Deputeti i Lidhjes Demokratike të Kosovës (LDK), Avdullah Hoti, ka bërë të ditur se së bashku me 14 deputetë nga grupet parlamentare të opozitës, kanë dorëzuar një kërkesë te Presidentja e Kosovës lidhur me dekretimin e Bashkim Nurbojës në Bordin e Bankës Qendrore të Kosovës (BQK).
Përmes një postimi në Facebook, Hoti ka theksuar se tani pritet që Presidentja të veprojë në përputhje me kompetencat dhe përgjegjësitë e saj kushtetuese.
“Tani mbetet që Presidentja t’i përmbahet kompetencave të saj kushtetuese dhe të veprojë në përputhje me përgjegjësinë që i jep Kushtetuta”, ka shkruar Hoti.
Ai ka theksuar se pavarësia e institucioneve dhe respektimi i procedurave kushtetuese duhet të jenë mbi çdo interes tjetër.
Hoti nuk ka dhënë detaje të tjera lidhur me përmbajtjen e kërkesës, ndërsa mbetet të shihet se si do të veprojë Presidentja lidhur me çështjen e dekretimit të Nurbojës në Bordin e BQK-së.
Sinjali – aty ku e vërteta flet para lajmit!
Burimi: Sinjali