Barcelona ka marrë një tjetër goditje pas humbjes 4-2 ndaj Paris Saint-Germainit, pasi mesfushori Dani Olmo pësoi një dëmtim në kofshën e majtë.
Futbollisti spanjoll u detyrua të largohej nga fusha rreth minutës së 30-të të ndeshjes, pas shqetësimeve fizike që shfaqi gjatë lojës.
Sipas raportimeve paraprake, ekzaminimet e para kanë ngritur dyshime për një dëmtim të muskulit aduktor të këmbës së majtë. Megjithatë, Barcelona pritet t’i nënshtrojë lojtarit teste të tjera mjekësore për të përcaktuar shkallën e dëmtimit dhe kohën e rikuperimit.
Pavarësisht se rezultatet përfundimtare ende nuk janë bërë të ditura, Olmo pritet të mungojë në përballjen e së dielës ndaj Real Madridit, e njohur si El Clasico.
Dëmtimi vjen në një moment të rëndësishëm për mesfushorin 27-vjeçar, i cili ndaj PSG-së regjistroi paraqitjen e tij të 100-të me fanellën e Barcelonës.
Para kësaj ndeshjeje, Olmo kishte luajtur në 44 ndeshje radhazi, ndërsa dëmtimi i fundit i tij kishte ndodhur më 3 dhjetor, kur pësoi një luksacion të shpatullës në ndeshjen ndaj Atlético Madridit.
Tashmë, klubi katalanas është në pritje të rezultateve përfundimtare mjekësore për të mësuar më shumë rreth gjendjes së mesfushorit dhe kohës së rikthimit të tij në fushë.
Sinjali – aty ku e vërteta flet para lajmit!
Burimi: Sinjali