Në palestrën “Sezai Surroi” në Prizren, të mërkurën, nënkampioni i Kosovës u mposht thellë nga Elan Chaloni me rezultatin 94:66.
Ndeshjen e Grupit F, skuadra franceze e dominoi nga fillimi.
Në pjesën e parë krijoi epërsi prej 20 pikësh, derisa më thellë triumfoi në periudhën e tretë, 23:7.
Prizrenasit nuk e patën forcën të kthehen në dhjetë minutat e fundit, në të cilën hynë me 36 pikë disavantazh.
Bashkimi i ka zhvilluar tri ndeshje, ndërsa e ka një fitore e dy disfata. Pas një jave, Bashkimi luan në udhëtim te Biotekno Korfez Basket e Turqisë.