Drita mposht Feronikelin ’74 në një sfidë dramatike

Drita mposht Feronikelin ’74 në një sfidë dramatike

Written by

in

Ndeshja nisi me gol që në minutën e dytë, kur Albin Prapashtica kaloi mysafirët në epërsi. Drita reagoi me Besnik Krasniqin, i cili barazoi në minutën e 10-të, ndërsa Eduard Rroca shënoi për 2-1 në minutën e 23-të.

Feronikeli ’74 riktheu baraspeshën në minutën e 37-të përmes Ibrahim Cervadikut, ndërsa pjesa e parë u mbyll me rezultat 2-2.

Në pjesën e dytë, Blerim Krasniqi kaloi Dritën sërish në epërsi në minutën e 48-të, por Lorik Dobratiqi barazoi për 3-3 gjashtë minuta më vonë.

Golin e fitores për skuadrën gjilanase e realizoi Oniks Grezda në minutën e 61-të, duke vulosur rezultatin përfundimtar 4-3.

Pas kësaj fitoreje, Drita renditet në pozitën e tretë me 27 pikë, ndërsa Feronikeli ’74 zë vendin e shtatë me 15 pikë.

Burimi: RTKLive