OVL-UÇK reagon pas vendimit në Hagë: I pritshëm, por i papranueshëm

OVL-UÇK reagon pas vendimit në Hagë: I pritshëm, por i papranueshëm

Written by

in

OVL-UÇK reagon pas vendimit në Hagë: I pritshëm, por i papranueshëm

Organizata e Veteranëve të Luftës së Ushtrisë Çlirimtare të Kosovës ka reaguar pas vendimit të sotëm të Gjykatës Speciale ndaj Hashim Thaçit dhe të tjerëve.

Në reagimin e saj, OVL-UÇK e ka cilësuar vendimin si të pritshëm, por të papranueshëm.

“Për ne, ky vendim është i papranueshëm. Kjo Gjykatë, edhe një herë, dëshmoi se nuk po arrin të shkëputet nga agjenda politike që e ka shoqëruar që nga themelimi i saj.

Ne besojmë se kjo qasje nuk i shërben drejtësisë së paanshme, por interesave të Serbisë dhe aleatëve të saj, të cilët për vite me radhë kanë synuar njollosjen e luftës sonë çlirimtare dhe të historisë së Kosovës.

UÇK-ja nuk mund të gjykohet përmes agjendave politike, ndërsa e vërteta e luftës sonë nuk mund të nëpërkëmbet me vendime gjyqësore”.

Në fund, OVL UÇK ka theksuar se do të vazhdojë të kundërshtojë çdo vendim që e konsideron padrejtësi dhe çdo përpjekje për barazimin e luftës çlirimtare me projektin e Serbisë, transmeton Klankosova.tv.