Organizatori i protestës së paralajmëruar për nesër në Prishtinë, Durim Aliu, ka bërë thirrje për pjesëmarrje masive në tubimin që do të mbahet në Sheshin Skënderbeu, në orën 12:00.
Përmes një postimi në Facebook, Aliu ka theksuar se protesta nuk organizohet për interesa partiake, por për qytetarët, familjet dhe të ardhmen e Kosovës.
Ai ka bërë të ditur se kërkesa kryesore e protestuesve është dorëheqja e kryeministrit Albin Kurti, e jo vetëm ndryshimi i ministrave.
“Albin Kurti, ditët e llogaridhënies kanë ardhur! Nesër nuk dalim për parti, por për qytetarët, për familjet tona dhe për të ardhmen e Kosovës. Nuk kërkojmë ndërrim ministrash. Kërkojmë dorëheqjen e Albin Kurtit!”, ka shkruar Aliu.
Në fund, ai u ka bërë thirrje qytetarëve që të mos presin që të tjerët të reagojnë në vend të tyre, duke e përmbyllur mesazhin me sloganin: “Republika është e qytetarëve!”.
Protesta është paralajmëruar të mbahet të dielën, më 1 nëntor, në orën 12:00, në Sheshin Skënderbeu në Prishtinë.
Sinjali – aty ku e vërteta flet para lajmit!
Burimi: Sinjali