Vrajset e grave në Kosovë janë duke u kthyer në një fenomen, e kjo gjendje po bëhet më alarmuese se kurrë më parë.
Së fundmi, në Pejë një grua ka mbetur e vdekur si pasojë e sulmit me sëpatë nga kunati i saj, duke lënë pas një fëmijë.
E për këta fëmijë, një zgjidhje dëshpëruese e ka gjetur gazetarja shqiptare, Vjosa Çerkini.
Ajo tha se do ta ftojë aktoren gjermane Jutta Speidel, që të kujdeset për fëmijët bonjak që po mbesin rrugëve të Kosovës.
“Unë do ta kontaktoj aktoren gjermane Jutta Speidel, e cila kujdeset për nënat dhe fëmijët pa strehim dhe mbështetje në Gjermani, sepse një zgjidhje të tillë duhet ta sjellim edhe në Kosovë, për gratë dhe fëmijët tanë” shtoi gazetarja.
Kujtojmë që Jutta Speidel nga viti 1997 merret me mbështetjen e nënave dhe fëmijëve pa strehim përmes organizatës jofitimprurëse HORIZONT e.V., të cilën e themeloi në Mynih të Gjermanisë. Ajo nuk u ofron familjeve vetëm një vend për të jetuar, por edhe mbështetje për të rindërtuar jetën dhe për të arritur pavarësinë./Telegrafi/