Author: Momenti

  • Liverpooli përshpejton transferimin prej 70 milionë eurosh të yllit të Ligës Premier

    Liverpooli përshpejton transferimin prej 70 milionë eurosh të yllit të Ligës Premier

    Liverpooli e ka shtuar Adrien Truffert në listën e objektivave të tyre të transferimit për sezonin e ardhshëm. Mbrojtësi i krahut të Bournemouth është një nga objektivat e rinj të Liverpoolit, ndërsa ata kërkojnë të forcojnë mbrojtjen me kërkesë të trajnerit Andoni Iraola.

    Sipas disa mediave kryesore në Angli, bordi i klubit nga Anfield do të konkurrojë me Manchester United për reprezentuesin francez, duke u përballur me një klauzolë lirimi të vendosur nga klubi i tij prej 70 milionë eurosh.

    Mbrojtësi 24-vjeçar iu bashkua Bournemouth në vitin 2025 nga Rennes për të zëvendësuar një lojtar që më parë ishte transferuar në klubin e Merseyside, duke nënshkruar një kontratë afatgjatë deri në qershor 2030. Vlera e tij aktuale në treg është 35 milionë euro në Transfermarkt, e mbështetur nga tre paraqitjet e tij për ekipin kombëtar francez dhe vendi i tij i rregullt në formacionin titullar.

    Së bashku me interesin nga Liverpooli dhe Manchester United, klube të tilla si Aston Villa, Benfica, Bayern Munich dhe AC Milan mbajnë raporte të përditësuara pasi kanë shqyrtuar nënshkrimin e tij në fazat e mëparshme.

    Bordi i Bournemouth nuk përballet me detyrime financiare apo kërkesa që do t’i detyronin ata të shesin një lojtar kyç në mes të sezonit. Negociatat gjatë afatit kalimtar të janarit do të kërkonin pagesën e klauzolës së lirimit prej 70 milionë eurosh, me klubin që rezervon mundësinë për të bllokuar çdo ofertë nëse siguron një vend në fazat eliminatore të Ligës së Evropës.

    Mungesa e specialistëve në krahun e majtë në tregun evropian ka rritur vendosmërinë e bordit anglez për të mbajtur mbrojtësin.

    Bordi i Liverpoolit po shqyrton shtyrjen e një përpjekjeje përfundimtare për lojtarin deri në afatin e verës 2027, kur gatishmëria e lojtarit për t’u bashkuar me një pretendentë për titull do të lehtësojë negociatat. Lehtësimi i parashikuar buxhetor në faturën e pagave do t’i lejojë klubit të përfundojë transferimin pa kompromentuar rregulloret e Fair Play Financiar të Ligës Premier.

    Drejtuesit e Liverpoolit janë të bindur se marrëdhënia e mirë institucionale midis dy klubeve do ta përshpejtojë marrëveshjen kur të hapet afati e transferimeve. Skautët e Liverpoolit do të jenë aty për të ndjekur ndeshjet e Adrien Truffert si në ligën vendase ashtu edhe në Ligën e Evropës gjatë tremujorit të fundit të vitit 2026.

    Nëse Bournemouth pranon të ulë kërkesat e tyre financiare në fund të sezonit aktual të Ligës Premier, Liverpooli do të paraqesë ofertën e tyre të parë zyrtare në fillim të afatit kalimtar të verës 2027. /Telegrafi/

  • SINJALI 24 | Kosova derisa flinte: Braziliana denoncon dhunim, arrestime për sulmet ndaj deputetit e gazetarit, armë dhe kërcënime me vrasje

    SINJALI 24 | Kosova derisa flinte: Braziliana denoncon dhunim, arrestime për sulmet ndaj deputetit e gazetarit, armë dhe kërcënime me vrasje

    SINJALI 24 | Kosova derisa flinte: Braziliana denoncon dhunim, arrestime për sulmet ndaj deputetit e gazetarit, armë dhe kërcënime me vrasje

    Kosova ka kaluar një tjetër natë të ngarkuar me raste të rënda kriminale, përleshje, kanosje, dhunë, grabitje dhe arrestime.

    Në Prishtinë, një shtetase braziliane ka denoncuar se është dhunuar dhe grabitur në banesën e saj nga tre persona të panjohur, ndërsa hetimet për sulmin ndaj deputetit Fahrush Rexhepi dhe gazetarit Jeton Sopa gjatë protestës së 5 tetorit kanë çuar në ndalimin e dy personave të dyshuar.

    Pas gati tre muajsh në arrati, është arrestuar Mehmet Kryeziu, i dyshuar për vjedhje, ndërsa në Gjakovë një grua është kapur me thikë në çantë brenda Gjykatës. Në Pejë, një konflikt familjar dyshohet se eskaloi në sulm me sëpatë, kurse në Vushtrri një mosmarrëveshje për pronë përfundoi me kërcënim me armë.

    Një punëtore banke në Leposaviq ka denoncuar gjithashtu se është kërcënuar gjatë një bisede për një kredi të papaguar.

    Sinjali ju sjell përmbledhjen e natës.

    Prishtinë – Braziliana denoncon dhunim e grabitje, tre persona dyshohet se e kërcënuan me thikë

    Një 29-vjeçare braziliane ka denoncuar se është sulmuar në banesën e saj në rrugën “Faik Konica” nga tre persona të panjohur.

    Sipas saj, njëri dyshohet se e ka detyruar të kryejë marrëdhënie seksuale, ndërsa dy të tjerët e kanë grabitur nën kërcënimin e thikës.

    Asaj i janë marrë telefona, dokumente, karta bankare dhe rreth 50 euro.

    Rasti po hetohet nga Policia dhe Prokuroria për “Dhunim” dhe “Grabitje”.

    Prishtinë – Identifikohet edhe personi i tretë për sulmin ndaj deputetit Rexhepi

    Policia ka identifikuar dhe ndaluar edhe të dyshuarin e tretë për sulmin ndaj deputetit Fahrush Rexhepi gjatë protestës së 5 tetorit.

    Bëhet fjalë për Nesim Currin, i cili është intervistuar në prani të avokatit mbrojtës dhe më pas është ndaluar për 48 orë.

    Për këtë rast më herët janë ndaluar edhe dy persona të tjerë. Rasti po hetohet për “Sulm ndaj personit zyrtar”.

    Suharekë – Tre muaj në arrati, Mehmet Kryeziu arrestohet dhe dyshohet për vjedhje të reja

    Pas gati tre muajsh në arrati, Policia ka arrestuar Mehmet Kryeziun. Ai dyshohet se më 20 korrik ishte arratisur nga QKMF-ja në Suharekë, ku po mbahej nën masën e ndalimit 48-orësh.

    Gjatë kohës sa ishte në arrati, dyshohet se ka kryer edhe vjedhje në Klinë dhe Ferizaj.

    Me urdhër të Prokurorit, ai është ndaluar për 48 orë.

    Gjakovë – Shkon në Gjykatë me thikë në çantë, përfundon në Polici

    Nushe Azemi është shoqëruar në Polici pasi gjatë qëndrimit në Gjykatën Themelore në Gjakovë është konstatuar se kishte një thikë në çantë.

    Ajo ia ka dorëzuar thikën Policisë, e cila e ka sekuestruar dhe ka nisur hetimet.

    Rasti është iniciuar për “Mbajtja në pronësi, kontroll ose posedim të paautorizuar të armëve”. E dyshuara është liruar në procedurë të rregullt.

    Pejë – Konflikti familjar eskalon në sulm me sëpatë

    Një konflikt familjar në rrugën “Asllan Qeshme” në Pejë dyshohet se ka eskaluar në sulm me sëpatë.

    Sipas Policisë, B.B. dyshohet se ka sulmuar familjarët e bashkëshortes me sëpatë, ndërsa E.B. dyshohet se i ka kërcënuar ata.

    Për rastin janë njoftuar Prokuroria dhe është iniciuar procedurë për “Dhunë në familje” dhe “Sulm”.

    Të dyshuarit janë liruar në procedurë të rregullt.

    Prishtinë – Arrestohet i dyshuari për sulmin ndaj gazetarit Jeton Sopa

    Liridon Geci është arrestuar nën dyshimin se ka sulmuar gazetarin Jeton Sopa gjatë protestës së 5 tetorit në Prishtinë.

    Sopa kishte raportuar se ishte goditur nga prapa në pjesën e qafës, ndërsa i dyshuari është identifikuar përmes analizimit të pamjeve.

    Geci është arrestuar pranë Hotel “Grand” dhe është ndaluar për 48 orë me urdhër të Prokurorit.

    Rasti po hetohet për “Sulm”.

    Vushtrri – Sherri për pronën eskalon, axhai dyshohet se ia drejtoi armën nipit

    Një mosmarrëveshje e vjetër pronësore në fshatin Pasomë të Vushtrrisë ka eskaluar në kërcënim me armë.

    Sipas ankuesit, axhai i tij kishte shkuar në shtëpinë e tij dhe gjatë përplasjes ia kishte drejtuar armën, duke i thënë: “A e din se ju vras”. Policia ka kontrolluar dy lokacione të lidhura me të dyshuarin, por arma nuk është gjetur.

    Rasti është iniciuar për “Kanosje” dhe armëmbajtje pa autorizim, ndërsa i dyshuari është liruar në procedurë të rregullt.

    Leposaviq – Kërcënon punëtoren e bankës për kredinë: “Kam për të të prerë”

    Një punëtore banke në Leposaviq ka denoncuar se është kërcënuar gjatë një bisede për një kredi të papaguar. Ajo fillimisht kishte kontaktuar klientin, ndërsa më pas kishte telefonuar nënën e tij, e cila ishte garantuese.

    Sipas denoncimit, Z.K. ia kishte marrë telefonin dhe e kishte kërcënuar: “Mos ma shqetëso familjen ose kam për të të prerë”.

    Rasti është iniciuar për “Kanosje” dhe po hetohet në procedurë të rregullt.

    SINJALI 24 – Kur ti flije, ne e përcollëm Kosovën.

    Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

    Sinjali – aty ku e vërteta flet para lajmit!

    /GazetaSinjali/

    The post SINJALI 24 | Kosova derisa flinte: Braziliana denoncon dhunim, arrestime për sulmet ndaj deputetit e gazetarit, armë dhe kërcënime me vrasje appeared first on Sinjali.

    Burimi: Sinjali

  • "Më dhemb shpirti që Roeli do të rritet pa baba", bashkëshortja me dedikim prekës për Shpat Kasapin

    “Më dhemb shpirti që Roeli do të rritet pa baba”, bashkëshortja me dedikim prekës për Shpat Kasapin

    Bashkëshortja e të ndjerit Shpat Kasapi, Selvije Jao, ka ndarë një dedikim prekës për këngëtarin, duke kujtuar atë përmes djalit të tyre, Roelit.

    Përmes një postimi në rrjetet sociale, ajo ka publikuar disa fotografi të Roelit me babanë, duke shprehur mallin për të.

    “Nuk ka ditë që të mos pyes veten si do të ndihej Shpati po ta shihte Roelin sot. Sa krenar do të ishte për çdo fjalë, hap e arritje të tij, dhe sa shumë do të dëshironte ta mbante pranë e ta shihte duke u rritur”, shkruan Selvija.

    Foto: Instagram

    Ajo thekson se dhimbja për humbjen e Shpatit është ende e pranishme, ndërsa kujton lidhjen e veçantë që ai kishte me djalin e tyre.

    “Më dhemb shpirti që Roeli do të rritet pa babanë që nuk kalon asnjë ditë pa mos e kërkuar por unë do ta mbaj Shpatin gjallë në çdo kujtim e çdo histori që do t’i tregoj”, shprehet tutje.

    Në fund të dedikimit, Selvija shkruan se do të donte që Roeli ta njihte gjithmonë të atin përmes kujtimeve dhe dashurisë që ai la pas.

    “Dua të besoj se, sa herë Roeli buzëqesh, Shpati buzëqesh bashkë me të. Dashuria për të nuk do të zbehet kurrë”, përfundon ajo.

    Artisti i njohur ndërroi jetë në nëntor të vitit që lamë pas në moshën 40-vjeçare. /Telegrafi/

  • Dalin të gjithë minatorët e bllokuar në Trepçë, drejtori konfirmon se janë mirë

    Dalin të gjithë minatorët e bllokuar në Trepçë, drejtori konfirmon se janë mirë

    Të gjithë minatorët që mbetën të bllokuar mbrëmjen e së mërkurës në minierën e Trepçës tashmë janë nxjerrë jashtë.

    Lajmin e ka konfirmuar drejtori i Trepçës, Shyqyri Sadiku, i cili bëri të ditur se të gjithë minatorët janë në gjendje të mirë shëndetësore.

    “Po, të gjithë kanë dalë, me shëndet janë mirë”, ka thënë shkurt Sadiku.

    Mbi 60 minatorë mbesin të ngujuar në Trepçë për shkak të një defekti me energji

    Burimi: Dukagjini

  • 18-vjeçari humb jetën pas aksidentit në rrugën Korçë-Maliq

    18-vjeçari humb jetën pas aksidentit në rrugën Korçë-Maliq

    18-vjeçari humb jetën pas aksidentit në rrugën Korçë-Maliq

    18-vjeçari Florian Matraku ka humbur jetën, pavarësisht ndërhyrjes së mjekëve dhe trajtimit në reanimacionin e Spitalit të Korçës.

    I riu u përfshi në një aksident rrugor në aksin nacional Korçë-Maliq, pranë kryqëzimit të fshatit Bulgarec, pak kilometra larg Korçës.

    Siç shkruan A2CNN, 18-vjeçari po tentonte të kalonte nga njëri krah i rrugës në tjetrin, kur u përplas nga një automjet që lëvizte në drejtim të Maliqit. Përplasja ishte e fortë dhe i shkaktoi dëmtime të rënda, transmeton Klankosova.tv.

    Pavarësisht ndërhyrjes së mjekëve dhe përpjekjeve për t’i shpëtuar jetën, Florian Matraku nuk ka mundur t’u mbijetojë plagëve të marra.

    Drejtuesi i automjetit është shoqëruar në komisariat, ndërsa ekspertët e qarkullimit rrugor po punojnë për zbardhjen e plotë të rrethanave dhe dinamikës së aksidentit.

  • Faljen presidenciale për krerët e UÇK-së, gazetari Beha e sheh si version të pamundur (VIDEO)

    Faljen presidenciale për krerët e UÇK-së, gazetari Beha e sheh si version të pamundur (VIDEO)

    Faljen presidenciale për krerët e UÇK-së, gazetari Beha e sheh si version të pamundur (VIDEO)

    Gazetari Besian Beha ka kritikuar, siç i cilësoi ai, standardet e dyfishta në raport me pavarësinë e gjyqësorit dhe reagimet politike ndërkombëtare.

    Në emisionin “Ora Shtatë” në Klan Kosova, Beha tha se reagimet politike ndërkombëtare janë të kuptueshme, por shqetësuese, sipas tij, mbeten rastet kur të njëjtat standarde nuk aplikohen njësoj ndaj të gjitha shteteve, transmeton Klankosova.tv.

    “Këto reagimet politike ndërkombëtare janë të kuptueshme, por problemin e kam kur gjykohet me standarde të dyfishta. Në njërën anë, për shembull shteteve si Kosova, iu kërkohet me të drejtë me respektu vendimet dhe të mos ndërhyjë në pavarësinë e gjyqësorit, e në anën tjetër ish-gjyqtarit në procedurën paraprake në rastin e Thaçit, ku më pas ka kaluar në Gjykatën Penale Ndërkombëtare, Nicolas Guillou, kanë vendosur sanksione ndërkombëtare prej Shteteve të Bashkuara të Amerikës, veç pse ka lëshuar urdhërarrest ndaj Benjamin Netanyahut”, deklaroi Beha.

    Ai theksoi se pavarësia e gjyqësorit duhet të jetë parim universal.

    “Pra, nëse gjyqësori është dhe duhet të jetë i pavarur, duhet të jetë i pavarur për të gjithë, qofshin ato shtete të fuqishme, qofshin ato shtete të vogla”, tha ai.

    Beha tha se për të, më shqetësuese sesa reagimet politike do të ishte nëse Dhoma Kushtetuese e Gjykatës Speciale do të përfshihej në çështjen që lidhet me ndryshimet ligjore në Kosovë.

    “Për mua këto reagime politike nuk janë shqetësuese, për mua shqetësuese është nëse Dhoma Kushtetuese e Gjykatës Speciale përfshihet në këtë rast”, u shpreh ai.

    Sipas tij, nëse kjo dhomë do të konstatonte se Kuvendi i Kosovës nuk ka të drejtë apo fuqi ligjore për të ndërhyrë dhe për të ndryshuar apo plotësuar ligjin, atëherë çështja do të merrte një dimension tjetër.

    “Dhoma Kushtetuese e Hagës bëhet përgjegjëse, pra i jepet kompetencë veç për rastet që janë në shqyrtim në Gjykatën Speciale, e në anën, në aspektet ligjore dhe ndryshimet e mundshme në amendamentin kushtetues bëhet përgjegjëse vetëm Gjykata Kushtetuese në Kosovë”, tha Beha.

    Gazetari gjithashtu shprehu dilema lidhur me disa pika të ligjit, veçanërisht sa i përket faljes presidenciale.

    “Unë i kam disa dilema për disa pika të ligjit. Dilemën që unë e kam, ndërlidhet me faljen presidenciale, që e shoh tejet problematike që të zbatohet në praktikë”, deklaroi Beha në Klan Kosova.

    Ai argumentoi se krimet e luftës bien në fushën e së drejtës ndërkombëtare dhe se në shumë vende presidentët nuk kanë kompetencë për faljen e personave të dënuar për këto vepra.

    “Sepse në asnjë vend, apo më mirë me thënë në shumë vende nuk zbatohet, për shkak që krimet e luftës bien në domenin e të drejtës ndërkombëtare edhe këto krime që bien në këtë të drejtë, në shumicën e vendeve presidenti i vendit nuk e ka të drejtën me i falë të dënuarit”, tha ai.

  • Zvicra publikon statistikat: Algjerianët të parët për krime, ja ku renditen kosovarët

    Zvicra publikon statistikat: Algjerianët të parët për krime, ja ku renditen kosovarët

    Shifrat e reja nga Zyra Federale e Statistikave zbulojnë dallime të konsiderueshme midis kriminelëve të dënuar bazuar në kombësi – dhe një përqindje jashtëzakonisht të lartë të individëve që nuk banojnë përgjithmonë në Zvicër. Kjo është veçanërisht e dukshme në rastet e vjedhjeve.

    Për dhjetë vjet, Zyra Federale e Statistikave (FSO) ka publikuar të dhëna mbi kombësinë e personave të dënuar. Që nga viti i kaluar, ka qenë gjithashtu e mundur të analizohen krimet specifike për të cilat janë dënuar individë të kombësive të caktuara.

    Të mërkurën, FSO publikoi të dhënat më të fundit për vitin 2025, raporton Aargauer Zeitung.

    Në të gjitha veprat penale sipas Kodit Penal Zviceran, shtetasit zviceranë ishin padyshim më të dënuarit, me 12,837 individë.

    Ndër shtetasit e huaj, Algjeria kryeson listën: 1,964 algjerianë të rritur u dënuan për një vepër penale sipas Kodit Penal Zviceran. Është e habitshme se kush qëndron pas këtij numri: vetëm 83 prej të dënuarve janë banorë të përhershëm të Zvicrës.

    Shumica dërrmuese e algjerianëve të dënuar klasifikohen nga Zyra Federale e Statistikave (FSO) si pjesë e “kategorive të tjera të popullsisë”, transmeton Telegrafi.

    Këto përfshijnë, për shembull, banorët afatshkurtër ose azilkërkuesit që kanë qenë në Zvicër për më pak se dymbëdhjetë muaj. Përfshihen gjithashtu turistët dhe personat pa status të ligjshëm qëndrimi. Në mënyrë të ngjashme, më shumë se gjysma e shtetasve të dënuar francezë, rumunë dhe marokenë nuk janë pjesë e popullsisë me banim të përhershëm.

    Ky nuk është një fenomen i dorës së dytë. Një analizë e shifrave të FSO-së (Zyra Federale e Statistikave) tregon se rreth 34 përqind e të gjithë individëve të dënuar nuk janë pjesë e popullsisë me banim të përhershëm – që do të thotë se ata nuk jetojnë përgjithmonë në Zvicër ose nuk kanë qenë këtu për të paktën dymbëdhjetë muaj.

    Për një krahasim më kuptimplotë midis kombësive, Zyra Federale e Statistikave (FSO) llogarit të ashtuquajturat shkallë krimi. Këto shkallë lidhin numrin e individëve të dënuar me popullsinë përkatëse me banim të përhershëm. Këto shkallë mund të përcaktohen vetëm për popullsinë me banim të përhershëm sepse numri i përgjithshëm i turistëve ose individëve pa dokumente në Zvicër është i panjohur.

    Shkallët më të larta të krimit gjenden midis individëve nga Republika Demokratike e Kongos (2.75 përqind), Angola (2.31 përqind), Somalia (2.22 përqind) dhe Algjeria (2.19 përqind).

    Zyra Federale e Statistikave zbulojnë dallime të konsiderueshme midis kriminelëve të dënuar bazuar në kombësi – dhe një përqindje jashtëzakonisht të lartë të individëve që nuk banojnë përgjithmonë në Zvicër. Kjo është veçanërisht e dukshme në rastet e vjedhjeve.Për dhjetë vjet, Zyra Federale e Statistikave (FSO) ka publikuar të dhëna mbi kombësinë e personave të dënuar. Që nga viti i kaluar, ka qenë gjithashtu e mundur të analizohen krimet specifike për të cilat janë dënuar individë të kombësive të caktuara. Të mërkurën, FSO publikoi të dhënat më të fundit për vitin 2025. Në të gjitha veprat penale sipas Kodit Penal Zviceran, shtetasit zviceranë ishin padyshim më të dënuarit, me 12,837 individë.

    Ndër shtetasit e huaj, Algjeria kryeson listën: 1,964 algjerianë të rritur u dënuan për një vepër penale sipas Kodit Penal Zviceran. Është e habitshme se kush qëndron pas këtij numri: vetëm 83 prej të dënuarve janë banorë të përhershëm të Zvicrës. Shumica dërrmuese e algjerianëve të dënuar klasifikohen nga Zyra Federale e Statistikave (FSO) si pjesë e “kategorive të tjera të popullsisë”.

    Këto përfshijnë, për shembull, banorët afatshkurtër ose azilkërkuesit që kanë qenë në Zvicër për më pak se dymbëdhjetë muaj. Përfshihen gjithashtu turistët dhe personat pa status të ligjshëm qëndrimi. Në mënyrë të ngjashme, më shumë se gjysma e shtetasve të dënuar francezë, rumunë dhe marokenë nuk janë pjesë e popullsisë me banim të përhershëm. Ky nuk është një fenomen i dorës së dytë. Një analizë e shifrave të FSO-së (Zyra Federale e Statistikave) tregon se rreth 34 përqind e të gjithë individëve të dënuar nuk janë pjesë e popullsisë me banim të përhershëm – që do të thotë se ata nuk jetojnë përgjithmonë në Zvicër ose nuk kanë qenë këtu për të paktën dymbëdhjetë muaj. Për një krahasim më kuptimplotë midis kombësive, Zyra Federale e Statistikave (FSO) llogarit të ashtuquajturat shkallë krimi. Këto shkallë lidhin numrin e individëve të dënuar me popullsinë përkatëse me banim të përhershëm. Këto shkallë mund të përcaktohen vetëm për popullsinë me banim të përhershëm sepse numri i përgjithshëm i turistëve ose individëve pa dokumente në Zvicër është i panjohur. Shkallët më të larta të krimit gjenden midis individëve nga Republika Demokratike e Kongos (2.75 përqind), Angola (2.31 përqind), Somalia (2.22 përqind) dhe Algjeria (2.19 përqind).

    Dallim i madh në vjedhje

    Dallime të dukshme dalin gjithashtu në pah kur shqyrtohen veprat penale individuale. Ndër shtetasit e huaj të dënuar për vjedhje, algjerianët përbënin numrin më të lartë: një total prej 1,497. Vetëm 35 prej tyre ishin banorë të përhershëm. Në mënyrë të ngjashme, midis atyre të dënuar nga Rumania, Maroku, Franca, Tunizia dhe Gjeorgjia, më shumë se gjysma nuk ishin banorë të përhershëm. Vepra penale e vjedhjes përfshin, ndër të tjera, vjedhjen e dyqaneve, vjedhjen e xhepave, vjedhjen e biçikletave, vjedhjen e makinave dhe vjedhjen me thyerje.

    Përqindja e lartë e njerëzve pa qëndrim të përhershëm në Zvicër përputhet me fenomenin e të ashtuquajturit “turizëm kriminal”. Kjo i referohet individëve ose grupeve të autorëve të krimit që hyjnë në Zvicër nga jashtë vendit posaçërisht për të kryer krime, shpesh vjedhje. Megjithatë, shifrat e Zyrës Federale të Statistikave (FSO) nuk zbulojnë se sa prej të dënuarve erdhën në të vërtetë në Zvicër si “turistë kriminalë”.

    Shumë shkelje të trafikut të kryera nga francezët dhe italianët

    Edhe në rastet e shkeljeve të rënda të rregullave të trafikut, përqindja e shtetasve të huaj të dënuar që nuk banojnë në Zvicër për një kohë të gjatë është e lartë. Kjo është e kuptueshme: shumë prej tyre ka të ngjarë të jenë thjesht kalimtarë. Deri më tani, dënimet më të shumta sipas Aktit të Trafikut Rrugor ishin midis italianëve (2,172) dhe shtetasve francezë (2,054). Nga italianët, 1,188 nuk ishin banorë të përhershëm, ndërsa shifra për francezët ishte 1,627.

    Zyra Federale e Statistikave (BFS) paralajmëron kundër keqinterpretimit të shifrave. Analiza sipas kombësisë është thjesht përshkruese; ajo nuk përcakton një lidhje shkakësore midis kombësisë dhe krimit. Hulumtimet tregojnë se faktorë të tillë si niveli i arsimit, mosha dhe gjinia kanë një ndikim më të madh në sjelljen kriminale. Megjithatë, këta faktorë mund të merren parasysh vetëm pjesërisht në të dhënat e publikuara./Telegrafi/