Presidenti iranian pranon gjendjen e rëndë ekonomike: Situata jonë nuk është aspak e mirë

Presidenti iranian pranon gjendjen e rëndë ekonomike: Situata jonë nuk është aspak e mirë

Written by

in

Presidenti iranian pranon gjendjen e rëndë ekonomike: Situata jonë nuk është aspak e mirë

Presidenti i Iranit, Masoud Pezeshkian, ka pranuar se vendi po përballet me një situatë të vështirë ekonomike, duke deklaruar se autoritetet nuk dëshirojnë të japin premtime të rreme apo ta paraqesin realitetin më të mirë nga ç’është.

“Ne nuk dimë të bëjmë premtime të rreme apo të themi se gjendja jonë është shumë e mirë. Sinqerisht, gjendja jonë nuk është aspak e mirë”, deklaroi Pezeshkian.

Megjithatë, presidenti iranian theksoi se vështirësitë aktuale nuk nënkuptojnë se vendi nuk do të jetë në gjendje ta menaxhojë situatën.

Vlerësimet e fundit të Fondit Monetar Ndërkombëtar (FMN) parashikojnë se ekonomia iraniane do të tkurret me 7.6 për qind gjatë vitit 2026, ndërsa inflacioni mesatar vjetor pritet të arrijë në 78.6 për qind.

Presioni mbi ekonominë e Iranit është shtuar nga konflikti me Shtetet e Bashkuara dhe Izraelin, sanksionet ndërkombëtare dhe bllokada detare amerikane, të cilat kanë kufizuar eksportet e naftës dhe qarkullimin e mallrave.

Deklarata e Pezeshkianit vjen në një kohë kur vendi po përballet me një prej periudhave më të vështira ekonomike të viteve të fundit.

Sinjali – aty ku e vërteta flet para lajmit!

/GazetaSinjali/

Burimi: Sinjali