Ardit Tahiri ka shënuar gol në fitoren e Kolos Kovalivkas ndaj Kharkivit, ku luan Baton Zabërgja, duke fituar kështu përballjen direkte me bashkëkombësin e tij.
Kolos Kovalivka triumfoi të shtunën me rezultat 2-1 në ndeshjen e vlefshme për xhiron e 13-të të kampionatit elitar ukrainas.
Kharkivi e nisi më mirë takimin, duke kaluar në epërsi 1-0 që në minutën e parë. Asistues për këtë gol ishte Baton Zabërgja.
Megjithatë, përgjigjja e vendasve erdhi në minutën e 18-të, kur Ardit Tahiri shënoi për ta barazuar rezultatin në 1-1. Kolosi më pas arriti të realizonte edhe golin e fitores për 2-1.
Tahiri u aktivizua deri në minutën e 61-të, ndërsa në të njëjtën minutë nga loja dolën edhe Igri Kasalla dhe Arinaldo Rrapaj.
Në anën tjetër, Zabërgja e kompletoi tërë ndeshjen për Kharkivin, ndërsa Ermir Rashica e ndoqi takimin nga banka rezervë.
Pas 13 xhirove, Kharkivi ka 21 pikë, kurse Kolos Kovalivka numëron 15 pikë./Telegrafi/