Filmat “DUA” dhe “Shame and Money” në fokus të takimit të ambasadorit Reka në Konsullatën e Kosovës në Nju-Jork

Filmat “DUA” dhe “Shame and Money” në fokus të takimit të ambasadorit Reka në Konsullatën e Kosovës në Nju-Jork

Written by

in

Ambasadori i Kosovës në Shtetet e Bashkuara të Amerikës, Blerim Reka, ka pritur në Konsullatën e Përgjithshme të Kosovës në Nju-Jork, Lum Çitakun, drejtor i Programeve në Qendrën Kinematografike të Kosovës, me të cilin ka diskutuar për promovimin ndërkombëtar të kinematografisë kosovare.

Në fokus të takimit ishte filmi “DUA”, me regji të Blerta Bashollit, i cili po shfaqet këto ditë në Nju-Jork dhe është propozimi zyrtar i Kosovës për edicionin e 99-të të çmimeve Oscar, në kategorinë “Filmi më i mirë ndërkombëtar”.

Në të njëjtën kategori garon edhe filmi “Shame and Money”, me regji të Visar Morinës, i cili është kualifikuar drejtpërdrejt pas fitimit të çmimit kryesor të jurisë, World Cinema Grand Jury Prize, në Festivalin e Filmit Sundance në janar të këtij viti, shkruan Telegrafi.

Gjatë takimit, Reka theksoi rëndësinë e mbështetjes institucionale për krijimtarinë filmike dhe promovimin e kulturës së Kosovës në arenën ndërkombëtare, duke vlerësuar kinematografinë si një nga mënyrat më të rëndësishme për përfaqësimin dhe afirmimin e vendit në botë./Telegrafi/