i lartë.

    Edhe pse aktiviteti i gripit është aktualisht i ulët, nga ISHP thonë se “është arritur pragu epidemiologjik për hyrjen në sezonin e gripit”.

    Në periudhën nga 9 deri më 15 nëntor, 49 raste u raportuan në Tetovë, 38 në Shkup dhe 19 në Kumanovë. Numri më i madh i pacientëve, ose 102, janë të moshës 15 deri në 64 vjeç, 30 janë fëmijë nën 14 vjeç dhe 22 janë persona mbi 65 vjeç.
    Që nga fillimi i sezonit, janë regjistruar 609 raste, krahasuar me 571 në të njëjtën periudhë të sezonit të kaluar. Vetëm në Tetovë, deri më tani janë raportuar 198 raste.

    Nga 64 mostrat e paraqitura në laboratorin e ISHP javën e kaluar, katër rezultuan pozitive për gripin e tipit A, dhe tre për koronavirusin. Që nga fillimi i sezonit, 22 mostra pozitive të gripit janë konfirmuar nga laboratori.

    Ndërkohë, Klinika e Sëmundjeve Pulmonare në Kozle po kryen deri në 150 ekzaminime në ditë për sëmundjet e frymëmarrjes, dhe rreth pesëdhjetë fëmijë po trajtohen në spital. Pacienti më i ri i shtruar në spital është një foshnjë 40 ditëshe. Dy fëmijë kanë konfirmuar gripin, por asnjëri nuk ka një pamje klinike të rëndë.

    “Ata që janë të shtruar në spital kanë pneumoni, bronkit obstruktiv”, tha Boshkovska, drejtoreshë e Klinikës Kozle, më 19 nëntor./Telegrafi/

  • The touching moment in Velani: Jakup Krasniqi’s brother follows him from the balcony, not allowed to meet him closely

    Today is the third day of Jakup Krasniqi’s visit to Kosovo, while a touching moment has been marked in the Velania neighbourhood in Pristina.

    His brother, Daut Krasniqi, although having the house very close to Jakup Krasniqi’s, has not been allowed to enter to meet him closely.

    Unable to stay close to his brother, Daut Krasniqi has come out on the balcony of his house, where he has tried to see and convey it from a distance.

    This moment has marked one of the most touching views of Krasniqi’s visit to Kosovo.

    Source Layer: Insander

  • Momenti prekës në Velani: Vëllai i Jakup Krasniqit e përcjell nga ballkoni, nuk lejohet ta takojë nga afër

    Momenti prekës në Velani: Vëllai i Jakup Krasniqit e përcjell nga ballkoni, nuk lejohet ta takojë nga afër

    Momenti prekës në Velani: Vëllai i Jakup Krasniqit e përcjell nga ballkoni, nuk lejohet ta takojë nga afër

    Sot është dita e tretë e vizitës së Jakup Krasniqit në Kosovë, ndërsa një moment prekës është shënuar në lagjen Velania në Prishtinë.

    Vëllai i tij, Daut Krasniqi, ndonëse e ka shtëpinë shumë pranë asaj të Jakup Krasniqit, nuk është lejuar të hyjë brenda për ta takuar nga afër.

    Në pamundësi për të qëndruar pranë të vëllait, Daut Krasniqi ka dalë në ballkonin e shtëpisë së tij, prej nga ka tentuar ta shohë dhe ta përcjellë atë nga larg.

    Ky moment ka shënuar një nga pamjet më prekëse të vizitës së Krasniqit në Kosovë.

    Burimi: Insajderi

  • Major progress in fighting pancreatic cancer, new medicine contracts tumors in most patients

    A new experimental drug called daraxonsonsib is viewed as one of the most important advances in treating pancreatic cancer in recent decades, as the results of a new study have shown tumor contractions in most patients.

    According to results presented this week in Barcelona, in the European-American cancer therapy symposium, the drug has also shown promising effects on cancer patients with advanced pancreatic cancer, which had spread to other organs.

    61 patients participated in the study. The results showed that 90 percent of the tumors stopped growing, while more than 60 percent contracted or disappeared. In about 8 percent of cases, tumors were no longer seen in CT scans.

    A year after the treatment began, 76.6 percent of the patients were still alive. This figure is markedly higher compared to the average one – year survival of 40 to 45 percent reported in patients treated only by chemotherapy.

    Oncologist Dr. Wungki Park, of the Sloan Kettering Cancer Center in New York, who presented the results, described the development as the closest to the recovery he has seen in patients with the disease.

    The chief of the British organisation Cancer Research UK, Michelle Mitchell, also described this as a major breakthrough in treating pancreatic cancer, but stressed that more studies are needed to confirm the results.

    Daraxonensib is produced by the American company Revolution Medicians and functions by blocking the KRAS protein, which plays an important role in the growth of cancer cells. CRAS’s mutations are found in almost all cases of pancreatic cancer.

    This development is especially important because of aggressiveness. When pancreatic cancer spreads to other organs, long – term survival opportunities are very limited.

    Despite promising results, however, researchers warn that complete recovery is still not possible. It remains to determine how long the drug can keep the disease under control when it will be approved for extensive use and how much it will cost.

    Further information is needed to see if the deraxonrasib can be effective against other types of cancer.

    The signal where the truth speaks before the news!

    /Gazeta Sinjali/

    Source Layer: Signal

  • Përparim i madh në luftën kundër kancerit të pankreasit, ilaçi i ri tkurr tumoret te shumica e pacientëve

    Përparim i madh në luftën kundër kancerit të pankreasit, ilaçi i ri tkurr tumoret te shumica e pacientëve

    Përparim i madh në luftën kundër kancerit të pankreasit, ilaçi i ri tkurr tumoret te shumica e pacientëve

    Një ilaç i ri eksperimental, i quajtur daraxonrasib, po shihet si një nga përparimet më të rëndësishme në trajtimin e kancerit të pankreasit në dekadat e fundit, pasi rezultatet e një studimi të ri kanë treguar tkurrje të tumoreve te shumica e pacientëve.

    Sipas rezultateve të prezantuara këtë javë në Barcelonë, në simpoziumin evropian-amerikan për terapitë e kancerit, ilaçi ka treguar efekte premtuese edhe te pacientët me kancer të avancuar të pankreasit, i cili ishte përhapur në organe të tjera.

    Në studim morën pjesë 61 pacientë. Rezultatet treguan se te 90 për qind e tyre tumoret ndaluan së rrituri, ndërsa te më shumë se 60 për qind u tkurrën ose u zhdukën. Në rreth 8 për qind të rasteve, tumoret nuk shiheshin më në ekzaminimet me skaner CT.

    Një vit pas nisjes së trajtimit, 76.6 për qind e pacientëve ishin ende gjallë. Kjo shifër është dukshëm më e lartë krahasuar me mbijetesën mesatare njëvjeçare prej 40 deri në 45 për qind që raportohet te pacientët që trajtohen vetëm me kimioterapi.

    Onkologu Dr. Wungki Park nga Memorial Sloan Kettering Cancer Center në Nju Jork, i cili prezantoi rezultatet, e përshkroi këtë zhvillim si më të afërtin me shërimin që ka parë te pacientët me këtë sëmundje.

    Edhe shefja e organizatës britanike Cancer Research UK, Michelle Mitchell, e cilësoi këtë si një përparim të madh në trajtimin e kancerit të pankreasit, por theksoi se nevojiten studime të tjera për të konfirmuar rezultatet.

    Daraxonrasib prodhohet nga kompania amerikane Revolution Medicines dhe funksionon duke bllokuar proteinën KRAS, e cila luan rol të rëndësishëm në rritjen e qelizave kancerogjene. Mutacionet e gjenit KRAS gjenden në pothuajse të gjitha rastet e kancerit të pankreasit.

    Ky zhvillim është veçanërisht i rëndësishëm për shkak të agresivitetit të kësaj sëmundjeje. Kur kanceri i pankreasit përhapet në organe të tjera, mundësitë e mbijetesës afatgjatë janë shumë të kufizuara.

    Megjithatë, pavarësisht rezultateve premtuese, studiuesit paralajmërojnë se ende nuk mund të flitet për shërim të plotë. Mbetet të përcaktohet se sa gjatë ilaçi mund ta mbajë sëmundjen nën kontroll, kur do të miratohet për përdorim të gjerë dhe sa do të kushtojë.

    Po ashtu, nevojiten të dhëna të mëtejshme për të kuptuar nëse daraxonrasib mund të jetë efektiv edhe kundër llojeve të tjera të kancerit.

    Sinjali – aty ku e vërteta flet para lajmit!

    /GazetaSinjali/

    Burimi: Sinjali

  • Dëshmitë dhe ekspertizat që rrëzuan akuzën për vrasjen e trefishtë në Gllogjan – Insajderi sjell detajet e aktgjykimit lirues

    Dëshmitë dhe ekspertizat që rrëzuan akuzën për vrasjen e trefishtë në Gllogjan – Insajderi sjell detajet e aktgjykimit lirues

    Dëshmitë dhe ekspertizat që rrëzuan akuzën për vrasjen e trefishtë në Gllogjan – Insajderi sjell detajet e aktgjykimit lirues

    Gjykata Themelore në Pejë ka dhënë në detaje arsyet që e çuan trupin gjykues drejt lirimit nga akuza për vrasjen e trefishtë të Kastriot dhe Kreshnik Mehmetajt, si dhe babait të tyre, Halil Mehmetaj, në rastin e sulmit ndaj autobusit në Gllogjan, më 26 nëntor 2021.

    Në aktgjykimin e plotë, të cilin e ka siguruar Insajderi, përshkruhet vlerësimi i provave, dëshmive dhe ekspertizave mbi të cilat gjykata e mbështeti vendimin lirues.

    Sulmi me armë zjarri ndaj autobusit të kompanisë “Erblini” përfundoi me vdekjen e shoferit Gani Gjokaj dhe dy nxënësve, Genta Mustafaj dhe Ledion Hamzaj. Në këtë sulm mbeti i plagosur rëndë edhe nxënësi Fliant Turkaj.

    Prokurorja e Shtetit, Sahide Gashi, mbrojtësi i viktimave, Demë Hasanaj, dhe avokati Arianit Koci, që përfaqësonte palën e dëmtuar, kishin kërkuar dënim me burgim të përjetshëm për tre të akuzuarit.

    Megjithatë, trupi gjykues i kryesuar nga gjyqtari Leon Përlaska vlerësoi se Prokuroria nuk arriti ta dëshmojë fajësinë e tyre përtej dyshimit të arsyeshëm.

    Në arsyetimin e vendimit, gjykata iu referua parimit In Dubio Pro Reo, sipas të cilit, në rastet kur mbetet dyshim për fajësinë, ai duhet të interpretohet në favor të të pandehurit.

    Dëshmitarët nuk arritën ta identifikonin sulmuesin

    Një nga arsyet kryesore të lirimit ishte mungesa e identifikimit të autorit të sulmit nga personat që ndodheshin në autobus dhe dëshmitarët e tjerë.

    Gjatë procesit gjyqësor u dëgjuan nxënësit që kishin qenë në autobus, përfshirë B.H, A.B, A.Z, B.M dhe E.O.

    Po ashtu, dëshmoi N.Zh, e cila pak para sulmit kishte kaluar me veturë në atë rrugë dhe kishte parë një person të veshur me të zeza, me kapelë, skaj rrugës.

    Por, asnjëri prej tyre nuk arriti ta identifikonte personin që kishte shtënë në drejtim të autobusit.

    Përshkrimet e dhëna për autorin, si një person i ri ose i moshës mesatare, me trup vital dhe gjatësi rreth 1.80 metra, gjykata i vlerësoi si tepër të përgjithshme për të shërbyer si identifikim.

    Sipas aktgjykimit, këto karakteristika mund t’i përshtaten një numri relativisht të madh të njerëzve.

    Dëshmitarët kishin deklaruar se pas të shtënave, sulmuesi ishte larguar në këmbë në drejtim të fshatit Shaptej. Askush nuk kishte parë që ai të largohej me ndonjë veturë.

    Vetura Toyota nuk u dëshmua se ishte e familjes Mehmetaj

    Një pjesë e rëndësishme e akuzës së Prokurorisë lidhej me pretendimin se Kreshnik Mehmetaj kishte përdorur një veturë Toyota të bardhë për ta larguar vëllanë e tij, Kastriotin, nga vendi i ngjarjes.

    Prokuroria ishte mbështetur në dëshmitë e V. dhe E.D, të cilët kishin thënë se e kishin parë Kreshnikun pranë marketit “24 Marsi”, rreth 664 metra larg vendit të sulmit, më shumë se një orë pas ngjarjes.

    Por, gjykata nuk i konsideroi bindëse këto dëshmi.

    Pamjet e kamerave të sigurisë të marketit nuk e kishin regjistruar Kreshnik Mehmetajn. Për më tepër, gjykata gjeti mospërputhje në deklaratat e V.D, i cili fillimisht kishte përshkruar veturën si të bardhë dhe veshjen e Kreshnikut me disa ngjyra, ndërsa më vonë kishte dhënë përshkrime të tjera.

    Edhe dëshmitari E.D nuk kishte arritur të konfirmonte me siguri se kush ndodhej në veturë.

    Një tjetër element që ndikoi në vlerësimin e gjykatës ishte identifikimi i një Toyota-je të bardhë në kamerat e tjera të sigurisë në fshat. Ajo kishte targa 03-520-AG, të cilat nuk i përkisnin familjes Mehmetaj.

    Ndërkaq, vetura e Kreshnik Mehmetajt, me targa 03-126-DU, sipas dëshmisë së automekanikut N. M dhe komunikimeve telefonike, atë natë ndodhej në servis në Gjakovë për ngjyrosje. Ajo ishte marrë vetëm më 27 nëntor, një ditë pas sulmit.

    Ekspertët në Kosovë dhe Zvicër nuk gjetën përputhje balistike

    Një tjetër pikë e rëndësishme e aktgjykimit lidhet me ekspertizat balistike të një fisheku të gjetur gjatë bastisjes në shtëpinë e Halil Mehmetajt.

    Fisheku, i shënuar si H#1.3, ishte i goditur nga gjilpëra e armës, por nuk ishte shkrepur.

    Eksperti i Agjencisë së Kosovës për Forenzikë, Lutfi Rraci, dhe eksperti i Institutit të Forenzikës në Cyrih, Martin Lory, kishin arritur në përfundimin se nuk kishte karakteristika të mjaftueshme individuale për të përcaktuar nëse fisheku ishte goditur nga e njëjta armë prej së cilës ishin shkrepur tri gëzhojat e gjetura në vendin e sulmit.

    Prokuroria më pas e kishte dërguar fishekun për ekzaminim në Institutin Shkencor të Tiranës. Eksperti Nikolin Duraj kishte pretenduar se kishte gjetur përputhje.

    Por, gjykata nuk e pranoi këtë përfundim si të besueshëm.

    Sipas arsyetimit, raporti kishte mangësi në dokumentimin e procesit të ekzaminimit, përzgjedhje subjektive të fotografive dhe ishte në kundërshtim me rezultatet e ekspertizave të Kosovës dhe Zvicrës.

    Edhe 13 gëzhojat e gjetura në vendin e quajtur “Maja e Rusolisë – Gropa”, në bjeshkët e Pejës, nuk u lidhën me armën e përdorur në sulm.

    Ato ishin gjetur në një lokacion ku Kreshnik Mehmetaj kishte filmuar veten duke shtënë në shenjë me një armë automatike të tipit ASH-78. Megjithatë, ekzaminimi mikroskopik dhe analizimi përmes sistemit IBIS treguan se gëzhojat ishin shkrepur nga një armë tjetër.

    Alibia e vëllezërve dhe distanca deri te vendi i sulmit

    Për kohën e sulmit, gjykata shqyrtoi edhe dëshmitë lidhur me vendndodhjen e të akuzuarve.

    Për Halil Mehmetajn nuk ishte kontestuar se në atë kohë ndodhej në një lokal të fshatit, në praninë e disa bashkëfshatarëve.

    Ndërsa për Kastriotin dhe Kreshnikun kishte dëshmuar fqinji i tyre, B. H. Ai kishte deklaruar se atë mbrëmje kishte qenë në shtëpinë e familjes Mehmetaj për të blerë pjesë traktori dhe ishte larguar rreth orës 18:10.

    Sulmi ndaj autobusit kishte ndodhur rreth orës 18:58.

    Sipas ekspertizës gjeodezike, distanca rrugore nga shtëpia e familjes Mehmetaj deri te vendi i krimit ishte 1 mijë e 334.88 metra.

    Gjykata vlerësoi se kjo distancë mund të përshkohej në këmbë brenda 48 minutash. Megjithatë, mundësia teorike që vëllezërit të arrinin në vendin e sulmit nuk u konsiderua provë se ata e kishin bërë këtë.

    Në aktgjykim thuhet se nuk kishte prova apo dëshmitarë që i kishin parë Kastriotin dhe Kreshnikun duke dalë nga shtëpia në drejtim të vendit të ngjarjes.

    Telefonatat dhe mesazhet nuk e dëshmuan përfshirjen e tyre

    Prokuroria kishte analizuar edhe komunikimet telefonike të të akuzuarve, përfshirë të dhënat e siguruara nga kompania Viber në Luksemburg.

    Sipas këtyre të dhënave, numrat e të pandehurve nuk kishin aktivitet rreth orës 18:50, në kohën kur kishte ndodhur sulmi.

    Hetuesit policorë këtë mungesë aktiviteti e kishin interpretuar si përpjekje për të fshehur komunikimet. Por, gjykata vlerësoi se një përfundim i tillë ishte spekulativ.

    Në vëmendje të Prokurorisë ishte edhe një telefonatë 15-sekondëshe ndërmjet Kreshnikut dhe Kastriotit, rreth orës 19:22, si dhe një SMS i fshirë në orën 21:14.

    Të akuzuarit kishin dhënë shpjegime për këto komunikime, duke përmendur ndër të tjera ngrohjen e ujit për pastrimin e makinës së mjeljes së lopëve dhe ardhjen e nipit të tyre, B.Dodaj.

    Gjykata kishte vërejtur mospërputhje në deklaratat e tyre lidhur me komunikimet dhe oraret e kthimit në shtëpi. Megjithatë, pa pasur përmbajtjen e telefonatës dhe mesazhit, këto të dhëna nuk u vlerësuan si prova të mjaftueshme për të dëshmuar përfshirjen në krim.

    Motivi i hakmarrjes dhe ora e vendosur në arkivol

    Një pjesë e rëndësishme e teorisë së Prokurorisë lidhej me pretendimin për hakmarrje pas vetëvrasjes së Heroina Mehmetajt, motrës së Kastriotit dhe Kreshnikut, në qershor të vitit 2020.

    Sipas akuzës, shkak i mundshëm i hakmarrjes ishte lidhja e saj e dashurisë me shoferin e autobusit, Gani Gjokaj.

    Gjatë shqyrtimit gjyqësor, gjykata dëgjoi shoqet e Heroinës dhe kolegët e shoferit. Nga dëshmitë u konfirmua se Gani Gjokaj dhe Heroina kishin pasur një lidhje dhe se familja Mehmetaj kishte qenë në dijeni për të.

    Megjithatë, gjykata nuk e konsideroi këtë rrethanë të mjaftueshme për të dëshmuar motivin e vrasjes.

    Në aktgjykim përmendet edhe letra që Heroina kishte lënë para vetëvrasjes, në të cilën kishte shkruar se askush nuk ishte fajtor për vdekjen e saj dhe se e kishte ndërmarrë atë veprim pasi ishte lodhur nga jeta.

    Një tjetër pretendim i Prokurorisë lidhej me veprimin e Halil Mehmetajt gjatë varrimit të vajzës së tij. Sipas pretendimit, ai kishte vendosur orën e dorës në arkivolin e saj si shenjë të betimit për hakmarrje.

    Por, gjykata i dha besim dëshmisë së imamit të varrimit, Besim Halilaj, i cili kishte deklaruar se e kishte dëgjuar Halilin duke i thënë vajzës: “Këtë orë ma ke dhuruar për ditëlindje dhe po ta kthej prapë”.

    Dëshmia e babait të Ledion Hamzajt, Beqë Hamzaj, i cili këtë veprim e kishte interpretuar si shenjë të gjakmarrjes sipas traditës, u konsiderua interpretim personal.

    Përveç kësaj, gjykata theksoi se për të dëshmuar veprën penale të shtytjes në vrasje ndaj Halil Mehmetajt, Prokuroria duhej të provonte veprimin konkret, kohën dhe mënyrën se si ai i kishte shtyrë djemtë për ta kryer krimin.

    Sipas gjykatës, aktakuza nuk kishte arritur ta konkretizonte këtë lidhje.

    Halil dhe Kreshnik Mehmetaj dënohen për armëmbajtje pa leje

    Pavarësisht lirimit nga akuza për vrasjen e trefishtë, gjykata i shpalli fajtorë Halil dhe Kreshnik Mehmetajn për armëmbajtje pa leje.

    Halil Mehmetaj u dënua me tre vjet burgim për posedimin e 154 fishekëve të armës AK-47, një karikatori të shkurtër, gjashtë fishekëve të gjuetisë dhe gjashtë pajisjeve ushtarake të gjetura në shtëpinë e tij. Për këto vepra ai kishte pranuar fajësinë.

    Kreshnik Mehmetaj u dënua me një vit burgim, pasi në dhomën e tij të gjumit dhe në veturën Toyota iu gjetën dy fishekë të armës AK-47.

    Gjykata vendosi që në dënimet e tyre të llogaritej edhe koha e kaluar në paraburgim, nga 11 dhjetori 2021 deri më 24 gusht 2026. Kjo periudhë është më e gjatë se dënimet e shqiptuara për armëmbajtje pa leje.

    Ndërkohë, familjarët e viktimave dhe nxënësi i plagosur janë udhëzuar që kërkesat për kompensim t’i realizojnë përmes kontestit civil.

    Në mesin e tyre është edhe Gentiana Qallaku, bashkëshortja e shoferit të ndjerë, e cila kishte paraqitur kërkesë pasurore-juridike në vlerë prej 150 mijë eurosh.

    Kundër aktgjykimit, palët kanë të drejtë ankese në Gjykatën e Apelit brenda afatit prej 30 ditësh./Insajderi.org

    Burimi: Insajderi

  • ​Inspektorati shqipton 26 gjoba në vlerë 98 mijë euro për beton të dobët

    ​Inspektorati shqipton 26 gjoba në vlerë 98 mijë euro për beton të dobët

    Inspektorati Qendror i Mbikëqyrjes së Tregut (IQMT) ka realizuar 54 inspektime lidhur me vendosjen në treg të betonit të gatshëm, çimentos dhe elementeve të betonit.

    Gjatë këtyre inspektimeve janë marrë mostra të produkteve, 26 prej të cilave nuk i kanë përmbushur kërkesat teknike të përcaktuara me legjislacionin në fuqi, raporton KosovaPress.

    Si rezultat, IQMT ka shqiptuar 26 gjoba në vlerë të përgjithshme prej 98 mijë eurosh. /Telegrafi/