Opinionistja Rudina kritikon ashpër Nichin për deklaratën ndaj Anjezës: “Kjo është skandaloze”
Opinionistja Rudina ka kritikuar ashpër banorin Nichi gjatë Prime-it të Big Brother VIP Kosova 5, pas një deklarate që ai kishte bërë ndaj Anjezës, duke përmendur edhe lidhjen e saj sentimentale.
Gjatë diskutimit, Rudina i tha Nichit se e kishte dëgjuar personalisht teksa i ishte drejtuar Anjezës me fjalët se i dashuri i saj mund ta linte.
“E kam dëgjuar me veshë të mi kur e ke thënë: ‘Ai mund të të lërë’. Kjo është skandaloze”, u shpreh opinionistja, duke ia bërë të qartë pakënaqësinë e saj lidhur me këtë deklaratë.
Reagimi i Rudinës erdhi pas një momenti emocional të Anjezës, e cila kishte përfunduar në lot gjatë diskutimit me Nichin, pasi ky i fundit kishte përmendur të dashurin e saj.
Ngjarja u bë pjesë e diskutimeve gjatë spektaklit, ku deklarata dhe reagimi emocional i Anjezës morën vëmendjen e opinionistëve dhe banorëve. /Telegrafi/