Ekskluzive | Nuk e pagoi gjobën prej 1.200 eurosh për kanosje, përfundon në burg për 60 ditë – ky është i arrestuari në Obiliq

Ekskluzive | Nuk e pagoi gjobën prej 1.200 eurosh për kanosje, përfundon në burg për 60 ditë – ky është i arrestuari në Obiliq

Written by

in

Ekskluzive | Nuk e pagoi gjobën prej 1.200 eurosh për kanosje, përfundon në burg për 60 ditë – ky është i arrestuari në Obiliq

Një gjobë prej 1.200 eurosh, e shqiptuar për veprën penale “Kanosja”, i është shndërruar në 60 ditë burgim një personi në Obiliq, pasi nuk e kishte paguar shumën e përcaktuar. Ai është arrestuar nga Policia në bazë të urdhëresës së Gjykatës dhe është dërguar për vuajtjen e dënimit, mëson ekskluzivisht Gazeta Sinjali.

Burimet e Sinjalit bëjnë të ditur se bëhet fjalë për Samed Salihun, ndaj të cilit ekzistonte një urdhëresë aktive për arrestim.

Sipas informacioneve të siguruara, Salihu ishte dënuar me gjobë në vlerë prej 1.200 eurosh për veprën penale “Kanosja”.

Mirëpo, për shkak të mospagesës së gjobës, dënimi financiar i ishte zëvendësuar me burgim në kohëzgjatje prej 60 ditësh.

Arrestimi i tij është realizuar të mërkurën, më 18 nëntor, rreth orës 20:20, në Obiliq.

Pas zbatimit të urdhëresës gjyqësore, Salihu është dërguar në institucionin korrektues për vuajtjen e dënimit.

Nga informacionet e siguruara nuk bëhen të ditura rrethanat e rastit të kanosjes për të cilin ishte dënuar.

Shënim: Personat e përmendur në këtë lajm konsiderohen të pafajshëm derisa fajësia e tyre të vërtetohet me vendim të formës së prerë të gjykatës.

Sinjali – aty ku e vërteta flet para lajmit!

/GazetaSinjali/

Burimi: Sinjali