Policia e Kosovës ka kërkuar bashkëpunimin e qytetarëve për identifikimin dhe lokalizimin e një personi të dyshuar për vjedhje në Rahovec.
Sipas njoftimit të Policisë, rasti dyshohet të ketë ndodhur më 2 janar 2026 në Rahovec, ndërsa identiteti i personit të dyshuar ende nuk është zbuluar, pavarësisht veprimeve hetimore të ndërmarra deri më tani.
Drejtoria Rajonale e Policisë në Gjakovë, përkatësisht Stacioni Policor në Rahovec – Sektori i Hetimeve, me autorizim të Prokurorit të Shtetit, ka publikuar fotografinë e personit të dyshuar dhe ka kërkuar ndihmën e qytetarëve për identifikimin e tij.
Policia u ka bërë thirrje të gjithë atyre që kanë informacione që mund të ndihmojnë në zbardhjen e rastit, të kontaktojnë institucionet përkatëse.
Informacionet mund të dërgohen përmes numrit emergjent 192, në stacionin më të afërt policor ose përmes adresës elektronike info@kosovopolice.com.
Policia ka garantuar se të gjitha informacionet e pranuara do të trajtohen me konfidencialitet të plotë dhe në përputhje me legjislacionin në fuqi. /Telegrafi/