Një 52-vjeçar ka mbetur i lënduar në lagjen “5 Shkurti” në Ballsh, pasi është rrëzuar nga lartësia teksa po riparonte çatinë e shtëpisë së tij.
I lënduari dyshohet se ka humbur ekuilibrin gjatë punimeve dhe ka rënë në tokë, duke pësuar lëndime, kryesisht në pjesën e pasme të kokës.
Ai mori ndihmën e parë në Spitalin e Ballshit dhe më pas u dërgua drejt Spitalit Rajonal të Fierit për ekzaminime të mëtejshme.
Grupi hetimor po punon për të zbardhur rrethanat e aksidentit./TCh