Author: Momenti

  • Në vendkalimet kufitare nuk ka pritje të gjata për hyrje dhe dalje nga Maqedonia

    Në vendkalimet kufitare nuk ka pritje të gjata për hyrje dhe dalje nga Maqedonia

    Lidhja Auto-Moto e Maqedonisë njofton se trafiku në vend po zhvillohet pa pengesa dhe në rrugë të thata.

    Trafiku jashtë mjediseve urbane po zhvillohet me intensitet të moderuar.

    “Në vendkalimet kufitare nuk ka pritje të gjata për hyrje dhe dalje nga vendi”, thonë nga LAMM.

    Nga atje u bëjnë thirrje shoferëve që të kenë kujdes me shpejtësinë e automjeteve, veçanërisht nëpër luginat e vendit ku mund të ketë rrëshqitje të dheut./Telegrafi/

  • Lufta në Detin e Zi është një nga prioritetet e politikës së sigurisë së Turqisë – thotë ministri i Mbrojtjes

    Lufta në Detin e Zi është një nga prioritetet e politikës së sigurisë së Turqisë – thotë ministri i Mbrojtjes

    Turqia e konsideron luftën në Detin e Zi si një nga prioritetet e politikës së saj të sigurisë.

    Vendi po e monitoron nga afër ndikimin e saj në sigurinë rajonale dhe do të vazhdojë të ndjekë një qasje të përgjegjshme dhe të balancuar, që synon ruajtjen e stabilitetit në rajon.

    Kjo, sipas mediave të huaja, përcjell Telegrafi, është thënë nga ministri turk i Mbrojtjes Kombëtare, Yaşar Güler, gjatë ceremonisë së hapjes së vitit akademik 2026–2027 në Universitetin e Mbrojtjes Kombëtare.

    “Lufta që po zhvillohet në Detin e Zi, rreziqet për sigurinë, ekuilibrat e rinj që po krijohen në Kaukaz, zhvillimet në Lindjen e Mesme, si dhe të drejtat dhe interesat tona në Qipro dhe në Mesdheun Lindor, janë çështje prioritare për politikën tonë të sigurisë”, citohet të ketë thënë ministri.

    Sipas tij, Turqia po ndjek një qasje të balancuar që synon ruajtjen e stabilitetit.

    “Në Detin e Zi, ne po e monitorojmë nga afër ndikimin e luftës në sigurinë rajonale dhe po vazhdojmë qasjen tonë të përgjegjshme dhe të balancuar, që synon ruajtjen e stabilitetit”, ka thënë më tej Yaşar Güler.

    Lidhur me rajonin e Kaukazit, Güler theksoi se Turqia mbështet vendosjen e paqes së qëndrueshme, forcimin e stabilitetit rajonal dhe zhvillimin e mundësive për bashkëpunim.

    Siç raportojnë më tej mediat, presidenti turk Recep Tayyip Erdoğan zhvilloi së fundmi një bisedë telefonike me Vladimir Putinin lidhur me sigurinë e lundrimit në Detin e Zi. /Telegrafi/

  • Bayern Munich përgatit ofertën prej 90 milionë eurosh për yllin e Barcelonës

    Bayern Munich përgatit ofertën prej 90 milionë eurosh për yllin e Barcelonës

    Bayern Munich po përgatit një ofertë të mundshme prej 90 milionë eurosh për mesfushorin e Barcelonës, Dani Olmo, sipas raportimeve nga Gjermania, të përcjella nga Mundo Deportivo.

    Kampionët e Gjermanisë e kanë identifikuar Olmon si një përforcim të mundshëm për repartin ofensiv dhe po shqyrtojnë mundësinë për të bërë një lëvizje që në afatin kalimtar të janarit.

    Bayern po kërkon më shumë kreativitet dhe fleksibilitet në fazën e fundit të aksioneve, ndërsa aftësia e Olmos për të luajtur si mesfushor ofensiv, në të dy krahët apo edhe si “false nine”, e bën atë një opsion mjaft tërheqës për gjigantin bavarez.

    Një tjetër faktor që e shtyn Bayernin drejt spanjollit është përvoja e tij e mëparshme në Gjermani, ku ai luajti për Leipzigun.

    Megjithatë, Bayerni ende nuk ka dorëzuar një ofertë zyrtare në drejtim të Barcelonës. Klubi gjerman raportohet se po punon në detajet e një propozimi që mund të arrijë rreth 90 milionë euro, përpara se të vendosë nëse do të bëjë ofertë zyrtare.

    Për momentin, nuk ka asnjë sinjal se Olmo dëshiron të largohet nga Barcelona. Reprezentuesi spanjoll ka kontratë me klubin katalunas deri në vitin 2030 dhe vazhdon të jetë pjesë e planeve të trajnerit Hansi Flick, pavarësisht konkurrencës me Fermin Lopez për minuta.

    Olmo ka luajtur në të tetë ndeshjet e Barcelonës këtë sezon, por deri tani ka grumbulluar vetëm 342 minuta, duke regjistruar tri asistime./Telegrafi/

  • 28 vjet nga vrasja e Abedin Rexhës, “Sandokanit”

    28 vjet nga vrasja e Abedin Rexhës, “Sandokanit”

    28 vjet nga vrasja e Abedin Rexhës, “Sandokanit”

    Abedin Rexha ishte luftëtar i radhëve të para të Ushtrisë Çlirimtare të Kosovës, guximtar e sypatrembur deri në vdekje, për çka dhe bashkëluftëtarët e tij e quajtën “Sandokan”.

    Ai u lindi më 8 korrik 1969 në Vajnik, komuna e Skenderajt.

    Në fillim të gushtit 1998, Shtabi i Përgjithshëm i UÇK-së, Abedin Rexhën e kishte caktuar Komandant të Brigadës 112 “Arben Haliti” në Zonën Operative të Drenicës.

    Gjatë muajve gusht-shtator 1998, komandant “Sandokani” luftoi pa iu trembur syri në shumë fushëbeteja. Dhe pikërisht në kulmin e ofensivave me përmasa të gjera shfarosëse nga forcat serbe, në të gjitha zonat Operative të UÇK-së, e veçanërisht në ZO të Drenicës më 8 tetor 1998, komandanti Abedin Rexha – “Sandokani”, vritet në pyjet e fshatit Kllodernicë të Skëndarajt.

    Abedin Rexha pas vetes ka lënë bashkëshorten me dy fëmijë: Sokolin dhe Selveten. Heroizmi i tij është përjetësuar në shumë shkrime në shtypin tonë, në këngë e poezi, ndërsa shkolla e Turiçecit mban me krenari emrin e tij.

    Sinjali – aty ku e vërteta flet para lajmit!

    /GazetaSinjali/

    The post 28 vjet nga vrasja e Abedin Rexhës, “Sandokanit” appeared first on Sinjali.

    Burimi: Sinjali

  • Aksident i rëndë në Peshkopi, dy makina përplasen me njëra-tjetrën, transportohen në spital shtatë persona

    Aksident i rëndë në Peshkopi, dy makina përplasen me njëra-tjetrën, transportohen në spital shtatë persona

    Aksident i rëndë në Peshkopi, dy makina përplasen me njëra-tjetrën, transportohen në spital shtatë persona

    Një aksident i rëndë rrugor është regjistruar mbrëmjen e sotme në aksin Peshkopi-Maqellarë, në vendin e quajtur “Shkolla e Dovolanit”.

    Ngjarja ka ndodhur rreth orës 21:30, ku një automjet tip “Mercedes” dhe një “Golf 5” janë përplasur kokë më kokë. Si pasojë e përplasjes, kanë mbetur të plagosur shtatë persona.

    Të plagosurit janë transportuar fillimisht në Spitalin Rajonal të Peshkopisë, ku kanë marrë ndihmën e parë mjekësore. Më pas, për shkak të nevojës për trajtim më të specializuar, të shtatë personat janë transportuar drejt Spitalit të Traumës në Tiranë.

    Sipas të dhënave paraprake, në automjetin “Golf” udhëtonte një familje, ku ndodheshin çifti i bashkëshortëve, nëna e drejtuesit të mjetit dhe dy vajzat e tyre të mitura.

    Gjendja më e rëndë raportohet të jetë e bashkëshortes së drejtuesit të “Golf”-it, shkruan Tch.

    Policia ka nisur hetimet për të zbardhur rrethanat dhe shkaqet e aksidentit.

    Sinjali – aty ku e vërteta flet para lajmit!

    /GazetaSinjali/

    The post Aksident i rëndë në Peshkopi, dy makina përplasen me njëra-tjetrën, transportohen në spital shtatë persona appeared first on Sinjali.

    Burimi: Sinjali

  • Sulme me raketa e dronë ndaj aeroporteve saudite, 3 të vrarë dhe 36 të plagosur

    Sulme me raketa e dronë ndaj aeroporteve saudite, 3 të vrarë dhe 36 të plagosur

    Sulme me raketa e dronë ndaj aeroporteve saudite, 3 të vrarë dhe 36 të plagosur

    Tre persona kanë humbur jetën dhe 36 të tjerë janë plagosur në sulmet ndaj dy aeroporteve në Arabinë Saudite, ndërsa luftimet mes rebelëve Houthi dhe forcave qeveritare të mbështetura nga Riadit janë përshkallëzuar në Jemen.

    Një person u vra dhe tetë të tjerë u plagosën në sulmin ndaj Aeroportit Ndërkombëtar “King Khalid” në Riad, ndërsa në Aeroportin e Abhës humbën jetën dy persona dhe u plagosën 28 të tjerë. Sulmet ndodhën të martën dhe të mërkurën, ndërsa autoritetet saudite nuk specifikuan se cili incident ndodhi në cilën ditë.

    Houthit, të lidhur me Iranin, kanë marrë përgjegjësinë për sulmet, të cilat dyshohet se u kryen me raketa dhe dronë. Në përgjigje, koalicioni i udhëhequr nga Arabia Saudite është zotuar për hakmarrje, duke thënë se sulmet “nuk do të mbeten pa u ndëshkuar”.

    Më vonë, koalicioni njoftoi se kishte goditur më shumë se 80 objektiva ushtarake të Houthive në provincat Saada, Hodeidah, Jawf dhe Marib.

    Ndërkohë, Houthit sulmuan edhe Aeroportin Ndërkombëtar të Adenit me raketa dhe dronë të mbushur me eksploziv. Një raketë ra pranë pistës pak para uljes së një fluturimi nga Kajroja, i cili u devijua drejt Xhedës.

    Përshkallëzimi i luftimeve vjen në një kohë kur forcat Houthi dhe ato qeveritare të mbështetura nga Arabia Saudite po përballen për kontrollin e zonave strategjike në Jemen.

    Sinjali – aty ku e vërteta flet para lajmit!

    /GazetaSinjali/

    The post Sulme me raketa e dronë ndaj aeroporteve saudite, 3 të vrarë dhe 36 të plagosur appeared first on Sinjali.

    Burimi: Sinjali

  • Tre persona dyshohet se dhunuan një shtetase të huaj dhe i grabitën dokumentet personale në Prishtinë

    Tre persona dyshohet se dhunuan një shtetase të huaj dhe i grabitën dokumentet personale në Prishtinë

    Një shtetase e huaj dyshohet se është dhunuar dhe grabitur në Prishtinë nga tre persona të panjohur.

    Sipas raportit 24-orësh të Policisë së Kosovës, rasti ka ndodhur më 6 tetor, rreth orës 23:05.

    Të dyshuarit, nën kanosje, dyshohet se viktimës i kanë grabitur sende të ndryshme, si dhe dokumente personale.

    Policia ka njoftuar se për rastin janë informuar dhe konsultuar prokurori dhe Instituti i Mjekësisë Ligjore (IML). Njësitet policore kanë dalë në vendin e ngjarjes dhe po hetojnë rastin.

    Burimi: Dukagjini

  • Një grua dyshohet se ra nga kati i tretë i banesës në Prishtinë, Policia nis hetimet për vdekjen e saj

    Një grua dyshohet se ra nga kati i tretë i banesës në Prishtinë, Policia nis hetimet për vdekjen e saj

    Një grua ka vdekur në Prishtinë, pasi dyshohet se ka rënë nga kati i tretë i një banese.

    Sipas raportit 24-orësh të Policisë së Kosovës, rasti ka ndodhur më 7 tetor, rreth orës 12:13. Njësitet policore kanë dalë në vendin e ngjarjes, ku kanë gjetur viktimën.

    Vdekjen e saj e ka konstatuar ekipi mjekësor në vendngjarje. Me konsultim të prokurorit, trupi i pajetë pritet të dërgohet në Institutin e Mjekësisë Ligjore (IML) për obduksion.

    Rasti është duke u hetuar.

    Burimi: Dukagjini

  • Lirohen dy gardianët e Kosovës në Danimarkë pas incidentit me një të burgosur

    Lirohen dy gardianët e Kosovës në Danimarkë pas incidentit me një të burgosur

    Lirohen dy gardianët e Kosovës në Danimarkë pas incidentit me një të burgosur

    Dy zyrtarët korrektues nga Kosova, të akuzuar për sulm ndaj një të burgosuri në burgun Vestre në Kopenhagë, janë liruar pas seancës paraprake të mbajtur të mërkurën.

    Sipas medias daneze “Avisen”, gjykatësi ka vlerësuar se nuk ekziston rreziku që ata të arratisen, pasi janë të punësuar nga Shërbimi Danez i Burgjeve dhe jetojnë në Danimarkë.

    Megjithatë, të dy vazhdojnë të jenë të akuzuar dhe e mohojnë fajësinë, raportojnë mediat daneze DR dhe TV 2.

    Sipas aktakuzës, incidenti ka ndodhur më 5 tetor. Dy zyrtarët dyshohet se, në bashkëpunim dhe me marrëveshje paraprake ose mirëkuptim të ndërsjellë, e kanë goditur disa herë të burgosurin me grushte në fytyrë dhe trup.

    Sipas policisë, të cituar nga TV 2, njëri prej zyrtarëve dyshohet se e ka shtyrë të burgosurin në shtrat dhe e ka goditur në fytyrë. Më pas, zyrtari tjetër dyshohet se e ka goditur disa herë me grushte në fytyrë dhe trup.

    Dy zyrtarët ishin arrestuar më 6 tetor dhe të mërkurën dolën para gjykatës për seancën paraprake.

    “Përvojat me zyrtarët korrektues nga Kosova, e mirë”

    Pas rastit, Shërbimi Danez i Burgjeve ka thënë se do ta rishikojë trajnimin e zyrtarëve korrektues nga Kosova.

    Drejtoresha e këtij Shërbimi, Ina Eliasen, tha se rasti ka ngritur pyetje nëse trajnimi dhe praktika e zyrtarëve nga Kosova janë të mjaftueshme.

    “Është e qartë se kur ndodh diçka e tillë, ne do të shikojmë nëse trajnimi ynë për ta është mjaftueshëm i mirë. A është praktika jonë me ta mjaftueshëm e mirë?”, tha Eliasen, sipas medias “Ni.dk”.

    Megjithatë, ajo theksoi se deri tani përvojat me zyrtarët korrektues nga Kosova kanë qenë të mira dhe e cilësoi rastin e fundit si një incident të izoluar, pasi, sipas saj, është shumë ndryshe nga ajo që është parë deri më tani.

    Incidenti ka ndodhur të hënën në një sektor të burgut Vestre. Sipas aktakuzës së policisë, dy zyrtarët, në bashkëpunim dhe me mirëkuptim të ndërsjellë, dyshohet se e kanë goditur disa herë një të burgosur me grushte.

    Sipas aktakuzës, të dy ishin në detyrë dhe kishin përfunduar tashmë periudhën gjashtëmujore të trajnimit dhe praktikës.

    Megjithatë, edhe pas përfundimit të praktikës, zyrtarët nga Kosova duhet të shoqërohen nga zyrtarë danezë nëse qëndrojnë dhe punojnë për një periudhë të caktuar në Danimarkë, tha Eliasen.

    “Ata janë gjithmonë me zyrtarë danezë. Kur janë në trajnim, janë në trajnim me kolegë. Ata nuk punojnë vetëm”, tha ajo.

    E pyetur nëse mund të ketë besim se zyrtarët që do të punojnë në Kosovë do t’i trajtojnë siç duhet të burgosurit që Danimarka do t’i dërgojë atje, Eliasen tha se po.

    Për këtë arsye, sipas saj, Danimarka planifikon të krijojë një sistem të posaçëm mbikëqyrjeje në burgun në Kosovë.

    “Është larg, por synojmë që atje të funksionojë njësoj si në Danimarkë. Prandaj, duhet të kemi një lloj mbikëqyrjeje në korridoret atje. Për këtë po punojmë”, tha ajo.

    Eliasen tha se ideja për një sistem të tillë mbikëqyrjeje ka ekzistuar edhe më herët, por rasti i fundit është përfshirë tashmë në këtë proces.

    Danimarka planifikon 300 vende për të burgosur në Kosovë

    Marrëveshja për transferimin e të burgosurve në Kosovë është arritur në vitin 2021. Sipas planit, shtetasit e huaj të dënuar në Danimarkë dhe që duhet të dëbohen pas vuajtjes së dënimit, do të mund t’i vuajnë dënimet në Kosovë.

    Megjithatë, zbatimi i marrëveshjes është shtyrë disa herë. Ministri danez i Drejtësisë, Nicolai Wammen, njoftoi në shtator për një tjetër shtyrje.

    Sipas planit aktual, dhomat e burgjeve në Kosovë pritet të fillojnë të përdoren në fund të vitit 2027 ose, më së voni, në fillim të vitit 2028.

    Organizata e Burgjeve të Danimarkës ka bërë të ditur se deri tani 15 zyrtarë korrektues nga Kosova e kanë përfunduar trajnimin në Danimarkë, ndërsa 19 të tjerë janë aktualisht në trajnim.

    Ndërkohë, ministri Wammen ka konfirmuar se palët që mbështesin reformën e dënimeve do të informohen për rastin.

    “E marr shumë seriozisht incidentin në burgun Vestre. Rasti i është dorëzuar policisë dhe tani do ta ndjekë rrjedhën e tij në sistemin e drejtësisë”, tha Wammen në një deklaratë me shkrim. /Klankosova.tv

  • Prishtinë: Dyshohet se ra nga kati i tretë i banesës, humb jetën një grua

    Prishtinë: Dyshohet se ra nga kati i tretë i banesës, humb jetën një grua

    Prishtinë: Dyshohet se ra nga kati i tretë i banesës, humb jetën një grua

    Një grua ka humbur jetën pasi dyshohet se ka rënë nga kati i tretë i një banese në Prishtinë.

    Sipas raportit 24-orësh të Policisë, pasditen e djeshme, njësitet policore, pas pranimit të informatës lidhur me rastin, kanë dalë në vendin e ngjarjes.

    “Vdekjen e viktimës e ka konstatuar ekipi mjekësor në vendin e ngjarjes, ndërsa në konsultim me prokurorin, trupi i pajetë i viktimës pritet të dërgohet në IML për obduksion. Rasti duke u hetuar”, thuhet në raportin e Policisë./Klankosova.tv