Studentët paralajmërojnë protestë para Rektoratit, kërkojnë shkarkimin e rektorit

Studentët paralajmërojnë protestë para Rektoratit, kërkojnë shkarkimin e rektorit

Written by

in

Protesta vjen si reagim ndaj deklaratave të rektorit Arben Hajrullahu, të cilat kanë nxitur pakënaqësi te përfaqësuesit e studentëve.

Vendimi për të protestuar është konfirmuar edhe pas takimit me Këshillin Drejtues të Universitetit të Prishtinës. Sipas studentëve, gjatë këtij takimi, anëtarët e Këshillit Drejtues janë distancuar nga gjuha e përdorur nga rektori.

Megjithatë, studentët kanë kërkuar që institucionet e universitetit të ndërmarrin hapa konkretë dhe të mos e lënë çështjen vetëm në nivel diskutimesh. Kërkesa e tyre kryesore mbetet largimi i Arben Hajrullahut nga pozita e rektorit.

Ata kanë bërë të ditur se deri më tani nuk kanë marrë asnjë kërkimfalje dhe nuk kanë parë tërheqje nga deklaratat e rektorit, prandaj kanë vendosur ta vazhdojnë kundërshtimin përmes protestës së paralajmëruar.

Burimi: RTKLive