Gashi i reagon Kurtit: Pas shtatë vjetësh në pushtet, po na e shet varfërinë si kënaqësi

Gashi i reagon Kurtit: Pas shtatë vjetësh në pushtet, po na e shet varfërinë si kënaqësi

Written by

in

Deputeti i Lidhjes Demokratike të Kosovës (LDK), Arben Gashi, ka reaguar sot ndaj Qeverisë Kurti.

Ai në një postim në Facebook ka akuzuar kryeministrin Albin Kurti se pas gati shtatë vjetësh në pushtet vazhdon “të shesë varfërinë si kënaqësi”, ikjen e qytetarëve si pakënaqësi me fqinjët, ndërsa dështimet në arsim e drejtësi si probleme të trashëguara.

“Për ata që kanë pak, kur marrin pak, është shumë. Ky është mentaliteti i një pushteti që nuk synon ta nxjerrë qytetarin nga varfëria, por ta mësojë të jetojë me të. Kur nuk di çfarë t’u ofrosh qytetarëve, fillon t’ua ulësh pritjet”, ka shkruar deputeti i LDK-së.