Adrian Kalandari largohet  nga Big Brother VIP Kosova 5

Adrian Kalandari largohet  nga Big Brother VIP Kosova 5

Written by

in

Adrian Kalandari është banori i radhës që i ka dhënë fund rrugëtimit të tij në shtëpinë e “Big Brother VIP Kosova 5”.

Ai u eliminua pas një televotimi për të preferuarin, ku përballë tij në nominim ishin edhe Akili, Valdeti, Jona dhe Anjeza.

Pas votave të publikut, Adriani rezultoi banori që nuk arriti të sigurojë mbështetjen e mjaftueshme për të vazhduar garën, duke u bërë kështu i eliminuari i radhës nga ky edicion.

Edhe pse qëndrimi i tij në shtëpinë më të famshme në vend ishte relativisht i shkurtër, Adriani arriti të lërë përshtypje te publiku.

Ai u dallua për karakterin e tij të qetë dhe sjelljen e matur, duke fituar simpatinë e një pjese të konsiderueshme të shikuesve gjatë ditëve të qëndrimit në këtë format.

Me eliminimin e tij, gara në “Big Brother VIP Kosova 5” vazhdon për banorët e tjerë, të cilët tashmë i afrohen gjithnjë e më shumë sfidave të radhës në këtë aventurë. /Telegrafi/