Trajneri i Bayern Munichut, Vincent Kompany, është liruar nga spitali pas problemeve shëndetësore që e detyruan të kërkonte ndihmë mjekësore gjatë fundjavës së kaluar.
Drejtori sportiv i klubit bavarez, Max Eberl, ka konfirmuar për televizionin ARD se gjendja e trajnerit belg ishte shkaktuar nga një irritim i meningjeve.
“Lirimi i tij nga spitali është lajmi më i madh dhe më i mirë për të gjithë ne”, deklaroi Eberl.
Fillimisht, drejtuesit e klubit kishin paralajmëruar se Kompany mund të mungonte për disa javë. Pas daljes nga spitali, trajneri ka nisur fazën e rikuperimit, e cila përfshin pushim dhe trajtim me medikamente.
Sinjali – aty ku e vërteta flet para lajmit!
Burimi: Sinjali