Mbrëmjen e së premtes, Adriani ka përfunduar rrugëtimin e tij në Big Brother VIP Kosova 5, duke u bërë banori i radhës që lë shtëpinë më të famshme në vend.
Gjatë spektaklit të mbrëmshëm u zbulua edhe rezultati i televotimit, ku banorët pritën vendimin e publikut për të mësuar se kush do të vazhdonte garën dhe kush do të largohej nga shtëpia.
I pari që siguroi shpëtimin përmes votave të publikut ishte Akili, ndërsa menjëherë pas tij u shpëtua Anjeza.
Më pas, lajmin se do të vazhdonin qëndrimin në shtëpi e morën edhe Jona dhe Fatlumi. Ndërsa Valdeti ishte banori i fundit që shpëtoi nga televotimi.
Në këtë mënyrë, Adriani mbeti i fundit dhe u detyrua të ndërpresë garën në këtë edicion të Big Brother VIP Kosova 5. /Telegrafi/
– YouTube www.youtube.com