Kryetari i LSDM-së, Venko Filipce, sot publikoi në rrjetet sociale procesverbalin e seancës së Qeverisë, të mbajtur më 23 shtator 2025, në të cilën u diskutuan çështjet që lidhen me ofertën e bankës serbe Alta për të blerë aksione në 16 institucione publike.
Sipas Filipçes, procesverbali tregon se Ministrja e Financave Gordana Dimitrieska-Koçoska u informua për procedurën dhe përfundimet e propozuara në lidhje me ofertën e bankës.
Kjo vjen pas deklaratës së Ministres së Financave se ajo nuk u konsultua nga Guvernatori i Bankës Popullore, Trajko Sllaveski, në lidhje me hyrjen e Alta Bankës në tregun e vendit dhe blerjen e “Stopanska Banka Bitola”.
Ai kërkoi dorëheqjen e ministres, si dhe hapjen e një hetimi nga Prokuroria Publike ndaj saj dhe kryeministrit Hristijan Mickoski.
Në të njëjtën kohë, ai kërkoi edhe përfshirjen e Prokurorisë Publike Evropiane, me qëllim kontrollin e rrjedhës financiare që lidhet me “Alta Bankën”.
“Gordana Dimitrieska-Koçoska duhet të japë dorëheqjen, ajo po gënjen për Alta Bankën! Prokuroria Publike duhet të hapë menjëherë një hetim si për Hristijan Mickoskin ashtu edhe për Koçoskën, ndërsa Prokuroria Publike Evropiane duhet të përfshihet gjithashtu për të kontrolluar rrjedhën e të gjitha parave për Alta Bankën”, shkroi ai në Facebook.