Sipas njoftimit, në takim është theksuar partneriteti i kahershëm ndërmjet Gjermanisë dhe Kishës Katolike në Kosovë, si dhe mbështetja e vazhdueshme që Kisha Katolike në Gjermani dhe institucionet e saj ofrojnë për Kosovën.
Një ndër temat kryesore të diskutimit ishte rëndësia e dialogut ndërfetar si bazë për stabilitet dhe paqe.
“Rudolph dhe Gjergji kanë diskutuar edhe për ndikimin e konferencës së përvitshme ndërfetare në Kosovë, e iniciuar nga Kisha Katolike, e cila konsiderohet si një nga mekanizmat e rëndësishëm për nxitjen e dialogut ndërmjet komuniteteve të ndryshme fetare”, thuhet në njioftim.
Në fund, është ritheksuar përkushtimi për forcimin e harmonisë fetare dhe bashkëjetesës paqësore përmes respektit të ndërsjellë.
Burimi: RTKLive