Category: Lajme

  • MF: Mbi 240 milionë euro mbështetje për kompanitë vendore nga Qeveria me kushte të favorshme

    MF: Mbi 240 milionë euro mbështetje për kompanitë vendore nga Qeveria me kushte të favorshme

    Edhe 45.2 milionë denarë janë transferuar nga buxheti Qendror në Bankën Zhvillimore për t’i mbështetur investimet që kanë realizuar kompanitë vendore, njofton Ministria e Financave.

    “Mbështetja e përgjithshme që Qeveria deri më tani ka realizuar në sektorin privat përmes kësaj mase është 14.9 miliardë denarë ose 242 milionë euro dhe ka ndikim të rëndësishëm në realizimin e investimeve private dhe mbështetjen për aktivitetet ekonomike”.

    “Në buxhet për zbatimin e kësaj mase janë parashikuar mjete në vlerë të përgjithshme prej 250 milionë eurosh. Transheja e parë nga buxheti për Bankën Zhvillimore dhe kompanitë vendore u realizua nga Ministria e Financave në muajin mars të vitit të kaluar”, thonë nga MF.

    Qeveria i siguroi mjetet nga Banka Hungareze Eksport-Import me qëllim të stimulimit të ciklit të investimeve në sektorin privat dhe stimulimit të rritjes ekonomike.

    “Mjetet do të plasohen përmes Bankës Zhvillimore dhe bankave afariste deri te shfrytëzuesit e fundit – kompanitë vendore, me kushte të favorshme ku norma e interesit është 1.95%, periudha e shlyerjes deri në 15 vjet, kurse periudha grejs është deri në 3 vjet”, thonë nga MF.

  • Trump, Xi dhe Putin publikojnë deklaratë të përbashkët me katër pika pas samitit historik

    Trump, Xi dhe Putin publikojnë deklaratë të përbashkët me katër pika pas samitit historik

    Presidenti amerikan, Donald Trump, lideri kinez, Xi Jinping, dhe presidenti rus, Vladimir Putin, kanë publikuar një deklaratë të përbashkët me katër pika pas samitit të tyre trepalësh.

    Në deklaratë, tri fuqitë zotohen të mbështesin reformimin e Kombeve të Bashkuara, në mënyrë që organizata të jetë më efektive në përballjen me sfidat globale dhe në përmbushjen e misionit të saj themelor për ruajtjen e paqes dhe sigurisë ndërkombëtare.

    Liderët janë pajtuar gjithashtu për rritjen e prodhimit dhe furnizimit me produkte të rafinuara të naftës, “në të mirë të të gjitha kombeve”, duke riafirmuar rëndësinë e qëndrueshmërisë së furnizimeve me energji. Ky zotim vjen pavarësisht sanksioneve ndërkombëtare ndaj shitjes së naftës ruse.

    Një tjetër pikë e deklaratës thekson rëndësinë e respektimit të sovranitetit shtetëror dhe imunitetit të zyrtarëve shtetërorë. Në këtë kuadër, tre liderët u shprehën se Gjykata Penale Ndërkombëtare (GJPN) dhe institucionet e ngjashme nuk duhet të keqpërdorin juridiksionin e tyre.

    GJPN-ja ka lëshuar një urdhërarrest për Putinin, nën dyshimet për përgjegjësi në krime lufte gjatë agresionit rus në Ukrainë, transmeton Telegrafi.

    Në pikën e fundit, liderët riafirmuan se një luftë bërthamore nuk mund të fitohet dhe nuk duhet të zhvillohet. Ata u zotuan të angazhohen në dialog për uljen e rreziqeve bërthamore dhe parandalimin e përhapjes së armëve bërthamore.

    Kjo çështje ishte theksuar edhe nga Trumpi në fjalën hyrëse dhe në deklaratat e tij para samitit, kur kishte bërë thirrje për çarmatim bërthamor.

    Deklarata e përbashkët me katër pika:

    1. Reformimi i OKB-së: Si anëtarë të përhershëm të Këshillit të Sigurimit të Kombeve të Bashkuara, Kina, Rusia dhe SHBA-ja zotohen të promovojnë reformimin e organizatës, në mënyrë që ajo t’u përgjigjet më efektivisht sfidave globale dhe të përmbushë misionin e saj për ruajtjen e paqes dhe sigurisë ndërkombëtare.

    2. Furnizimet me energji: Tri vendet synojnë të rrisin prodhimin dhe furnizimin me produkte të rafinuara të naftës, në të mirë të të gjitha kombeve, duke riafirmuar rëndësinë e rrjedhave të qëndrueshme të energjisë.

    3. Imuniteti i zyrtarëve shtetërorë: Tre krerët e shteteve theksuan rëndësinë e parimit të pëlqimit shtetëror dhe respektimit të imunitetit të zyrtarëve shtetërorë. Ata u pajtuan se GJPN-ja dhe institucionet e ngjashme nuk duhet të keqpërdorin juridiksionin e tyre.

    4. Armët bërthamore: Tre liderët riafirmuan se një luftë bërthamore nuk mund të fitohet dhe nuk duhet të zhvillohet. Vendet e tyre do të angazhohen në dialog për uljen e rreziqeve bërthamore dhe parandalimin e përhapjes së armëve bërthamore. /Telegrafi/

  • Black Friday në Neptun: Superheroi godet çmimet, zbritje deri në 66%!

    Black Friday në Neptun: Superheroi godet çmimet, zbritje deri në 66%!

    Ka ardhur momenti për t’i bërë realitet blerjet që i keni planifikuar prej kohësh! Black Friday rikthehet në Neptun me zbritje deri në 66% në një linjë të gjerë produktesh të teknologjisë dhe pajisjeve elektroshtëpiake.

    Nga televizorët, telefonat dhe laptopët, deri te frigoriferët, rrobalarëset dhe pajisjet e tjera për shtëpi, kjo është mundësia për të gjetur produktet që ju duhen me çmime më të favorshme.

    Çfarë keni në listën tuaj të dëshirave këtë Black Friday?

    Ndoshta është koha për një televizor të ri, një rrobalarëse moderne apo telefonin që keni pasur në mendje prej kohësh. Ndër produktet që veçohen këtë Black Friday janë, LG TV LED 65NU850B3LA tani mund të blihet për vetëm 379€, nga 749€; Beko Rrobalarëse B3WFU49215WPBB për 229€, nga 499€; ndërsa Samsung Galaxy S26 Ultra 5G për 899€, nga 1,559€.

    Këto janë vetëm disa nga ofertat që ju presin në Neptun, me shumë mundësi të tjera në kategori dhe brende të ndryshme.

    Teknologjia dhe brendet e njohura, në një destinacion

    Në Neptun mund të gjeni produkte nga brende të njohura ndërkombëtare si Samsung, LG, Bosch, Beko, Apple, Philips, TCL, Fuego, Grundig, Liebherr, Hoobart, Roborock, Tefal dhe shumë të tjera.

    Zbuloni ofertat e Black Friday në Neptun!

    Neptun Kosova është pjesë e Neptun International dhe BALFIN Group dhe operon në tregun e shitjes me pakicë të pajisjeve elektronike dhe elektroshtëpiakeve. Përmes rrjetit të dyqaneve në Kosovë dhe platformës online, ofron një portofol të gjerë produktesh, nga teknologjia dhe argëtimi deri te pajisjet e mëdha dhe të vogla për shtëpi.

    Këtë Black Friday, përfitoni nga zbritjet deri në 66% në dyqanet e Neptunit në të gjithë Kosovën dhe online në www.neptun-ks.com.

    Neptun. Jeto më mirë, çdo ditë!


  • Çitaku: Ka marrëveshje për Ligjin për Specialen

    Çitaku: Ka marrëveshje për Ligjin për Specialen

    Ushtruesja e detyrës së kryetares së Partisë Demokratike të Kosovës, Vlora Çitaku në një deklaratë të shkurtër para se të hyjë në seancën plenare tha se ka marrëveshje me Lëvizjen Vetëvendosje për Ligjin për Specialen.

    Para orës 10:00, Çitaku dhe Bedri Hamza kanë mbajtur një takim me kryetarin e Lëvizjes Vetëvendosje, Albin Kurti.

    “Ka marrëveshje”, tha shkurt Çitaku para se të hynte në sallën e Kuvendit të Kosovës. /Telegrafi/

  • Çitaku flet para seancës për Ligjin për Specialen: Ka marrëveshje

    Çitaku flet para seancës për Ligjin për Specialen: Ka marrëveshje

    Çitaku flet para seancës për Ligjin për Specialen: Ka marrëveshje

    Ushtruesja e Detyrës së Kryetares së PDK-së, Vlora Çitaku, ka konfirmuar se është arritur marrëveshje me Lëvizjen Vetëvendosje për Ligjin për Dhomat e Specializuara.

    Para nisjes së seancës së Kuvendit, ku pritet të votohet për këtë ligj, Çitaku është pyetur nga gazetarët nëse ka marrëveshje mes dy subjekteve politike.

    “Ka marrëveshje”- ka thënë shkurtimisht ajo.

    Sinjali – aty ku e vërteta flet para lajmit!

    /GazetaSinjali/

    Burimi: Sinjali

  • Citaku speaks before the Special Law hearing: There’s a deal.

    PDK Chairman Vlora Citaku’s task officer, has confirmed that agreement has been reached with Vetevendosje Movement for the Specialised Chambers Law.

    Before the start of the Parliament session, where it is expected to be voted for this law, Citaku has been asked by journalists if there is agreement between the two political subjects.

    There’s a deal- she said briefly.

    The signal where the truth speaks before the news!

    /Gazeta Sinjali/

    Source Layer: Signal

  • Infantino me dy rivalë në garën për president të FIFA-s

    Infantino me dy rivalë në garën për president të FIFA-s

    Federata Ndërkombëtare e Futbollit ka konfirmuar të enjten se presidenti i Federatës Franceze të Futbollit, Philippe Diallo, dhe homologu i tij japonez, Kozo Tashima, do të jenë rivalët e Infantinos në zgjedhjet që do të mbahen në mars të vitit 2027.

    Diallo e kishte bërë publike kandidaturën e tij të hënën, duke siguruar mbështetjen e federatave anëtare të UEFA-s, të përfaqësuara në Komitetin Ekzekutiv dhe Këshillin e FIFA-s.

    Ndërkohë, Tashima kishte shprehur synimin për të kandiduar në fillim të këtij muaji, ndërsa të mërkurën dorëzoi zyrtarisht dokumentacionin e kandidaturës.

    “FIFA ka përcjellë kandidaturat te Komisioni Zgjedhor për shqyrtim dhe marrjen e vendimit lidhur me pranimin e kandidatëve”, thuhet në njoftimin e këtij institucioni.

    Sipas FIFA-s, federatat anëtare do të njoftohen për emrat e kandidatëve të propozuar dhe të pranuar jo më vonë se më 18 shkurt 2027.

    Kjo do të jetë hera e parë që nga viti 2023 që Infantino do të ketë kundërshtarë në garën për rizgjedhje, pasi në zgjedhjet e atëhershme ishte konfirmuar pa rivalë.

    Infantino, 56-vjeçar, është në krye të FIFA-s që nga viti 2016 dhe synon vazhdimin e drejtimit të organizatës. Megjithatë, mandati i tij është shoqëruar edhe me kritika, veçanërisht pas polemikave rreth propozimit FIFA Forward Enterprise (FFE), që parashihte shitjen e pjesëmarrjeve në të drejtat e Kupës së Botës dhe garave të tjera madhore.

    Nga ana tjetër, Diallo ishte ndër figurat që udhëhoqën distancimin e federatave evropiane nga Infantino vitin e kaluar, në kohën e kundërshtive ndaj kësaj nisme.

    UEFA, duke njoftuar mbështetjen për kandidaturën e francezit, kishte bërë thirrje për rikthimin e unitetit dhe besimit brenda komunitetit ndërkombëtar të futbollit.

    Burimi: RTKLive

  • Infantino with two rivals in FIFA presidential race

    The International Football Federation has confirmed on Thursday that French Football Federation President Philippe Diallo, and his Japanese counterpart, Kozo Tashima, will be Infantino’s rivals in elections to be held in March 2027.

    Dialo had made his candidacy public on Monday, ensuring support for UEFA member federations represented in the Executive Committee and the FIFA Council.

    Meanwhile, Tashima had voiced her intention to run earlier this month, while on Wednesday she officially handed over the candidacy documentation.

    ) FIFA has forwarded the candidacies to the Electoral Commission for review and making the decision regarding the candidates’ admission, the institution is said to have announced.

    According to FIFA, member federations will be announced for the names of the proposed candidates and admitted no later than on February 18th, 2027.

    This will be the first time since 2023 that Infantino will have opponents in the race for re-election, since it was then confirmed without rivals in the elections.

    Infantino, 56-year-old, has been at FIFA’s helm since 2016 and aims to continue leading the organisation. However, his mandate has been accompanied by criticism, especially in the wake of controversy over the FIFA Forum Enterprise proposal ( FFE), which envisioned the sale of participation in World Cup rights and other major competitions.

    On the other hand, Dialo was among the figures that led the European federations away from Infantino last year, at the time of controversy over this initiative.

    U n EFA, announcing support for the French candidacy, had called for restoring unity and confidence within the international football community.

    Source Layer: RTKLive

  • Shtyhet seanca për rishqyrtimin e Ligjit për Specialen

    Shtyhet seanca për rishqyrtimin e Ligjit për Specialen

    Seanca e Kuvendit të Kosovës, në të cilën ishte paraparë rishqyrtimi i Ligjit për Dhomat e Specializuara dhe Zyrën e Prokurorit të Specializuar, është shtyrë.

    Burimi: Dukagjini

  • "Është çmenduri”, Maran habit me atë që thotë për Hysajn, flet edhe për portierin italian Caprile

    “Është çmenduri”, Maran habit me atë që thotë për Hysajn, flet edhe për portierin italian Caprile

    Përzgjedhësi i Shqipërisë, Rolando Maran ka rrëfyer përvojën e tij të parë në drejtimin e një Kombëtareje, duke folur për mbështetjen e tifozëve, objektivat sportiv dhe disa prej futbollistëve që mund të jenë pjesë e planeve të tij.

    Ai ka vlerësuar rëndësinë e veçantë që ka Kombëtarja për tifozët shqiptarë, duke theksuar se mbështetja për të është e ngjashme me atë që zakonisht u kushtohet klubeve.

    “Këtu, Kombëtarja është ekipi i parë i të gjithëve, sikur të ishte një klub. Kur luajmë në shtëpi, në Tiranë, në stadiumin ku Roma fitoi Ligën e Konferencës, nuk ka asnjëherë ulëse të zbrazëta dhe mbështetja është e jashtëzakonshme. Edhe në ndeshjet jashtë vendit na ndjekin shumë tifozë. E ndiejmë përgjegjësinë për t’i sjellë pak gëzim një populli të tërë”, ka deklaruar ai.

    I pyetur nëse do të dëshironte që Shqipëria të përballej me Italinë në grupin kualifikues për Kampionatin Evropian, Maran ka pranuar se një përballje e tillë do të ishte emocionalisht e veçantë.

    “Nuk e di vërtet si të përgjigjem. Sigurisht që do të ishte diçka shumë emocionuese dhe e çuditshme. Pavarësisht kundërshtarëve, shpresojmë të kualifikohemi. Ekipi është konkurrues, ka cilësi teknike dhe karakter, ndërsa kemi edhe mundësi për të bërë një rinovim gradual të grupit. Federata ka bërë punë të shkëlqyeshme me Kombëtaret e të rinjve prej disa kohësh”, ka thënë ai.

    Maran është pyetur edhe për mundësinë që në të ardhmen të ftojë portierin e Cagliarit, Elia Caprile, i cili ka marrë pasaportë shqiptare për arsye familjare.

    “Caprile ka marrë pasaportë shqiptare për arsye familjare, por ende nuk e ka përfunduar procesin, prandaj nuk kemi diskutuar për këtë çështje. Megjithatë, nëse do të ishte i disponueshëm, sigurisht që do të ishte i dobishëm për ne”, ka theksuar ai.

    Trajneri ka folur edhe për futbollistët shqiptarë që kanë qenë pjesë e Serie A në vitet e fundit, duke përmendur Berishën, Strakoshën, Gjimshitin, Asllanin dhe Ramadanin. Sipas tij, kampionati italian vazhdon të jetë një prej modeleve që ndiqet nga afër.

    Në intervistë, ai ka ndalur edhe te sulmuesi Rey Manaj, për të cilin ka pasur fjalë të mira.

    “Manaj është zhvilluar te Interi. Tani është në kulmin e karrierës dhe ka një qasje shumë profesionale. Po shënon shumë gola”, ka deklaruar ai.

    Maran ka komentuar edhe vendimin për ta lënë në pankinë Cristian Shpendin, i cili është golashënuesi më i mirë i Serie B me fanellën e Cesenas.

    “Ndonjëherë duhet të lësh jashtë një futbollist që e meriton të luajë. Shpendi është i mirë dhe e dëshmon këtë vazhdimisht në stërvitje. Ai do t’i ketë mundësitë e tij”, ka thënë ai.

    Një tjetër temë ishte situata e Elseid Hysajt, i cili aktualisht është pa klub, por vazhdon të stërvitet me Empolin.

    “Është çmenduri. Ai stërvitet me Empolin dhe ne e përcjellim nga afër. Kur vjen te Kombëtarja, duket si një futbollist që luan rregullisht me klubin e tij. Është në moshën e duhur për të vazhduar të luajë në nivel të lartë. Nuk e kuptoj pse askush nuk po beson tek ai”, ka thënë trajneri.

    Në fund, ai ka vlerësuar edhe cilësitë e Ernest Muçit, i cili luan te Trabzonspori.

    “Ernest Muçi ka aftësi fantastike dhe fatin e mirë që luan te Trabzonspori, ku stërvitet me Salah, nga i cili përpiqet të mësojë disa sekrete. Teknikisht, ka cilësi të mëdha”, ka përfunduar ai./Telegrafi/