Daut Haradinaj ka reaguar lidhur me vizitën e një grupi serbësh në Pejë dhe Deçan, të cilët në Beograd kanë përdorur sloganin “Kosova është Serbi”.
Haradinaj ka kritikuar Qeverinë e Kosovës, duke përmendur edhe deklaratat e fundit të ministrit Nenad Rshiq, në lidhje me krijimin e Asociacionit. Ai ka kërkuar të bëhet e ditur se kush ua dha lejen për vizitën në këto dy qytete.
“Dje, ministri i Kurtit foli për krijimin e Asociacionit, ndërsa sot paska pasur invazion nga serbët fitues në Beograd, me sloganin “Kosova është Serbi”. Lejen për ta vizituar Pejën dhe Deçanin, kush ua dha? A ua dha ai ose ajo që e dha tokën për Manastirin në orën 24:00 të natës? Perdja e patriotizmit po ju bie, por lejet për ata që kërcënojnë Kosovën duhet t’i jepni publikisht. Koha e qebeve si mbulesë ka mbaruar për secilin”, ka shkruar Haradinaj.
Burimi: Insajderi