Rama i kundërpërgjigjet Qeverisë për Lojërat Mesdhetare: Po tentoni t’ia bartni Prishtinës fajin për dështimin

Rama i kundërpërgjigjet Qeverisë për Lojërat Mesdhetare: Po tentoni t’ia bartni Prishtinës fajin për dështimin

Written by

in

Rama i kundërpërgjigjet Qeverisë për Lojërat Mesdhetare: Po tentoni t’ia bartni Prishtinës fajin për dështimin

Kryetari i Prishtinës, Përparim Rama, ka reaguar ndaj zhvillimeve rreth organizimit të Lojërave Mesdhetare, duke akuzuar Qeverinë se po tenton t’ia bartë kryeqytetit përgjegjësinë për dështimin e këtij organizimi.

Përmes një postimi në Facebook, Rama ka thënë se komunikimi i fundit nga Komiteti Ndërkombëtar i Lojërave Mesdhetare i ka bërë të qarta arsyet e anulimit të takimit.

Sipas tij, bëhet fjalë për tri çështje: mospërfundimin e pagesës, mosdërgimin e emrave të delegacionit dhe mungesën e përgjigjeve në komunikimet përmes emailit.

Rama ka theksuar se përgjegjësia për këto veprime i takon Qeverisë së Kosovës dhe jo Komunës së Prishtinës.

“Kryeministër, paske provu me ia bartë Prishtinës fajin për dështimin e ‘Lojërave Mesdhetare’!”, ka shkruar Rama.

Ai më tej ka renditur tri arsyet e përmendura në komunikimin e Komitetit, duke këmbëngulur se të gjitha janë përgjegjësi e Qeverisë.

“Kush ka pasë me i bo këto? Qeveria. Qeveria. Qeveria. Qikaq e thjeshtë është!”, ka përfunduar Rama.

Sinjali – aty ku e vërteta flet para lajmit!

/GazetaSinjali/

Burimi: Sinjali