​Shiroka-Pula takon ambasadorin belg: Integrimi në BE dhe NATO mbeten objektiva strategjike të Kosovës

​Shiroka-Pula takon ambasadorin belg: Integrimi në BE dhe NATO mbeten objektiva strategjike të Kosovës

Written by

in

Presidentja Justina Shiroka Pula, sot gjatë një takimi me ambasadorin belg në Prishtinë Arnaud Dusaucy, shprehu mirënjohjen për mbështetjen e vazhdueshme të Belgjikës ndaj Kosovës.

Në takim u diskutua edhe për perspektivën euroatlantike të Kosovës. Shiroka-Pula ritheksoi se integrimi në BE dhe anëtarësimi në NATO mbeten objektiva strategjike të Kosovës, duke vlerësuar mbështetjen e Belgjikës për procesin e integrimit evropian dhe anëtarësimin e vendit tonë në organizatat ndërkombëtare.

Shiroka-Pula përmendi rëndësinë e zgjerimit të bashkëpunimit ekonomik, veçanërisht në teknologjinë informative, shërbimet digjitale, energjinë e ripërtërirë, infrastrukturë, bujqësi, arsim, kulturë dhe turizëm.

Ajo nënvizoi se Kosova ofron mundësi për investime duke shprehur gatishmërinë për të nxitur kontaktet ndërmjet bizneseve të të dyja vendeve. /Telegrafi/