Hunter Schafer zgjedh një kombinim të guximshëm në premierën e Blade Runner 2099

Hunter Schafer zgjedh një kombinim të guximshëm në premierën e Blade Runner 2099

Written by

in

Hunter Schafer u shfaq me një veshje të veçantë në premierën e serialit Blade Runner 2099, të mbajtur të enjten në mbrëmje në Londër.

Aktorja zgjodhi një bluzë të shkurtër në nuancë blu të gjelbër, me reçipeta të integruara, që i zbulonte barkun.

Ajo e kombinoi me një fund të bardhë midi dhe taka të zeza prej sateni. Për të plotësuar pamjen, Schafer kishte zgjedhur hije sysh në të njëjtën nuancë me bluzën, shkëlqim buzësh në ngjyrë nude dhe flokë të lëshuar, të stiluar në mënyrë të lëmuar.

Më vonë, aktorja u shfaq edhe me një mushama transparente, një detaj që i referohej veshjes së personazhit Zhora, interpretuar nga Joanna Cassidy në filmin origjinal Blade Runner.

Në tapetin e kuq, Schafer pozoi edhe me kolegen Michelle Yeoh, e cila në projektin e ri interpreton personazhin Olwen.

Yeoh kishte zgjedhur një fustan të gjelbër me xixa dhe dantellë, çizme të zeza deri në kofshë dhe një xhaketë të bardhë me lesh artificial.

Ndërkohë, emri i Hunter Schafer është përmendur mes pretendimeve se ajo mund të jetë një nga kandidatet për rolin e vajzës së ardhshme të James Bond.

Nëse do të zgjidhej, ajo do të bëhej aktorja e parë transgjinore në këtë rol.

Mes emrave të tjerë të përfolur janë edhe Zendaya, Lily James dhe Florence Pugh. Megjithatë, deri tani nuk ka një konfirmim zyrtar për përzgjedhjen e saj. /Telegrafi/