Gazetari Miftar Zejnullahu, i ftuar në emisionin “Weekend” në Klan Kosova, ka folur për pritshmëritë, emrat që po përfliten dhe risitë e mundshme të edicionit të pestë të Big Brother VIP Kosova, i cili do tw nisë më 30 tetor.
Sipas Zejnullahut, këtë vit interesi për formatin ka nisur shumë më herët se zakonisht, ndërsa muajt e fundit rrjetet sociale janë mbushur me emra të personazheve që aludohet se do të bëhen pjesë e shtëpisë më të famshme në Kosovë.
“Janë përfolur goxha shumë emra”, ka thënë gazetari, duke theksuar se jo të gjithë emrat që qarkullojnë në media dhe rrjete sociale janë domosdoshmërisht pjesë e kastit zyrtar.
Një nga emrat që ka marrë vëmendje të madhe është reperi Fero, për të cilin është aluduar se mund të jetë pjesë e këtij edicioni.
Zejnullahu ka treguar se e ka parë emrin e reperit duke qarkulluar në media, por nuk ka dashur ta kontaktojë për këtë çështje.
“E kam parë që qarkullon emri i Ferros nëpër rrjetet sociale edhe nëpër media”, ka deklaruar ai, duke shtuar se deri më tani nuk mund të konfirmojë nëse reperi do të jetë pjesë e formatit./Klankosova.tv