Kanë kaluar gati dy javë nga vrasja e rëndë në fshatin Pogragjë të Gjilanit, por personi i dyshuar për këtë rast ende nuk është arrestuar.
Bëhet fjalë për Ramiz Arifin, i cili dyshohet se më 11 tetor vrau me armë zjarri djalin e tij, Bajram Arifin, 29-vjeçar.
Burimet e Klanit konfirmojnë se ende nuk ka asnjë zhvillim të ri lidhur me ngjarjen tragjike.
“Ende nuk ka asnjë informacion, asnjë indicie se ku mund të ndodhet i dyshuari. Po punohet intensivisht për ta lokalizuar vendndodhjen e tij”, i tha ky burim Klanit.
Ngjarja e rëndë ka ndodhur, më 11 tetor rreth orës 19:30, kur 29-vjeçari dyshohet se u qëllua me armë zjarri nga babai i tij.
Pas ngjarjes, i dyshuari dyshohet se është larguar nga vendi i krimit me një veturë, e cila më pas është gjetur.
Lidhur me rastin tragjik ka raportuar më herët edhe Klankosova.tv