Wayne Rooney ka përballuar një nga frikërat e tij më të mëdha, duke realizuar një hedhje me parashutë për sfidën e parë të spektaklit I’m a Celebrity… Get Me Out of Here!.
Ish-futbollisti anglez, 41 vjeç, kishte tentuar tri herë më parë të hidhej nga një helikopter, por ishte tërhequr në momentin e fundit.
Këtë herë ai arriti ta përfundonte sfidën dhe, sipas Daily Mail, madje dukej se e shijoi përvojën, teksa zbriti në plazh me një buzëqeshje të madhe.
Rooney kishte pranuar më herët se lartësitë dhe helikopterët e bënin nervoz, ndërsa tregoi se nuk ndihej rehat as me gjarpërinjtë dhe as me atë që mund të fshihet në ujë.
Ai tha gjithashtu se dëshiron që publiku ta njohë si një person të sinqertë dhe me sens humori.
Në të njëjtën sfidë mori pjesë edhe paralimpiku dhe prezantuesi televiziv Ade Adepitan, i cili pritet të bëhet përdoruesi i parë i karriges me rrota që merr pjesë në historinë 24-vjeçare të spektaklit.
Sezoni i ri pritet të nisë të hënën, ndërsa pjesëmarrja e Rooney dhe Adepitan ka ngjallur interes që para transmetimit të episodit të parë. /Telegrafi/
