Gjiganti spanjoll ëndërron transferimin e Josko Gvardiol, por përballë ka një mision pothuajse të pamundur

Gjiganti spanjoll ëndërron transferimin e Josko Gvardiol, por përballë ka një mision pothuajse të pamundur

Written by

in

Barcelona po shqyrton mundësinë e transferimit të mbrojtësit kroat Josko Gvardiol nga Manchester City, pasi e sheh atë si profilin ideal për të përforcuar repartin defensiv. Megjithatë, realizimi i këtij operacioni duket shumë i vështirë.

Barcelona ka kontaktuar Manchester Cityn për të mësuar më shumë rreth situatës së Josko Gvardiol, raporton mediumi spanjoll AS.

Klubi katalanas është në kërkim të një qendërmbrojtësi të ri për afatin kalimtar të janarit, pasi lëndimet e Jules Koundé, Eric García dhe Andreas Christensen, si dhe problemet e shfaqura në ndeshjet ndaj kundërshtarëve më të fortë, kanë shtyrë drejtuesit të shqyrtojnë mundësitë në treg.

Trajneri Hansi Flick ka pranuar së fundmi se Barcelona po monitoron situatën dhe do të përpiqet të përforcohet, nëse kushtet financiare e lejojnë një gjë të tillë.

telegrafi.com

Gvardiol, profili ideal për Barcelonën

Sipas AS, gjatë kontakteve me Manchester Cityn për mesfushorin Rodri, drejtuesit e Barcelonës kanë pyetur edhe për situatën e mbrojtësit kroat.

Gvardiol shihet si lojtari që i përshtatet më së miri kërkesave të klubit katalanas. Barcelona ka nevojë për një qendërmbrojtës me këmbën e majtë, me përvojë në nivelet më të larta dhe që mund të luajë edhe në pozitën e mbrojtësit të majtë.

Pavarësisht se është vetëm 24-vjeçar, kroati i Manchester Cityt i plotëson të gjitha këto karakteristika dhe për këtë arsye është një nga emrat më të pëlqyer nga drejtuesit e Barcelonës.

Megjithatë, transferimi i tij duket pothuajse i pamundur. Gvardiol ka vazhduar së fundmi kontratën me Manchester Cityn deri në vitin 2031, ndërsa klubi anglez nuk ka arsye të heqë dorë lehtë nga një prej lojtarëve të rëndësishëm të skuadrës.

Sipas gazetës spanjolle, e vetmja mundësi që mund të shqyrtohej do të ishte një huazim, por edhe ky skenar vlerësohet shumë i vështirë, përveç nëse situata te Manchester City ndryshon ndjeshëm.

telegrafi.com

Barcelona shqyrton edhe alternativa të tjera

Përveç Gvardiol, në listën e kandidatëve të mundshëm të Barcelonës përmenden edhe Jonathan Tah i Bayern Munichut dhe Alessandro Bastoni i Interit. Të dy mbrojtësit kanë qenë më herët në radarët e klubit katalanas.

Megjithatë, edhe këto operacione nuk janë të lehta për t’u realizuar, sidomos për shkak të gjendjes financiare të Barcelonës.

Sipas La Vanguardia, katalanasit do të mund të transferojnë lojtarë të rinj në afatin kalimtar të janarit vetëm nëse paraprakisht realizojnë shitje.

Kështu, drejtori sportiv Deco duhet të gjejë një mbrojtës cilësor, i cili mund ta ndihmojë menjëherë skuadrën e Flickut, por që njëkohësisht të jetë brenda mundësive financiare të klubit.

telegrafi.com

Gvardiol mbetet profili ideal për Barcelonën, por kontrata e tij afatgjatë dhe rëndësia që ka te Manchester City e bëjnë këtë transferim një mision pothuajse të pamundur. /Telegrafi/