Trajneri Andoni Iraola ka konfirmuar se të dy lojtarët kanë pësuar lëndime gjatë pushimit për ndeshjet e kombëtareve, duke i shkaktuar telashe skuadrës para një prej përballjeve më të rëndësishme të sezonit.
Gakpo ka probleme me kyçin e këmbës, ndërsa Isak vuan nga një lëndim në kofshë. Megjithatë, sipas trajnerit, dëmtimet nuk pritet të jenë afatgjata.
“Alexander Isak dhe Gakpo nuk do të luajnë. Fatkeqësisht, nuk janë të gatshëm për ne. Lëndimet ndodhën gjatë pushimit ndërkombëtar dhe, natyrisht, shpreson gjithmonë që të mos marrësh lajme të tilla nga mjekët, por nuk patëm fat”, ka deklaruar Iraola.
Ai ka bërë të ditur se Gakpo po punon për ta përballuar dhimbjen, por nuk do të jetë i gatshëm për të dielën. Ndërkohë, rikthimi i Isakut do të varet nga mënyra se si do të ndihet futbollisti në ditët në vijim.
Në mungesë të Isakut, vëmendja pritet të jetë te Lewis Koumas, i cili mund të marrë përgjegjësinë për të udhëhequr sulmin e Liverpoolit.
Iraola ka shprehur besimin e tij te futbollisti, duke theksuar se ai e ka dëshmuar gatishmërinë për të përfituar nga kjo mundësi.
“Lewis Koumas e ka besimin tonë. Nuk është ndonjë befasi, pasi lojtari ka treguar se është gati. Kemi edhe futbollistë të tjerë që mund t’i mbulojnë këto pozita, ndaj do të marrim vendimin e duhur”, u shpreh trajneri.
Një tjetër alternativë është Bradley Barcola, i cili mund të luajë në disa pozita në repartin ofensiv. Ndërkohë, Federico Chiesa mund të rikthehet në dispozicion, megjithëse ende nuk ka pasur minuta në ndeshjet e fundit.
Pavarësisht mungesave, trajneri i Liverpoolit është shprehur i entuziazmuar për sfidën ndaj Manchester Cityt, duke vlerësuar forcën e kundërshtarit dhe rëndësinë e paraqitjes para tifozëve vendas.
“Është një ndeshje emocionuese, në shtëpi, në Anfield, kundër liderit të kampionatit. Ata kanë fituar të gjitha ndeshjet e tyre dhe do të kërkojnë fitoren, por edhe ne do të bëjmë të njëjtën gjë. Duhet të jemi gati dhe t’i ndihmojmë tifozët tanë”, deklaroi Iraola.
Ai ka shtuar se, pavarësisht rëndësisë së kësaj përballjeje, sezoni është ende në fazën e hershme dhe rezultati nuk do të jetë vendimtar për objektivat afatgjata.
Liverpooli synon ta shfrytëzojë përparësinë e fushës vendase për të marrë një rezultat pozitiv ndaj Manchester Cityt, ndërsa mungesat në sulm do të jenë një nga sfidat kryesore për stafin teknik.
Burimi: RTKLive