Udhëheqësit e vendeve të Azisë Juglindore janë mbledhur në Manila për samitin e ASEAN-it, ku siguria rajonale, pasojat ekonomike të konflikteve dhe bashkëpunimi ndërkombëtar janë ndër temat kryesore.
Presidenti i Filipineve, Ferdinand Marcos Jr., ka hapur zyrtarisht samitin, duke kërkuar unitet dhe koordinim ndërmjet vendeve anëtare për përballimin e krizave globale.
Ai ka theksuar se konfliktet ndërkombëtare kanë ndikuar në sigurinë energjetike, furnizimin me ushqime dhe transportin, duke përmendur edhe sfidat me të cilat rajoni është përballur gjatë vitit.
Samiti zhvillohet nga 15 deri më 17 nëntor dhe pritet të mbledhë udhëheqës nga vendet e rajonit dhe partnerët ndërkombëtarë.
Sipas agjencisë shtetërore Philippine News Agency, presidenti amerikan Donald Trump është paraparë të marrë pjesë në takimin e posaçëm ndërmjet Shteteve të Bashkuara dhe ASEAN-it më 17 nëntor.
Në agjendë janë edhe bashkëpunimi ekonomik, siguria detare, luftimi i krimit ndërkufitar dhe marrëdhëniet me fuqitë e mëdha.
Sinjali – aty ku e vërteta flet para lajmit!
Burimi: Sinjali