Policia ka njoftuar se një fëmijë 12-vjeçar është sulmuar nga qentë në Podujevë dhe më pas u dërgua për trajtim mjekësor.
Njësiti i policisë ka shkuar në shtëpinë ku dyshohet se ishin qentë dhe aty kanë hasur në rezistencë nga dy gra, të cilat kishin mohuar pronësinë e qenve. Njëra prej tyre kishte sulmuar zyrtaren policore. Ndaj tyre, policia tha se u iniciua rast, ndërsa ato janë liruar.
“Podujevë 06.11.2026 – 16:20. Është raportuar se një fëmijë 12 vjeçar, është sulmuar nga disa qen dhe është dërguar për trajtim mjekësor. Gjatë trajtimit të rastit njësia policore ka shkuar te shtëpia ku dyshohet se ishin qentë. Aty zyrtarët policorë kanë hasur në rezistencë nga dy të dyshuara femra kosovare ku njëra prej tyre e ka sulmuar zyrtaren policore. Të dyshuarat gjatë intervistimit kanë mohuar pronësinë ndaj qenve duke deklaruar se janë qen endacakë. Në konsultim me prokurorin është iniciuar rasti dhe të dyshuarat janë liruar”.
Burimi: Insajderi