Ministri i Mbrojtjes i Italisë, Guido Crosetto, ka shprehur mirënjohje për ushtarët italianë që shërbejnë në misione, duke kujtuar sakrificën e atyre që kanë humbur jetën dhe vuajtjet e të plagosurve.
Në një reagim të publikuar në Facebook, Crosetto tha se sakrifica e ushtarakëve dhe familjeve të tyre shpesh kujtohet nga vendi vetëm në momentet e tragjedive.
Ai theksoi se ushtarët italianë shërbejnë çdo ditë për vendin, shpesh larg familjeve të tyre dhe duke u përballur me rreziqe e sakrifica.
Kreu i Mbrojtjes italiane shprehu gjithashtu falënderim të veçantë për ministrin e Mbrojtjes të Bosnjë-Hercegovinës, Zukan Helez, për mbështetjen dhe kujdesin ndaj ushtarëve italianë në këto orë të dhimbshme.
Crosetto tha se Helez u ka qëndruar pranë ushtarëve italianë që nga momentet e para të tragjedisë, duke u kujdesur për ta sikur të ishin ushtarët e vendit të tij.
Burimi: RTKLive