Courtois rinovon kontratën me Real Madridin, portieri belg mbetet në “Bernabeu” deri më 2028

Courtois rinovon kontratën me Real Madridin, portieri belg mbetet në “Bernabeu” deri më 2028

Written by

in

Courtois rinovon kontratën me Real Madridin, portieri belg mbetet në “Bernabeu” deri më 2028

Thibaut Courtois ka arritur marrëveshjen për rinovimin e kontratës me Real Madridin, duke e zgjatur qëndrimin te gjiganti spanjoll deri në qershor të vitit 2028.

Portieri belg ka gjetur gjuhën e përbashkët me drejtuesit e klubit madrilen, ndërsa zyrtarizimi i marrëveshjes pritet të bëhet së shpejti.

Pas Arda Gülerit dhe Aurelien Tchouamenit, Courtois bëhet futbollisti i radhës që siguron vazhdimësinë e kontratës me “Los Blancos”.

Me këtë marrëveshje, Real Madridi vazhdon strategjinë për të ruajtur futbollistët kryesorë dhe për të garantuar stabilitetin e skuadrës edhe në sezonet e ardhshme.

Gardiani belg mbetet një prej lojtarëve më të rëndësishëm të madrilenëve, falë paraqitjeve të tij në portë që prej transferimit në “Santiago Bernabeu”.

Sinjali – aty ku e vërteta flet para lajmit!

/GazetaSinjali/

Burimi: Sinjali