Kombëtarja e Kosovës ka nisur menjëherë përgatitjet për ndeshjen e fundit të këtij edicioni në Ligën e Kombeve, ku do të përballet me Irlandën, pas barazimit pa gola (0-0) të regjistruar dje në Prishtinë ndaj Izraelit.
Në stërvitjen e mbajtur në stadiumin “Fadil Vokrri”, përzgjedhësi Franco Foda ka punuar me 13 futbollistë, të cilët nuk patën minutazhë të plotë në takimin e kaluar. Ndërkohë, lojtarët që ishin titullarë kundër Izraelit kanë zhvilluar vetëm një seancë rigjeneruese në palestrën e hotelit për të rikuperuar energjitë.
Ekspedita e Dardanëve pritet të udhëtojë sot drejt Dublinit, aty ku të martën do të zbresin në fushë përballë Irlandës në një sfidë vendimtare që do të përcaktojë pozitën e dytë në grup.
Sinjali – aty ku e vërteta flet para lajmit!
Burimi: Sinjali