Në Maqedoninë e Veriut kemi rënie të numrit të udhëtarëve që e shfrytëzojnë autobusin. Në tremujorin e tretë të këtij viti kemi për 8.4 përqind më pak udhëtarë, krahasuar me periudhën e njëjtë të vitit të kaluar.
“Në tremujorin e tretë të vitit 2026 numri i udhëtarëve të transportuar në transportin rrugor është zvogëluar për 8.4 % krahasuar me periudhën e njëjtë të vitit paraprak”, raportoi Enti Shtetëror i Statistikave, duke theksuar se kemi ulje për 12.2 përqind në krahasim me tremujorin e dytë të këtij viti.
Krahasuar me tremujorin e vitit të kaluar, në transportin urban kemi ulje për 12.1 përqind, në transportin periferik ulje për 5.7 përqind, në atë mes qyteteve ulje për 0.5 përqind, ndërsa në transportin ndërkombëtar ulje për 0.8 përqind.