Investitorët përkundër se ishin pajisur me leje ndërtimore për katin e gjashtë dhe penthouse, nuk e kishin respektuar atë.
Në inspektimin e 20 shkurtit 2023, inspektorja përgjegjëse e zonës, Vrenezi, kishte konstatuar mosrespektimin e projektit të vulosur.
Për këtë më 28 shkurt 2023 kishte marrë aktvendim përmes së cilit e detyronte investitorin që në afat prej 15 ditësh të bënte rrënimet dhe të kthente gjendjen faktike sipas projektit.
“Urdhërohet investitori Fatmir Berisha .. të respektoj vendimin dhe projektin e vulosur të lëshuar nga Drejtoria e Urbanizmit të datës 28.10.2022. Të kthej gjendjen faktike të objektit sipas projektit të vulosur në afat prej 15 ditëve, nga dita e pranimit të këtij Aktvendimi”, thuhet në aktvendim.
Por, përkundër se i kishte dhënë afat prej 15 ditësh, inspektorja sërish nuk e kishte inspektuar më për afër pesë muaj të tjerë.
Si pasojë e mosveprimeve të saj, Vrenezi dyshohet se i kishte mundësuar investitorëve përfundimin e punimeve të vrazhda.
Më 19 korrik 2023 ajo kishte konstatuar se investitori nuk kishte respektuar aktvendimin dhe kësisoj kishte arritur drejt fundit të punimeve të vrazhda, vendosjen e fasadës.
“Gjatë inspektimit investitori nuk ka filluar ende me punime për kthimin e objektit sipas projektit të vulosur sipas urdhrit me aktvendim të cekur më lart. Gjatë inspektimit janë duke u zhvilluar punimet në vendosjen e stiroporit dhe fasadës”
Por, gjithë kjo nuk po bëhej larg syve të saj.
Derisa Vrenezi nuk e inspektonte objektin e parë, bazuar në shkresat e lëndës rezulton se gjatë kësaj periudhe pesë mujore, ajo kishte dalë dy herë në inspektimin e objekti tjetër që kishte fillua të zinte vend krah tij, më saktë më 13 prill dhe 1 qershor 2023.
Ndërsa, vetëm pasi investitorët kishin përfunduar ndërtimin e vrazhdë, inspektorja Vrenezi kishte inspektuar sërish objektin e parë, madje kësaj radhe edhe duke marrë vendim për rrënim.
Më 8 gusht 2023, Vrenezi kishte nxjerr konkluzion përmes së cilit caktonte 11 shtatorin 2023 datën në të cilën do t’i rrënonte tejkalimet e lejes ndërtimore.
Për këtë, “Dosja” ka tentuar të marrë një përgjigje nga Vrenezi, mirëpo ka refuzuar të përgjigjet.
Në shkresat e lëndës nuk ekziston ndonjë dokument tjetër, përmes së cilit e njëjta e arsyeton mosekzekutimin e konkluzionit.
Për këtë, “Dosja” ka tentuar të marrë një përgjigje nga Vrenezi, mirëpo ka refuzuar të përgjigjet.
Sinjali – aty ku e vërteta flet para lajmit!
Burimi: Sinjali