Modelja shqiptare, Adrola Dushi, ka reaguar sërish për protestat e studentëve, duke kritikuar personat që, sipas saj, arsyetojnë trajtimin e ashpër të protestuesve për shkak të dëmeve materiale.
Përmes një postimi në InstaStory, ajo u është drejtuar atyre që, sipas saj, i japin përparësi dëmeve materiale para mënyrës se si po trajtohen studentët.
“Të gjithë ju që justifikoni mizorinë ndaj studentëve me dëme materiale, mos e bëfshi pikën e hajrit”, ka shkruar Dushi.
Në mesazhin e saj, modelja ka kritikuar edhe personat që, sipas saj, kanë hequr dorë nga dinjiteti për interesa të vogla financiare, duke përdorur gjuhë të ashpër ndaj tyre.
Ky nuk është reagimi i parë i Adrola Dushit lidhur me protestat. Ajo ka shprehur edhe më herët qëndrimet e saj përmes rrjeteve sociale, duke ngritur shqetësime për mënyrën e trajtimit të studentëve.
Me reagimin e fundit, modelja ka ritheksuar kundërshtimin e saj ndaj asaj që e cilëson si mizori ndaj protestuesve, duke vënë në pikëpyetje ata që arsyetojnë veprimet ndaj tyre me dëmet materiale.
Sinjali – aty ku e vërteta flet para lajmit!
Burimi: Sinjali