Kylian Mbappe ka munguar në stërvitjen e së mërkurës, ndërsa përzgjedhësi i Francës, Zinedine Zidane, ka bërë një ftesë të parë për sulmuesin e Paris Saint-Germainit, Senny Mayulu, para ndeshjes me Italinë në Ligën e Kombeve.
Mbappe ka probleme me muskulin e pasmë të kofshës dhe nuk do të jetë në dispozicion për ndeshjen e së enjtes në Milano, raportoi gazeta sportive L’Equipe.
Megjithatë, sulmuesi mund të rikthehet për përballjen ndaj Turqisë të dielën në Bordeaux.
Mayulu, 20-vjeçar, ishte tashmë në kampin stërvitor të Francës në Clairefontaine me grupmoshat U21, por tani do t’i bashkohet ekipit A dhe do të udhëtojë drejt Milanos gjatë së mërkurës.
Ai bëhet lojtari i dytë 20-vjeçar që i bashkohet për herë të parë ekipit të parë të Francës, pas sulmuesit të Bournemouthit, Eli Junior Kroupi, i cili u ftua në vend të Marcus Thuram.
Sulmuesi i Interit gjithashtu ka pësuar një lëndim në muskulin e pasmë të kofshës.
Franca kryeson grupin e saj në Ligën e Kombeve dhe do të sigurojë kualifikimin në çerekfinalet që zhvillohen në muajin mars nëse mposht Italinë në stadiumin “San Siro”./Telegrafi/