Sindi Manushi, 34 vjeçe, me origjinë nga Elbasani, emigroi në Itali së bashku me familjen kur ishte vetëm 9 vjeçe.
Pas përfundimit të studimeve për Drejtësi në Universitetin e Trentos në vitin 2017, ajo nisi karrierën si avokate.
Në maj të vitit 2023, kandidoi me listën qytetare “Pieve Futura” dhe fitoi zgjedhjet lokale me 1.365 vota, duke u bërë kryetare e Bashkisë Pieve di Cadore, në provincën e Bellunos, rajoni Veneto.
Ajo u bë shqiptarja e parë me origjinë shqiptare që drejton një bashki në Itali.
Gjatë rrugëtimit të saj është përballur me vështirësi emigrimi, paragjykime dhe diskriminim, por arriti të ndërtojë karrierën e saj përmes shkollimit dhe përkushtimit.
Sindi nuk e ka mohuar asnjëherë origjinën shqiptare, duke shprehur krenarinë për rrënjët e saj nga Elbasani, ndërsa njëkohësisht ndihet edhe qytetare italiane.
Një histori suksesi dhe krenarie për Elbasanin dhe gjithë shqiptarët në diasporë./Telegrafi/