Dhjetëra persona janë arrestuar këtë mëngjes në Paris, pas përplasjeve mes policisë dhe protestuesve gjatë demonstratave të zhvilluara në të gjithë Francën.
Dhjetëra mijëra qytetarë pritet të dalin në rrugë, ndërsa sindikatat, studentët dhe lëvizja e “Jelekëve të Verdhë” janë bashkuar në protesta kundër rritjes së çmimeve të karburanteve, kostos së jetesës dhe përkeqësimit të shërbimeve publike, përfshirë arsimin.
“Autoritetet presin deri në 100,000 protestues jashtë Parisit sot, me dhjetëra mijëra të tjerë brenda kryeqytetit,” shkruan CNN.
Lëvizja e “Jelekëve të Verdhë”, një nga organizatorët kryesorë të protestave të sotme, kishte zhvilluar demonstrata për më shumë se një vit, gjatë vitit 2018, kundër rritjes së kostos së jetesës.
Në faqen e tyre zyrtare janë publikuar qindra protesta të planifikuara për sot në mbarë vendin. Organizatorët u kanë bërë thirrje qytetarëve të mbështesin gjithashtu fermerët, punëtorët, pjesëmarrësit në marshimet për klimën dhe pensionistët.
Demonstratat e fundit vijnë pas disa javësh protestash studentore në të gjithë Francën, ku të rinjtë kanë kundërshtuar kushtet në klasa.
Ndërkohë, përplasjet mes policisë dhe demonstruesve kanë përshkallëzuar në disa raste në dhunë. Në fillim të këtij muaji, një 15-vjeçari iu shkatërrua dora si pasojë e një shpërthimi.
Sinjali – aty ku e vërteta flet para lajmit!
The post Dhjetëra të arrestuar në Paris, protestuesit përleshen me policinë gjatë demonstratave në Francë appeared first on Sinjali.
Burimi: Sinjali