Lansohet fushata “Dhuro Made in Kosova”, produktet vendore promovohen pa kosto shtesë

Lansohet fushata “Dhuro Made in Kosova”, produktet vendore promovohen pa kosto shtesë

Written by

in

“Së bashku me Mërgim Cahanin (Gjirafa), Qëndresa Pejën (Foleja) dhe Debatik Hoxhën (ShopAz), nënshkruam Memorandumin e Mirëkuptimit për fushatën “Dhuro Made in Kosova”.Përmes këtij bashkëpunimi, bizneset vendore mund t’i listojnë, promovojnë dhe shesin produktet e tyre në këto platforma pa asnjë kosto shtesë, duke zgjeruar tregun dhe duke i bërë produktet e tyre të qasshme për konsumatorët në Kosovë dhe diasporë.”, ka shkruar Kusari-Lila në Facebook.

Kusari-Lila ka theksuar rëndësinë e zgjedhjes së produkteve vendore, veçanërisht në prag të festave, duke vënë në pah se mbështetja e tyre ndikon drejtpërdrejt në ekonominë e vendit dhe në punën e bizneseve e familjeve prodhuese.

Ajo ka ftuar edhe platformat e tjera online që t’i bashkohen kësaj fushate, ndërsa prodhuesit dhe bizneset vendore mund të aplikojnë përmes adresës elektronike dhuro.mik@rks-gov.net.

Burimi: RTKLive