“Dhuro Made in Kosova”, produktet vendore do të promovohen falas në tri platforma online deri në fillim të vitit 2027

“Dhuro Made in Kosova”, produktet vendore do të promovohen falas në tri platforma online deri në fillim të vitit 2027

Written by

in

“Dhuro Made in Kosova”, produktet vendore do të promovohen falas në tri platforma online deri në fillim të vitit 2027

Të gjitha bizneset vendore, prodhuesit dhe ndërmarrësit në Kosovë kanë mundësi të bëhen pjesë e kampanjës “Dhuro Made in Kosova”, e cila synon promovimin e produkteve vendore dhe rritjen e prezencës së tyre në tregun online.

Ministria e Industrisë, Ndërmarrësisë dhe Tregtisë (MINTI) ka bërë të ditur se në këtë nismë janë bashkuar tri platforma të tregtisë elektronike: Gjirafa, Foleja dhe Shopaz, përmes të cilave produktet e prodhuesve kosovarë do të promovohen dhe do të bëhen më të qasshme për konsumatorët.

Një nga përparësitë kryesore të kampanjës është se promovimi i produkteve në këto platforma do të ofrohet pa asnjë kosto për bizneset pjesëmarrëse.

Sipas MINTI-t, kampanja vjen në prag të festave të nëntorit dhe atyre të fundvitit, periudhë kur qytetarët dhe diaspora bëjnë blerje të dhuratave, duke synuar kështu të rrisë interesimin për produktet e prodhuara në Kosovë.

Nisma do të vazhdojë deri në fillim të vitit 2027, ndërsa MINTI u ka bërë thirrje edhe platformave të tjera vendore që t’i bashkohen kampanjës.

Si mund të aplikojnë bizneset?

Bizneset dhe prodhuesit e interesuar mund të aplikojnë duke dërguar kërkesën e tyre në adresën elektronike: dhuro.mik@rks-gov.net.

Pas aplikimit, ata do të informohen për udhëzimet dhe hapat e mëtejshëm për t’u bërë pjesë e kampanjës.

Sinjali – aty ku e vërteta flet para lajmit!

/GazetaSinjali/

Burimi: Sinjali