Presidenti i Ukrainës, Volodymyr Zelenskyy, ka njoftuar se funksionimi i shërbimeve Starlink dhe Starshield është rikthyer në shpejtësitë që kishin para vendosjes së kufizimeve.
Përmes një video-adresimi, Zelenskyy ka bërë të ditur se rikthimi nisi gjatë natës, ndërsa deri në mëngjes shpejtësitë kishin arritur nivelin e nevojshëm për operacionet ukrainase.
Sipas tij, ky zhvillim është i rëndësishëm për logjistikën e forcave ukrainase në vijën e frontit dhe për mbrojtjen e vendit nga dronët iranianë “Shahed” me motor reaktiv.
Kreu i shtetit ukrainas ka falënderuar Shtetet e Bashkuara dhe partnerët e tjerë që, sipas tij, e trajtuan çështjen me seriozitet dhe ndihmuan në zgjidhjen e saj.
Në mesin e atyre që falënderoi, Zelenskyy përmendi anëtarët e Kongresit amerikan, senatorët, mediat, Departamentin e Shtetit dhe presidentin amerikan.
“Mbrojtja e jetëve ka rëndësi”, ka theksuar Zelenskyy në mesazhin e tij.
Sinjali – aty ku e vërteta flet para lajmit!
Burimi: Sinjali